(تجمع طالبـــــــات المستوى{5-6}--لنقل اخبار الدورة التاهيلية )

[dudi]

السلام عليكم .. كيفكم بنات ؟؟
معليش حابه اسأل على مادة أدب 341 ايش اسم الكتاب و هل في الأشياء مطلوبه غير الكتاب ؟؟
مشكورييين على جهودكم ....

[cute*soso]

وعليكم السلااام ي حلواا
اسم الكتاب introduction to literaturere

حتى الحين ما طلبو منا شي غير الكتاب ~

[لمارمبارك]

السلام عليكم بنات اععطونا اخبار المواد التاليه الادب و اللغويات و الكتابه1 و ماده مبادي الاداره العامه هل الكتاب كلو معاناوكيف طريقه الاسئله
برضو الترجمه القاموس الي استخدمه ايش نوعه يعني عربي انجليزي ولا انجليزي انجليزي
متى موعد الامتحانات تقريبا

[ام حمدان]

lane 331 مناهج بحث

كملت معنا مس نجوى شابتر 1 وبعد كذا شرحت نفس الملف هذا الي في المرفقات خطوات عمل البحث تبعنا

ضروري تقراوه وبعدها تبداو تطبيق اول خطوه وتقراو ملفها الي ارسلته لكم عن طريق الايميل الي ماراسلتها بسرعه ترسلها لانه مافي وقت اخر موعد لتصحيح اول خطوه هو الاربعاء الي بترسلها بعد الاربعاء ماراح ترجعه لها لو فيه اي خطا بترصد لها درجتها عليه زي ماهو
لكن الان عندكم فرصه بسرعه اختاروا مواضيعكم ورتبوا نفسكم واسئلوها لو مو فاهمين شي او لو تبغوا تستشيروها في مواضيعكم
وعندكم بقيه المواعيد موجوده في جدول كل خطوه لها موعد معين وكاتبه لكم الاستاذه كل الملاحظات والمعلومات الي نمشي على اساسها
وسبق ونزلوا الملف تبع الاسايمنت وايت روز وfatimah idrees

لو افتكرت شي ثاني بكتبه لانه الان مرهقه والمخ عندي فاصل على الاخر ><
اهم شي تبداو باللي ذكرته لكم فورا

الله يسهل

[fatima idris]

صبايا هاد الجدول من الملف اللي بعتته مس نجوى لكل البنات اللي راسلوها
اللي ظاهر الي انه من هنا للاربعاء القادم معكم مجال
المطلوب براجراف صغير توضحي فيه عن ايش انتي حابه تكتبي بالزبط رجاء لاتتوتروا احنا لسه اخدنا محاضرتين و متوترين لكن كل الصبايا اللي اخده الماده بيحكوا سهله و حلوة
وكلوا امركم لله و اتذكروا من جد وجد ان شاء الله

[white rose]

الصرف (مورفولجي) 333
المحاضرة الثانيه-مس منى البلوي
واعتذر عن التأخير ودعواتكم

[ام حمدان]

تنبيه عن ماده البحث331
عفوا يابنات بالنسبه لمناهج بحث نسيت اكتب الاربعاء الجاي1/6 هو اخر موعد لتصحيح اول خطوه حسب ما هو مكتوب في جدول المواعيد الي ارسلته في الملف
يعني الي بترسلها بعد الاربعاء ماراح تطلب منها تعدل اي خطا راح تحسب لها الدرجه عليه زي ماهو
لكن الي ترسلها قبل راح ترجع لها هو وتعطيها فرصه تصحح اخطاءها


عموما عندكم الملف الي بترسله لكم موضح فيه كل شي حتى عدد الجمل الي مطلوب في اول خطوه مكتوب قالت من 5-9 جمل

