موضوع يهمكم جدا جدا يابنات السوسيو مع د. عزيزة

[amoooona]

السلام عليكم
كيفكم ياحلوين وكيف المذاكرة معاكم
طبعا وانا جالسة اتفرج على مواعيد الاختبارات الجميلة الي عند بعد الاجازة
انصدمت انو موعد اختبار السوسيو الثاني حيكون يوم السبت على طول بعد مانرجع
انتوا ايش رايكم؟؟
نذاكر والا ايش انا الصراحة مااعرف اسلوب مس عزيزة اخاف تقول هو موجود عندكم في السيلابس والمفروض تذاكروا والله من جد خفت يابنات بليز انتوا ايش راح تعملوا
استنى ردودكم حبيباتي

[amoooona]

بنوتااات فينكم ؟؟

[nour al3mr]

{.. و عليكم السلام ورحمة الله و بركـاته..}

ياقمـر ما أعرف فين بنات الإنتظـام الأغلب اختفى ..

بس بشكـل عام الأفضل طبعاً أنه تذاكـري ..
لأنه مثل ماقلتي راح تقول لكم محدد عندكم من أول ..

ربي يعينكم و ييسر لكم أموركم ..
بالتوفيق ..~

[Beashoo]

انا مع دكتوره عزيزه وما حضرت كلاس اخر يوم
بس صحبتي حضرت وسالتها انه لو سار تمديد في الاجازه حيكون الاختبار اول يوم قالت ايوه زي ما هو محدد
والاختبار في الفصل 3 و4
والله يوفقنا

[MISS_GUCCI]

quiz 2 in her syllabus is on dec.11
though the dates are not accurate
i dont think we are going to take the Q on sat. she will emphasize and announce it for both section
so enjoy ur vacation
^_^

[amoooona]

بنات محد ذاكر والمنهج مررررة طويل
يعني من جد حيكون فيه اختبار
اصلا هي ماجابت سيرة ومو كل البنات شافوا السيلابس
ياربي طيب معقولة تختبرنا
انا بتجنن يعني اذاكر والا كيف والله مرة خوفتوني بكلامكم الله يهديكم

[منى30]

والله بصراحه هي ماتعطينا السلايدز ومررره ما اعطتنا حقنا في الماده زي البنات اللي قبل لمن كانت تعطيهم السلايدز
بصراحه انا ماراح اذاكر والمفروض تنزلها كم لها ماشاء الله من بداية السميستروهي ولا احنا هامينها
صح كلامي او لا؟
انا مستحيل افتحه الا بعد ما اعرف هل فية اختبار او لا منها
وان شاء الله حأرسل لها ولو ردت عليه بخبركم وانتم كمان اللي تقدر توصل لها قبلي لا تقصر
والله يستر

[انا رورو انا]

اختباررر مين؟؟؟؟؟؟؟؟؟؟؟؟

يابنات لا تذاكرو اليييييييييييييييييييين ماتنزلنا السلايدزززز الصراحة الكتاب ممل وكثير مانبغى نذاكر منو

[Beashoo]

بنات مين حضر اليوم ؟
بليز اللي حضرت تقول لنا ايش سار مع دكتوره عزيزة ومتى موعد الاختبار

[hannoda]

ما اختبرتنا بس اعطتنا درجاتنا وناقشت معانا الاختبار اللي راح وما حددت موعد الاختبار واصلا حتي لو كانت بتختبر ترا كل الشعبه تقريبا محد كان يدري ان في اختبار