✿░ ايميل الدكتورة سوزان لطالبات البراكتكم + الفورم المطلوبة للتدريب --مُتجدد ░✿

[ѕυрзя пıdσ]

دا ينطبق على دا الترم كمان ؟؟؟

[white rose]

^

يب ندو

قاعدين نحدث لكم من فترة لفترة بالرد الاول بالموضوع

الله يوفقك :-)

[ѕυрзя пıdσ]

الله يجزاكي خير يا روزي
انا أرسلت لها من أسبوع تقريبا و بستنى الموافقة عشان أبدا تدريب
بس كيف اعرف أدا المكان معتمد من الغرفة التجارية !!!

[white rose]

المشاركة الأصلية كتبت بواسطة ѕυрзя пıdσ الله يجزاكي خير يا روزي انا أرسلت لها من أسبوع تقريبا و بستنى الموافقة عشان أبدا تدريب بس كيف اعرف أدا المكان معتمد من الغرفة التجارية !!!

واياك ندو

ان شاء الله ترسل لك قريب موافقتها وتبشرك

المكان تعرفيه من نفس المكان اللي راح تتدربين فيه تسالينهم عن الاعتماد من الغرفة التجارية

واهم شي عندها يكون مكان معروف وله اكثر من سنة مفتوح مو توه انفتح

الله ييسر لكم كل خير :-)

[#VIP#]

السلام عليكم كل سنة وانتوا طيبين كيفكم بنات وسنة جديدة حفلة بالانجازات إن شاء الله

أنا تخرج بإذن الله هالترم بس المشكلة إني خارج مدينة جدة وماأقدر احضر وارسلت لمس جميلة ومس سوزان ولا من مجيب كنت أبغى أعرف إذا ممكن إني أقدر أخلص اجراءات التخرج عن طريق المراسلة بالإيميل ولا لابد من الحضور وبالنسبة للتدريب انا موظفة حاليا ومااقدر اتدرب ممكن اسوي بحث يغني ولا لازم تدريب افيدوني وتسلموووون

[NeeiNaaB]

السلام عليكم
كيفكم بنات من زمان ماكتبت شي
كنت بدي اساالكم هو في اماكن تدريب في منطقة الرحيلي او قريب من قاعة فرح؟؟
وهل لازم اتدرب كمدرسة ولا في اشياء تانية اقدر اشتغل فيها؟؟

[white rose]

المشاركة الأصلية كتبت بواسطة #vip# السلام عليكم كل سنة وانتوا طيبين كيفكم بنات وسنة جديدة حفلة بالانجازات إن شاء الله أنا تخرج بإذن الله هالترم بس المشكلة إني خارج مدينة جدة وماأقدر احضر وارسلت لمس جميلة ومس سوزان ولا من مجيب كنت أبغى أعرف إذا ممكن إني أقدر أخلص اجراءات التخرج عن طريق المراسلة بالإيميل ولا لابد من الحضور وبالنسبة للتدريب انا موظفة حاليا ومااقدر اتدرب ممكن اسوي بحث يغني ولا لازم تدريب افيدوني وتسلموووون

وعليكم السلام ورحمة الله وبركاته

وانتي بخير وسعادة اختي

واللهم امين وربي يتمم لك على خير

ممكن تخلصين اجراءات التدريب من انك تطلبين من مس جميلة تضيف المادة لجدولك كمان تتواصلين مع مس سوزان عن طريق الايميل لكن الاجراءات لازم انتي تسويها بيوم تنزلي فيه لجدة ما ينفع عن طريق الايميل

التدريب يغنيك شغلك المفروض بس انتي لا تقولين لها انك تشتغلين بالمكان لانها راح تقولك كيف تشتغلين وانتي ما عندك شهادة وهيك كلام

بس قولي لها على المكان وانو معتمد ومتحقق فيه شروطها اللي هيا طلبتها وانك تبغين تتدربين فيه وشوفي ردها وتابعي معها

ولا ما فيه بحث للاسف لابد من التدريب لتسعين ساعة

الله يوفقك :-)

المشاركة الأصلية كتبت بواسطة neeinaab السلام عليكم كيفكم بنات من زمان ماكتبت شي كنت بدي اساالكم هو في اماكن تدريب في منطقة الرحيلي او قريب من قاعة فرح؟؟ وهل لازم اتدرب كمدرسة ولا في اشياء تانية اقدر اشتغل فيها؟؟

وعليكم السلام ورحمة الله وبركاته

هلااااا والله بام ارانب القميلة

لك وحشة وفعلا غبار عن اخر مرة شفناك فيها

بخير الله يجعلك باحسن واتم حال

الاماكن اي مكان معتمد من الغرفة التجارية وله اكثر من خمس سنوات ومعروف سواء مدارس او معاهد او مستشفيات

وتقدرين لو تبغين تتدربين بالجامعة بالمكتبة المركزية او بالشئون او باي وظيفة خارج الجامعة فيها تستخدمين لغتك الانجليزية زي ادخال بيانات في مستوصفات وشركات معروفة او بنوك اذا وافقو لك

الله يوفقك :-)

[NeeiNaaB]

ايوة من جد غبرة
تسلمي كتير
طيب لو بدي ادور على شغل داخل الجامعة اروح فين؟؟؟

[white rose]

المشاركة الأصلية كتبت بواسطة neeinaab ايوة من جد غبرة تسلمي كتير طيب لو بدي ادور على شغل داخل الجامعة اروح فين؟؟؟

الله يحييك المهم نورتينا ربي يسعدك

وتروحي لاي مكان تبغيه زي المكتبة الجامعية او عمادة القبول والتسجيل او عمادة شئون الطالبات او وكالة الخريجات وتقولي لهم انا ابغى اتدرب عندكم وعندي 90 ساعة تدريب وهما راح يدلوك عن المسئولة عن تدريب الطالبات عندهم وراح تخبرك اذا عندهم احتياج ولا لا

حاولي معهم وهما ما راح يقصرو معك ان شاء الله

ربي يسهل لك كل خير :-)

[ѕυрзя пıdσ]

ورقة فورم التدريب وموافقة ولي الأمر لازم نوديه لها شخصياً أو بالسكان على الأيميل !!
لأنو الترم الي فات كان تعاملها مع الطالبات كلو بالايميل