الله يخليكم .. ما لي بعد غيركم بعد الله يساعدني

[om haya]

حنين الود .. دقيت على الوتر الحساس :(

انا اخدت سينتاكس.. بس سيمانتكس ما اخدت هل هل سهلة ..

اخدها مع اي مواد اخد مع السيمانتكس

[حنين الود]

المشاركة الأصلية كتبت بواسطة om haya حنين الود .. دقيت على الوتر الحساس :( انا اخدت سينتاكس.. بس سيمانتكس ما اخدت هل هل سهلة .. اخدها مع اي مواد اخد مع السيمانتكس

حياتي شوفي السيمانتكس ماحقدر افيدك فيه دحين لو سهل او صعب لو كلمت صحبتي حقولك يعني كدا اليوم بعد الدوام يكون الرد جاهز اما بالنسبه للفونتكس سهل بس احفظي وافهمي شويه انا اخدته مع ليلى هاشم بالنسبه للفونولوجي مع منال التاودي .. وصحبتي مع عزيزه العيسى كلهم كويسين عادي الماده سهله تعتمد على الفونتكس ترى بس مدام انتي انتساب مو مشكله لو اخدتيهم مع بعض مادري والله اخاف افتيلك .. بس انا نصيحتي فكشن لاتفكري فيه دحين عندك الدراما ممكن خديها بس من رأيي تاخدي ماده حره مع سيمانتكس مع فونتكس وفونولوجي مررررره تمام يصير جدولك او خدي معاها دراما

[*moon light*]

اهلا ام هيا

حمدالله عالسلامة ومبروك ما جاكي

بالنسبة للاربع مواد اللي ذكرتيها خذيها مع بعض

لسة في وقت وان شاء الله تلحقي

واذا لسة عندك مواد حرة ما اخدتيها الافضل تاخديها لانها مو دسمة زي مواد التخصص

فكشن معانا رواياتين بس

ودراما كمان مسرحيتين بس

فوناتكس بس خمس فصول

فونولوجي المحاضرات موجودة في موقع مس منى

توكلي على الله

والله الموفق

[ღحلا الدنيـاღ]

انا انتظام ,,

هذا الترم آخذ 5 مواد
فوناتكس ,, فونولوجي ,, فكشن ,, ريسيرش ,, سنتاكس ,,
>> اخذت الفونولوجي مع الفوناتكس لاني عايده الفوناتكس : (

[om haya]

الله يوفقك يا حنين الود .. مرة ساعدتيني :)

moon light انت مع مين تاخدي الدراما والفيكشن .. ومن فين اقدر اجيب الكتب ..

وايش هي القصص و المسرحيات الي داخلة معانا .. وكيف نذاكرها..

انا اسفة كثرت اسئلتي .. بس مالي غيركم .. الله يجزاكم كل خير

اذا تقدر تحطي اللينك حق موقع مس منى ...

انا مخلصة كل المواد الحرة .. لأني محولة من قسم ثاني ..فكل المواد الحرة عادلوها ..

[حنين الود]

مون لايت يادبدوبه روايتين اخاف تتورط فيها ومايمديها اوم هيا اذا انتي اوكي في القراءه شدي حيلك وخديها انا بعد كلام مون لايت اقولك الدراما خديها وانتي مغمضه مدام بس مسرحيتين لكن الروايه مادري احسها معقده شويه لكن المسرحيه واضحه مايبغالها ومعروفه الشخصيات وزي كدا ..وشوفي كلاممون لايت يمكن اصح لانو هيا معاكي انتساب ودارسه المواد انا ماعرف بس حبيت افتيلك

[om haya]

مشكورة حبيبتي حنين الود ..

القراءة مو مشكلة .. بس ابغى اعرف كيف المذاكرة تكون ..

كان جدولي في 6 مواد تخيلوا .. ومافي فونولوجي

خليت في الدراما والفيكشن والفونوتكس .. وكمان في علم الدلالة ..

مادري سهلة او لا .. قولوا لي كيف دي المادة .. لو سمحتوا ..

[حنين الود]

المشاركة الأصلية كتبت بواسطة om haya مشكورة حبيبتي حنين الود .. القراءة مو مشكلة .. بس ابغى اعرف كيف المذاكرة تكون .. كان جدولي في 6 مواد تخيلوا .. ومافي فونولوجي خليت في الدراما والفيكشن والفونوتكس .. وكمان في علم الدلالة .. مادري سهلة او لا .. قولوا لي كيف دي المادة .. لو سمحتوا ..

حطي فونولوجي طيب ؟؟ حاولي بأي طريقه
والسيمانتك لاتحذفيه صحبتي تقول ماده يبغالها تركيز وحفظ شويتين وشدي حيلك بس الفونولوجي مادري من ناحيه اخاف انو تلخبطي بينه وبين الفونتكس ومن ناحيه تانيه هوا سهل

[سهر]

ام هيا ياقلبي اسمعي مني دراما مع فكشن لاااااااااااااااااااااااااا الفكشن الترم هذا مع د/عمرباسلامه صراحه شرحه حلو بس مايبغى يسهل كل البنات حذفو الماده بعد الدوره وانا من ضمنهم انسي حكاية الفكشن
نجي للدراما مع د/سيد احسان اعطانا بس المسرحيتين the spanish tragedy,the school for scandle واسئلته بالعاده حلوه وهو شكله طيب ويحب يسهل خذيها معاه وترى حتلاقي في المنتدى ملخصات للمسرحيتين ووقت ماتبداي المذاكره حقللك ايش الاشياءالمهمه اللي قال عليها هذا بالنسبه للدراما
نجي للسمانتكس اللي هو علم الدلاله حلو بس يبغاله شوي حفظ وتركيز اللي معانا ال8يونت الاولى بماانك اخدتي السنتاكس وشفتي سهولته ان شاءاللله السمانتكس اسهل من السنتاكس وكل اللي قد اخذو الماده يجيبوا في الثمانينات وانتي طالعه والحلو والمضمووت ان د/منال التاودي تجيب الاسئله اللي في الكتاب نفسها ولاتخافي ياعسسل الاجوبه حقت الاسئله تلقيها تحت السؤال على طوول خانه اسمها feed back ايوا تذكرت السمانتكس لو فهمتي اول يونتين حتفهمي الباقي لانه البدايه مررره مهمه ويعتمد عليها ال6يونتس اللي بعدها
نجي للفونتكس والله مدري اش اقللك هو مع خوله زهران ومعروف عنها انها تحب الاسئله المقاليه وانا اخذت الماده مع ليلى هاشم الترم اللي فات وكان اللي معانا بس3شابترز ودحين 5 شباتر واسئلتها بصفه عامه مو سهله يبغالها تركيز وهي تحب تخليلك مجااال تكتبي عشان تشوف انك فاهمه والفونتكس من المواد اللي يبغالك تحضري المحاضرات
اذا عندك مواد حررره احسللك ضيفيها هذا الترم مع المادتين هذي والله يوفقك اي سؤال عن الدراما او اي شي مستعده اساعدك حبيبتي نبغى بس الدعوه الحلوه

[om haya]

مشكورة يا سهر..

بس بصراحة خفت مرررة من كلامك .. ايش رايك اخد مع الدراما و علم الدلالة .. لأن خلصت كل المواد الحرة ما عندي..