][ نـقل أخـبار الــدورة التـأهـيلية للمـســتـوى(8) - للفصـل الدراسي الاول 2013 ][

[white rose]

المشاركة الأصلية كتبت بواسطة بسبوسة الشام بنات الله يسعدكم اللي حضرو محاضرات المودرن بس يكتبولنا التأشير حتى لو أرقام الصفحات بس اللي أشرتوها معاها بالكتاب لإني كتبت معاها كتابه ما كان معايا الكتاب بس صعب كتابة ما لقيت الا كتبته ما عرفت بأي صفحه الله يسعدكم يارب

حياك عزيزتي

وفي المودرن المشكلة كتاب الاستاذة كان يختلف عن كُتبنا لكن ان شاء الله البنات اللي حضروا وكتبهم كانت مشابهة لطبعة المس ما يقصروا ويخبروكم عنها

ربي يوفقك :-)

المشاركة الأصلية كتبت بواسطة free بنات الله يسعدكم ايت نموذج آخذه للمدرسة ويتعبى حصلت خمس نموذج ف الملف المرفق

هلا فري

كل الورق تروح للمدرسة وتنختم وترجع بظرف مقفل ومختوم

وورقة الاتدنت شيت هيا اللي توقعي فيها الحضور بشكل يومي تكون عندهم وانتي توقعي يومياً عليها الين تنتهي من ال 60 ساعة

وقتها هما يكملو بياناتك ويقيموك في نموذج 04 ويحطو كل الورق في ظرف مختوم وتسلميه لمس ليلى

ربي يفتح عليك :-)

[white rose]

الأدب الحديث lane 449

مع مس سهام فطاني

المحاضرة 5

شرحت المس Arthur Miller‟s Death of a Salesman

تكلمت عن الثيمز + وخلفية الكاتب +وركزت على شخصية [Willy + Biff+ Happy+ Ben]
والاستايل ايضا عن الاكت وقالت ممكن اجيب لكم سؤال زي اش لقب ويلي مثلا فلازم تقراي النص بدقة ؟
وقالت ويلي يعتبر البروتاجونست في المسرحية وانو ضحى بنفسه عشان اولاده وانه شي حزين ما احد حضر جنازته
وقالت معاكم الموتفز والسبمولز وكانت تتكلم بشكل عام عنها + قرات منها شوية في اول صفحات منها الحوار بين ليندا وزوجها اللي في البداية في اول كم صفحة

بعدها تكلمت عن Shirley Jackson‟s The Lottery
وقالت عن العادات القديمة اللي كان اهل القرية يمشو عليها وركزت على التاريخ والسيتنغ كثير
وتكلمت عن اهمية التقاليد وعن شخصية البطلة اللي انقتلت بالنهاية وعن الوحشية

ما قرات من النص لها وقالت اهم شي فيها لمن كان الاطفال يجمعون الاحجار ويعتبر فورشدونغ

في الاختبار :

قالت راح يجيكم ملتبل تشويس + فل ان ذا بلانكس + اتكلمي عن الشخصيات او الثيمز ايسيه كوتيشنز

ومرة مهم نحط تحت اسم كل رواية خط ما عدا اللوتري نحطها بين اقواس صغيرة لانها مو كتاب

ولمن نكتب اسم المؤلف نكتب اخر الاسم زي في اللوتري نكتب جاكسون بس بدون شيرلي

وقالت المهم نربط في اجابة الايسيه بالثيمز او بالسينتغ او بالاحداث الجارية وتكون اجابتك مرتبة وفيها مين ايديا وامثلة من النص باسلوبك وممكن يجي كوتيشن واضح

وبالتوفيق للجميع

---

شكسبيـــر lane 448

مع مس سهام فطاني

المحاضرة 5

تكلمنا عن مسرحية : Twelfth Night

وركزت على شخصية فيولا واوليفيا واش الاختلاف بينهم

وعلى ثيم Love

تكلمت عن الشخصيات : فيولا + اوليفيا + اورسينو + مالفيو + سباستيان

وعن الفرق بين النساء والرجال في ثيم لوف

وعن ثيم الdisguise

وانو appearance versus reality
بالنسبة للفول وفيولا

وقالت ايضا فيه ثيم ميوزك

وقرات من اكت ون

سين 1 و2و و3 و4 و5 اهم المقتطفات لمن تدخل كل شخصية على الاستيج

بعدها تكلمت عن الاختبار :