ونقطه مهمه نسيت اكتبها بالنسبه للمصادر تبعكم كيد بتحتاجوا النت لكن اهم شي مايكون الموقع ينتهي بcom لانها تكون مواقع تجاريه وغير موثوقه
المواقع الي عادة تكون موثوقه مثل الي يجي نهايتهاorg او edu او gov
وقالت تقدروا تروحوا للمكتبه المركزيه الي عندنا في الجامعه وتقروا كتب ممكن تساعدكم واي كتاب او مقال او مجله الخ ممكن تلقوه فيه شي يفيددكم في بحثكم
اطلبوا من الي فالمكتبه يصوروا لكم المقطع الي محتاجينه +غلاف الكتاب ومعلومات النشر ضروري عشان بنحاتها لمن تجي مرحله التوثيق
وفي الكتاب من 38 تقريبا مشروح عندكم ايش المعلومات الي نحتاج نعرفها عن المصدر لمن يكون كتاب او مقاله او الخ
كله مكتوب تقول ارجعوا للصفحه ذي دائما حتى تعرفوا الي تحتاجوه من معلومات

اقروا يابنات الملف كويس وماراح تحتاجوا تسئلوا والله يعيننا ونقدر نكتب شي يعجبها

موفقين

[ام حمدان]

دراما343

كملت شرح في نفس اهم عصور الادب وانواع المسرحيات والكتاب الي اشتهروا في ذيك العصور
تقرا من العرض تبعها وتخلينا نكتب بصراحه مالحقت اكتب كل الكلام
ومو مشكله بحاول ادبرلكم الكلام من البنات وفيه ورقه اعطتنا هيا في الامور الي معنا في المنهج راح اشوف وحده تعمل سكان وتنزلها لانه ماعندي وللعلم الدكتور ايمان مارضيت تحذف المسرحيه الثالثه تقول دكتوره رندا ماوافقت
وقالوا البنات بيحاولوا في دكتوره رندا بنفسهم ولو رضيت هي قالت ماراح امانع لو دكتوره رندا وافقت روحوا كلموها

ونشوف ايش بتقول ونرد لكم خبر
صراحه لو ماحذفتها شكلي بحذف الماده دكتوره ايمان تونسي حسيتها كويسه صراحه بس انا ماعندي وقت وحاسه نفسي مضغوطه ومابقدر القى وقت للمسرحيه الثالثه

[ام حمدان]

lane 350 ترجمة
اول شي كتبت جمل من عندها عالبورد وطلبت مننا نشارك في ترجمتها الغرض منا معرفه التراجم الوراده لكلمه full

the glass is full of water
الكأس مملوء او(مليء) بالماء

his eyes were full of tears
عيناه اغرورقت بالدموع

this area is full of diseases
هذه المنطقة موبؤه

this book is full of information
هذا الكتاب غني بالمعلومات

Cairo is a crowded city and full of motion
القاهرة مدينة مزدحمة بالسكان وعامره بالحركه

-----
اي ترجمة تدي المعنى نفسه بتعتبرها صح لكن هذي الافضل

بعدين
كملت معانا قراءة وشرح من الكتاب لغايه ص 48 وتقول لازم تقروا الكتاب وتحاولوا تحفظوا مصطلحات قد ماتقدروا حتى ماتتعبوا في الترجمه

وبعدها اعطتنا ورق من عندها فيه قطعتين وحده عربي ووحده انجليزي كتبتبهم لكم في ملف وورد وهذا هو في المرفقات
تبغانا نتدرب عليهم وتقول المحاضره الجايه بتدربنا كمان على قطع غير حتى نتعود على الترجمه

اما عن الامتحان تقول كلمت دكتوره رندا وقالت بتمشي بنفس طريقة الي قبلنا عبارة عن قطعتين وحده نترجمها من عربي لانجليزي ووحده العكس
والقواميس قالت ماتسمح ندخلها بس قلنالها انه مسموح لنا من زمان وحتى للانتظام وقالت بتسئل وبترد لنا خبر إن شاء الله --شكلها مو مصدقتنا
المهم رشحت لنا قواميس نستخدمها بشكل عام سواء في الامتحان ان سمح لنا او غيره
المورد الوسيط لمنير بعلبكي عربي /انجليزي وانجليزي /عربي
وكمان قاموس اكسفورد انجليزي انجيزي عربي

وبس هذا اهم ماجرى في محاضرة اليوم :)

[ام حمدان]

لمار مبارك

الترجمة مع د.ابتسام باجري مو منال التاودي كانت منال وتغيرت لابتسام
الادارة العامه تقدري تعرفي اخبارها من هنا
http://www.skaau.com/vb/showthread.php?t=353705

واادب واللغويات إن شاء الله يجي من يفيدكم عنهم

بالتوفيق