InstagramTwitterSnapChat


 
وصف

العودة   منتديات سكاو > الكليات الجامعية > منتدى كــلــية الاقــتصاد والإدارة > قسم الإدارة العامة > منتدى الملخصات والمواضيع المميزة (قسم الإدارة العامة )
   
   


منتدى الملخصات والمواضيع المميزة (قسم الإدارة العامة ) قسم خاص يتم نقل المواضيع المميزة و الملخصات والملفات المهمه

استفسار عن أفضل استاذات بحث وتدريب ..

منتدى الملخصات والمواضيع المميزة (قسم الإدارة العامة )

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 27-08-2013, 10:49 PM   #11

*زهرة السوسن*

الصورة الرمزية *زهرة السوسن*

 
تاريخ التسجيل: May 2009
كلية: كلية الاقتصاد والادارة
التخصص: إدارة عامة
نوع الدراسة: متخرج - انتساب
المستوى: الثامن
البلد: جــــدة
الجنس: أنثى
المشاركات: 11,226
افتراضي رد: استفسار عن أفضل استاذات بحث وتدريب ..

نسمة حشمت
المشاركة الأصلية كتبت بواسطة لميس ابو شعر مشاهدة المشاركة
ياجماعه تحذير بقوه لا حد ياخد مادة البحث والتدريب مع الاستاذه نسمه حشمت احذرو منها تتلون لك مثل الحرباء وبالاخير تنصدمي منها في البدايه تقول لي راح اراعيك لانك من الشرقيه وراح يكون تواصلنا عن طريق الايميل وبعدين ماترد علي على الايميل ولا على التلفون وقتلت روحي على البحث وسهرت عليه وآخرتها تصدمني بالدرجه 65 حسبي الله عليها نزلت معدلي مو بس انا في بنات حطت لهم هذي الدرجه الله ينتقم منها مااحللها ولا ابري ذمتها الى يوم القيامه حسبي الله عليها.
المشاركة الأصلية كتبت بواسطة somaa مشاهدة المشاركة
مساء الخير
الف مبروووك للخريجات وعقبال البقية
وانا للاسف مثل اختي لميس ابو شعر اخذت الماده مع الدكتوره نسمة والدرجه في الحضيض 65 وخسفت بالمعدل لكن مانقول الا حسبي الله ونعم الوكيل .. المصيبه طمنتني وقالت ان شاء الله خير ومدري ايش وفي الاخير 65 .والله تعبت في البحث واخذ مني وقت وجهد وتفكير ...افكر اكلمها بداية الترم الجاي بس اخاف ماترضى وتعدل لي الدرجه ..
يالله الحمد لله على كل حال ..

اقبال خاطر
المشاركة الأصلية كتبت بواسطة miss honey مشاهدة المشاركة
][/font]
رورو لاتاخذي المادة مع إقبال انصحك
إقبال تنفع في المواد اما بحث وتدريب لاتعليق :(
توقعت اخلاقها تكون زفت مع البنات الملسونات اللي يردوا الكلمة بعشرة
بس طلعت اخلاقها كذا مع الكل حتى لو كلمتيها بأدب تهزئك
لو سألتيها سؤال تقول امّال ايييه وتطالع فيك كذا بنظرة تخليك تكرهي تسأليها مرة ثانية
وفي النهاية تطلعلك اخطاء في بحثك حتى لو وديته لها وشافته
لازم توديه لها عشر مرات وتفتحيلها صفحة صفحة تقوليلها فيه خطأ ؟ ولا بتطلعي انتي الغلطانة في النهاية
واساسا من البداية ماترسيك على بر تقوليلها اش تنصحيني بموضوع
تقولك انتي دوري ووريني اوكي هاذي بلعناها
تجي تسأليها ن البحث والتقرير كيف تبغى شكلهم تقولك انتي اعملي ووريني
كل شي انتي سوي انتي اعملي انتي ... :@
طيب انتي ليش سموك مرشدة اكاديمية ؟
انا وحدة ماعندي خبرة في البحوث العلمية وانتي ماخذة دكتوراه ماطلبت إلا شوي من خبرتك
وجع كرهتها من قلبي
هاذي قصتي معها باختصار :/
المشاركة الأصلية كتبت بواسطة عنفوان طفله مشاهدة المشاركة
انا سمعت ان نهال دقيقة
انا سويت بحث بدون تدريب مع اقبال خاطر اخذت فيه a
هي شديدة في البداية بس لما تحفظ شكلك وتشوفك مجتهدة ومهتمة بالبحث تساااااااااعدك كثييييييييير
وتكون اخلاق مرررررة في المكتب
وعند المناقشة مرة ماتعبت معاها سألتني بس في العناوين
والله يوفقك ان شاء الله

