كم نصيحة من أخوكم "المجرب" لطلاب التحضيري

[warm ice]

حابه أنوّه بس للي يبغون ياخذون الإنقلش من ليفل ون على اساس راح يرفع المعدل
اللي راح تاخذونه بليفل ون كيف تكتبون على سطور الانقلش , ترتيب كلمات
كيف تكونون جمل بسطية
برضو مو داخل بالمعدل هو فقط لتثبيت الأساسيات بالانقلش
يعني حيكون ضياع وقت على الفاضي !
وترا دراسة الإنقلش طويلة ! يعني جدولي كان سبت واثنين وربوع انقلش من 8 لما 11 ! وبعدين أكمل باقي المواد لما 2
فا اللي حيعدي ليفلات في اختبار المستوى راح يرتاح كثير باقي السنة ويتفرغ لدراسة باقي المواد على رواقه
حاولو تشدون حيلكم في اختبار تحديد المستوى عشان تقفزن لليف ثري أو فور
وَ و موفقين :)

[غريب عزيز]

المشاركة الأصلية كتبت بواسطة zeroone اووه طيب المشكلة انا اختبرت تحديد مستوى ومثلا بدأت من المستوى الثالث أقدر اعدل واخليه من الاول عشان اطووور زياده وارفع المعدل ؟ واذا كان اقدر اعدل من فين .. علماً انا فرعي شمال جده

ما ينفع تعدل بعد الإختبار وظهور النتيجة

[غريب عزيز]

المشاركة الأصلية كتبت بواسطة ريتشارد ^ الإختبار اللي يقدمه معهد الإنجليزي مُنصف تقريبا ولو حطوا لك مستوى 3 ثق تماما ان مستوى 1 و 2 ما راح يفيدوك لأنو المستوى الأول عدد ساعاته 0 يعني ما يفيدك بشيء ابدا ليفل 2 يأثر بالنسبة بشكل بسيييط جدا لدرجة انو ما يحتاج تضيع وقتك عشانه ساعات المواد كُلها 27 وحصيلة الانجليزي منها فقط 6 لو بدأت من مستوى ثاني ولو بدأت من المستوى 3 عندك 4 ساعات انجليزي ، هذي الـ4 او الـ6 ولا شيء بجنب المواد الثانية لأن هي كمان تحتاج منك وقت وما تنسى ان دوام الانجليزي الفعلي طويل ، يعني كل وقتك بالصباح رايح عليه = )

لا صاحبي دخل الإختبار وحل حقرة بقرة طلع معه المستوى الثالث وهو ما يعرف شي

دخل الثالث ورسب فيه بسبب انه ما يعرف شي بالانقليزي

[ريتشارد]

عزيزي في ردي انا قلت منصف تقريبًا مو بشكل حتمي
لأني بعرف طلاب دخلوا مستويات وهم مو حولها
لكن على كل حال هم قليل ويشذون عن القاعدة

الأغلب دخلوا المستويات اللي تناسب قدراتهم ونجحوا فيها الحمد لله
واثق بإختبار معهد اللغة الإنجليزية ومتيقن انو حقق طموحاتهم
والمعهد نفسه يعرف هذا الشيء ولا كان كنسلوا الإختبار وخلاص كلهم ليفل 1

= )

[غريب عزيز]

المشاركة الأصلية كتبت بواسطة ريتشارد عزيزي في ردي انا قلت منصف تقريبًا مو بشكل حتمي لأني بعرف طلاب دخلوا مستويات وهم مو حولها لكن على كل حال هم قليل ويشذون عن القاعدة الأغلب دخلوا المستويات اللي تناسب قدراتهم ونجحوا فيها الحمد لله واثق بإختبار معهد اللغة الإنجليزية ومتيقن انو حقق طموحاتهم والمعهد نفسه يعرف هذا الشيء ولا كان كنسلوا الإختبار وخلاص كلهم ليفل 1 = )

صحيح بس ليش الواحد يضيع فرصة ذهبية إنه يرفع فيها المعدل

يعني هو صحيح تعب وزيادة وقت لكن في النهاية انت الكسبان لمن يكون معدلك عالي

خصوصا اذا كان الواحد فاهم بالانقليزي يعني بيكون مرتاح جدا بس يحضر الحصص ويختبر ويجيب درجات عالية بسهولة

تحياتي ،

[Noodii]

يا جماعة انا كدا ماني عارفة ايش اسوي اختباري بعد كم يوم ايش احسن احل كويس ولا ابدا من ليفيل 1 ؟؟

[غريب عزيز]

المشاركة الأصلية كتبت بواسطة noodii يا جماعة انا كدا ماني عارفة ايش اسوي اختباري بعد كم يوم ايش احسن احل كويس ولا ابدا من ليفيل 1 ؟؟

لو ضامنة انك تجيبي درجات حلوة ان شاء الله وتذاكري كويس وحابة ترفعي معدلك ومهاراتك بالانقليزي ابدئي من ليفل 1

[ZeroOne]

يا غريب غزيز

جميع مستويات الانجش بإستثناء الاول لو جبت فيها مثلا 95 كم نسبة الزيادة من المعدل العام .. عشان نعرف اذا يأثر في المعدل بشكل كبير او لا

[غريب عزيز]

المشاركة الأصلية كتبت بواسطة zeroone يا غريب غزيز جميع مستويات الانجش بإستثناء الاول لو جبت فيها مثلا 95 كم نسبة الزيادة من المعدل العام .. عشان نعرف اذا يأثر في المعدل بشكل كبير او لا

أخي انت احسب موزونتك مثلا بدون الانقليزي واحسبها بالانقليزي بتشوف الفرق

الانقليزي يعادل 6 ساعات بالمعدل كل مستوى ساعتين المستوى الأول مش محسوب

يعني بيعمل فرق كبير

تحياتي ،

[حنين غائب]

االلهـ بعطيكـ العآفية ويجعله في ميزان حسناتكـ ..

استمتعت واستفدت وانا أقرا الصراحة .. نصائح نابعة من قلب محبٍ للخير :))