طالبات مقدمة ادب عند دكتور سيد احسان

[om haya]

لو سمحت يا بنات ساعدوووني ..

انا ما قدرت احضر الدروة عشان ظروفي ما تسمح .. ولا كان نفسي احضر .. بس الحمد لله..

كنت ابغى اعرف ايش لي داخل في الامتحان ..

واذا في ورق او ملخصات .. بعدين الشرح والثيم للشعر ابغى اعرف من فين اجيبوا ..

بنات الله يخليكم ساعدوني انا مرة حايسة في المادة

[محمدb]

اختي العزيزه om haya
توجد مذكره اسئلة ومذكرة فيها الرواية والمسرحية والشعر كما يوجد cd فيها مسرحية pygmalion في مكتبت الإصلاح يرسلها لكي على بريد -dhl.
(كما يوجد مداخلات سابقة يمكنك الأستفاده منها)
مع تمنياتي لكل الطلاب والطالبات باتوفيق.

[om haya]

شكرا يا اخي على المعلومات المفيدة

لكن كنت اتمنى ان الطالبات يقولوا لي المهم وطريقة الاسئلة ..

[سهر]

اختي انا كمان معاكي عند سيد احسان
هو قال اكثر الاسئله حيجيبها من daisy miller
وطبعا المصطلحات اللي في اخر الكتاب صميها صم حيجيب 5 منها وعليها 15 درجه
واللي معانا daisy miller
short story;the jewelry
how much land
young god man brown
والقصائدthe chimny sweeper
the road not taken
lovelist trees is cherry now
هذا المقرر الباقي حذفه
ركزي اول شي على daisy miller قال اكثر شي حيجيب منها
وبصراحه الماده حلوه معاه وهو سلس في التعامل وكل مايقولوله البنات يحذف شي مايقصر اذا تبغي اعطيكي رقم جواله او ايميله هو اعطانا وقال اي استفسار نتصل عليه ..
ان شاء الله اكون افدتك

[om haya]

مشكورة يا سهر ما قصرتي ..

بس القصيدة حقت شكسبير مو معانا ؟؟

والقصايد الباقية .. ايش المطلوب منها ..

ويا ليت تعطيني ايميل الدكتور لو سمحت ..

[سهر]

ابشري لي رجعه ان شاء الله واعطيكي الايميل عادي لو اكتب ايميله؟؟ اللي عنده خلفيه يرد
وقصيدة شكسبير مو معانا اللي معانا فقط اللي قلت لك عليه
والمطلوب من القصايد اشرحي the first stanza وطبعا ال theme ...وعن الكاتب كمان في مواقع تساعدك عالنت تلخص لك المهم في كل قصيده
ارجع اقللك على daisy miller في موقع sparknotes ادخلي على quiz حتلاقي اختيارات وفي زر تضغطيه يحلها لك ذاكريها دكتور احسان يجيبها بالنص.... بالتوفيق

[NaNa_2009]

مشكوورة اختي سهر على المعلومات المفيدة
بس حبيت اسئلك من أي جهة في الموقع اضغط على اسئلة daisy miller
وهل في اسئلة ثانية له؟؟
مشكورة ,, يعطيك العافية

[داانه]

الله يعطيكم العافيه

معليش عندي سؤال
المصطلحات اللي مكتوبه عندكم بالكتاب كم مصطلح؟

مشكورين

[om haya]

الف شكر يا سهر طمنتيني ..

كنت مهمومه من قصيدة شكسبير .. مرة صعبة

معليش اذا ممكن تقولي لي عن اي موقع الاقي في الشرح والكتاب ..

و كمان كنت ابغى اسآلك عن باقي القصص ايش المهم فيها ..

اسفة يا اختي .. كثرت عليك الاسئلة .. بس الله يوفقك ويجزاك كل خير ..

[om haya]

NaNa_2009

هنا حتلاقي الاسئلة ..

http://www.sparknotes.com/lit/daisy/quiz.html