رجاء الشريف
المشاركة الأصلية كتبت بواسطة بحبه يا بابا مشاهدة المشاركة
اسم الاستاذه : رجاء الشريف
تخصصك ومسارك : تطوير وتنظيم اداري
عنوان البحث : امم موفاكرة
مكان التدريب : في جامعه عبد العزيز في العمادة في قسم وحدة الخريجين وكان مرررة ماعندهم شغل ومررررررة محترمين الموظفات ورئيسه القسم كمان
رأيك في مكان التدريب : مرررررررررة حلو وراحة وفيه شغل على خفيف اشياء بسيطة اعمل اسماء بنات في لستته اراجع الاسماء في الدفاتر اكتب على الكمبيوتر واحيانا اروح متاخر واخرج بدري تقولنا روحوا ماعندي شي
الدرجه :85
رأيك في استاذه البحث :جابتلنا المرض بس غايبه وموفي مكتبها وتعطينا مواعيد وماتجي وتدخلنا في متاهات
نصيحه مهمه أو ملاحظه :انتي اطلبي مكان بحثك وبسسس انا اخترت في الجامعه لاننا اتساب وكنت ادوام من 9 الصبح الين الظهر الساعه 2 والساعه 3 او 4 يكون عندي محاضرات الين 9 في الليل فقلت الجامعه انسب شي مااتاخر على مواعيد محاضراتي لانه في الظهر وقت خروج طلاب وطالبات وموظفين
المشاركة الأصلية كتبت بواسطة بائعة الـورد مشاهدة المشاركة
لا نصيحه رجاء لا راح تلزمك بالحضور للجامعه وتطلب شغلات منك
وطالما انتي مسافره من جده لا تأخذي عندها وكمان في وحده تانيه لاتاخذوا عندها
بهذلت البنات في الدرجات وفي المعامله اسمها خديجه بس مو فاكره لقبها ناسيه ؟؟؟؟؟؟

شوفي انا جربت شريفه مصطفى مره تراااعي الظروف وحنونه بس دقيقه شوي
واغلب البنات الي كانوا معاها اخذوا ب 80 بس اكيد لو اخذتي منها
كل شيء بالدقه راح تمشي امورك معاها بإذن الله

 

توقيع *زهرة السوسن*  

 



 


التعديل الأخير تم بواسطة *زهرة السوسن* ; 27-08-2013 الساعة 10:56 PM.
*زهرة السوسن* غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 27-08-2013, 10:51 PM   #12

*زهرة السوسن*

الصورة الرمزية *زهرة السوسن*

 
تاريخ التسجيل: May 2009
كلية: كلية الاقتصاد والادارة
التخصص: إدارة عامة
نوع الدراسة: متخرج - انتساب
المستوى: الثامن
البلد: جــــدة
الجنس: أنثى
المشاركات: 11,226
افتراضي رد: استفسار عن أفضل استاذات بحث وتدريب ..

هيام شرف الدين
المشاركة الأصلية كتبت بواسطة esou.zn مشاهدة المشاركة
بالنسبه لدكتورة هيام يقولو ما تناقش
اما بالنسبه للاجتماع حتى احنا ماعملولنا اجتماع
بس حاولي تروحي لها في الساعات المكتبيه وتزني عليها لين تعلمك كيف تعملي البحث والتقرير
او تاخذي رقمها او قوليلها تنزلكم المحتويات على موقعها
اذا حسيتي انو مافي امل منها حاولي تدوري انتي نموذج للبحث والقرير او محتويات بحث وتقرير من اي دكتورة ثانيه زي دكتوره رغداء
ووريه لدكتورة هيام وقوليلها ينفع اعمل نفس المحتويات او لا .؟
انا عندي نموذج لدكتوره رغداء لو تبغي اصوره لك واحطه لك هنا قوليلي عشان تقولي لهيام ولو وافقت تعملي نفسو
الله يعينك على دكتوره هيام هيا طيبه مرا بس مشكلتها مشغوله طول الوقت ..
بالتوفيق