ملتبل تشويس + فيل ان ذا بلانكس + ايسيه كوشنز ( تكتبي فيها اسم المؤلف واسم العمل واهم الافكار وتدعميها بمثال من النص من فهمك وبالاخير تربطيها بالسيتنغ او بالثيمز زي ما تحبي )

ممكن تجي كوتيشن وتحطي مين القائل وكذا + لازم تنتبهوا تحطو خط تحت اسم المسرحية الا اذا كنتي بتكلمي عن مكبث الشخصية وقتها ما تحطي تحت الكلمة خط في اسئلة الايسيه كوشنز

وبالتوفيق :-)

[Ameera]

وايت روز .. الف شكر الله يوفقك ويوفق الجميع

[white rose]

^ ^

هلا عزيزتي اميرة

والعفو الله يحييك

وااامين الجميع يااااارب :-)

[MOFY]

الله يوفقكم ويسعدكم ماقصرتوا ربي يفتح عليكم وعلينا جميعا ..

وايت روز شكر خاص لك من الأعماق يا قمر المنتدى

[wed0o0]

ايش رايكم بالله.. كلمت مس ليلى ع المدرسة اللي باطبق فيها وكيف انهم بيحسبولي الساعات بالحصة مو بالدوام .. قالتلي لا قوليلهم يحسبوها بالدوام وخليهم يكلموني

كلمتها معلمة الانجلش واليوم تقولي انها قالتلها خليها من بداية الدوام لاخره بس خليها طول الوقت معاكي اشغليها باي شي
ولو ماعندك حاجه خليها تشوف اي شغلة ان شاء الله بالادارة
مررره انصدمت

ومعلمة المادة قالت انا مو حابة اظلمك واعطيك اكتر من اللازم .. حاعطيك 4 ساعات باليوم
وهي 3 ايام بالاسبوع يعني ماحاخلص غير 12/2 قبل الاختبارات بكم يوم

حراااااام

معليش طولت بس بفشششش خلئي

[الدلوعة]

بنات ممكن تنزلون الملف المضغوط لاوراق مادة التدريب مفصل لانه موراضي يفتح معي وهو مضغوط
اللي تقدر ترفعها هنا نموذج نموذج اكون لها من الشاكرين

[عبير العسيري]

المشاركة الأصلية كتبت بواسطة wed0o0 ايش رايكم بالله.. كلمت مس ليلى ع المدرسة اللي باطبق فيها وكيف انهم بيحسبولي الساعات بالحصة مو بالدوام .. قالتلي لا قوليلهم يحسبوها بالدوام وخليهم يكلموني كلمتها معلمة الانجلش واليوم تقولي انها قالتلها خليها من بداية الدوام لاخره بس خليها طول الوقت معاكي اشغليها باي شي ولو ماعندك حاجه خليها تشوف اي شغلة ان شاء الله بالادارة مررره انصدمت ومعلمة المادة قالت انا مو حابة اظلمك واعطيك اكتر من اللازم .. حاعطيك 4 ساعات باليوم وهي 3 ايام بالاسبوع يعني ماحاخلص غير 12/2 قبل الاختبارات بكم يوم حراااااام معليش طولت بس بفشششش خلئي

غيري المدرسه وروحي مدرسه ثانيه

اعوذ بالله من هاذي الاشكال اللي بس يستغلون ويكرهون الخير للناس

[الدلوعة]

تكفون بنات احتاج اوراق التدريب بس مو ملف مضغوط

[ام حمدان]

المشاركة الأصلية كتبت بواسطة الدلوعة تكفون بنات احتاج اوراق التدريب بس مو ملف مضغوط

ارفقتها في الرد حمليها :)


weddo

الله يعينك ويسهل امرك

طيب حاولي تزيدي ايام شغلك يعني كل ايام الاسبوع ان كان بيوافقوا ومافيه تعب عليك

موفقين