رغداء رملي
المشاركة الأصلية كتبت بواسطة rana مشاهدة المشاركة
البحث والتدريب دكتوره رغداء الرملي تجننننننننن مره اخلاق وتساعدك لآاااااااااااخر لحظة بس تعرف انك انتي اللي كاتبة البحث وفاهمه ايش كاتبه ..
ومن رأيي تأجلي البحث والتدريب لاخر سمستر وتحاولي تخلصي منه بدري لانه بياخذ منك وقت كثير خاصة لو انتي اللي بتعملي البحث وبيأخرك عن مذاكرة المواد الباقيه .

 

*زهرة السوسن* غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 27-08-2013, 10:51 PM   #13

*زهرة السوسن*

الصورة الرمزية *زهرة السوسن*

 
تاريخ التسجيل: May 2009
كلية: كلية الاقتصاد والادارة
التخصص: إدارة عامة
نوع الدراسة: متخرج - انتساب
المستوى: الثامن
البلد: جــــدة
الجنس: أنثى
المشاركات: 11,226
افتراضي رد: استفسار عن أفضل استاذات بحث وتدريب ..

سناء باناجة ..(بس سمعت إنها تقاعدت)
المشاركة الأصلية كتبت بواسطة شهد خميس مشاهدة المشاركة
اسم الاستاذة سناء با ناجة
التخصص ادارة عامة المسار تنظيم و تطوير اداري
عنوان البحث اثر الفساد الاداري في العمل
مكان التدريب عمادة القبول و التسجيل
مكان التدريب كان حلو مرة و متساهلين معانا
الدرجة 90
الاستا1ة سناء ما شاء الله عليها اخلاق و متساهلة مع البنات وتتواصلي معاها عن طريق النت
نصيحة المادة ماهي صعبة هيا تعطيكي اوراق عبارة عن خطة البحث وانتي تمشي عليها وبس
المشاركة الأصلية كتبت بواسطة الساهرة مشاهدة المشاركة
اسم الاستاذه :سناء باناجه
تخصصك ومسارك : ادارة العامة تنظيم وتطوير اداري
عنوان البحث :اثر الحوافز على أداء الموظفين
مكان التدريب :عمادة القبول والتسجيل
رأيك في مكان التدريب : حمدالله رئيسة وحدة القسم مرة متعاونة وتدريب كان ممتع
الدرجه :91 حمدالله راضية على درجة
رأيك في استاذه البحث : مرة متعاونة ومتساهلة هي تقريبا احسن استاذة في المادة
نصيحه مهمه أو ملاحظه: من بداية ترم دوري على مواضيع اللي تنفع لتخصصنا و في نفس الوقت تكوني حابة تتكلمي عنه وابحثي عن مقالات وبحوث في النت
هيفاء عبدالفتاح
المشاركة الأصلية كتبت بواسطة وجووودي^ مشاهدة المشاركة
بسم الله الرحمن الرحيم
اولاً ابدأي من اول الترم عشان تسوي بحثك على راحتك
انا تعبت تعب مو طبيعي بدي الماده عشان انا من برا جده ويريد لي ربي واسجلها عند هيفاء عبدالفتاح
والاستاذه هيفاء ماتعترف بـ الايميل
لازم حضورك الشخصي
المهم اخذت معها الماده وتقريبا من بعد الحج كنت اجيها بشكل شبه اسبوعي والله تبهدلت
المهم سويت البحث والفصل الاخير والمهم عندها الي فيه الاستبيان سويت ورقة الاستبيان اوكي بس مافرغته زي ماهي تبي
وهي كان عندها اهم شي الاستبيان
اسم الاستاذه :هيفاء عبدالفتاح
تخصصك ومسارك :ادارة عامة_تطوير وتنظيم إداري
عنوان البحث :غياب المدرسين
مكان التدريب :مكتب الاشراف التربوي
رأيك في مكان التدريب :مره حلو
الدرجه :مشينه ما اقدر اقولها تفشل
رأيك في استاذه البحث :إذا انتي من جده خذيها معاها وتعالي لها في الاسبوع مرتين عشان يكون تخلصي جزء جزء وتوريه لها
نصيحه مهمه أو ملاحظه :
إذا من خارج جده خذيها مع سناء باناجه رهيييييييبه في دي الماده
المشاركة الأصلية كتبت بواسطة jolya مشاهدة المشاركة
موضوع جميل انا تخرجت ولله الحمد
اسم الاستاذه : هيفاء عبد الفتاح
مكان التدريب : مدرسة ابتدائية
رأيك في مكان التدريب : حلو مريح تستفيدي وتلاقي شغل تشتغليه
الدرجه : 94 الحمدلله
رأيك في استاذه البحث : افضل أستاذه على الأطلاق مسهله المادة والبحث وتسااااعدك في كل شيء تنقلك الفصل الاول كامل واللفصل الثاني تساعدك فيه وتفهمك زين وش المطلوب بالتفصيل الممل
نصيحه مهمه أو ملاحظه : توكلي على الله ومافي شيء يخوف بالعكس مادة ممتعة بس لازم تبدأي بداية الترم التدريب والبحث سوا عشان لا يكون فيه ضغط عليك خصوصا اذا مع مواد ثانية
بالتوفيق جميعا
المشاركة الأصلية كتبت بواسطة منتسبة الجبيل مشاهدة المشاركة
اهم شي مع الأستاذه هيفاء انك تكوني معاها على طول اساليها في كل شي وكل ماسويتي شي وريها على طول ولاتشتغلي وتغيبي عنها فترة طويله وبعدين توريها لا كذا مايمشي معاها يعني اذا انتي من سكان جدة روحي دايما علشان تحفظ شكلك واهم شي يا بنات نصيحه ضيفو المادة بدري واتدربو بدري لانها تاخذ وقت
وموفقين جميعا

 

*زهرة السوسن* غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 27-08-2013, 10:53 PM   #14

*زهرة السوسن*

الصورة الرمزية *زهرة السوسن*

 
تاريخ التسجيل: May 2009
كلية: كلية الاقتصاد والادارة
التخصص: إدارة عامة
نوع الدراسة: متخرج - انتساب
المستوى: الثامن
البلد: جــــدة
الجنس: أنثى
المشاركات: 11,226
افتراضي رد: استفسار عن أفضل استاذات بحث وتدريب ..

خديجة زكي
المشاركة الأصلية كتبت بواسطة دلــع نــآدر مشاهدة المشاركة
آنا أخذت البحث والتدريب مع خديجة زكي .. إنتظآم
هيا انسانة عسل وتساعد مررره كثير بس دقيقة وكمان لازم كل ما تسوي شي توريها هوا ولا ما حتقبل بحثك
ومافي دكتورة ما طلبت تدريب ..
وموفقين يآرب
المشاركة الأصلية كتبت بواسطة بنت كووول4 مشاهدة المشاركة
السلام عليكم ورحمة الله وبركاتة
اليوم كنت عند الدكتورة خديجة
الحمدلله أنسانة في قمة الذوق والأحترام
لا تخافو يابنات بس هي تبغى البنت تجي تسأل وتشوف معاها خطوات البحث والتدريب
قلت لها انا خارج جدة قالت اذا تقدري تحضري الدورة التأهليه يكون أحسن واذا ماتقدري
شوفي الخطة وطريقة البحث موجودة في موقعي
..يابنات قبل تدربو أطبعو النماذج الثلاث وهي توقع وتنزلون عند الحذف والأضافة ويختموها لك
راح يختمو ورقتين فقط
لازم يختمو ورقتين
الي هي في ضوء التنسيق< حتوقع عليه الدكتورة وتنزلو تحت تختموها
وخطاب الشكر< تختموه
وبعدين تروحي للجهة الي بتدربي فيها
سألتها ينفع أتدرب في قطاع خاص
قالت لاااااااااا
ومراح ينحسب لك درجات عليها
..تقول لازم قطاع حكومي اي قطاع حكومي تدربي فيه
وقالت توزيع الدرجات
30 على التدريب
70 على البحث
وسألتها كم عدد الصفحات حقت البحث
قالت 30 ورقة تكفي
وخذو بالكم يابنات تقول ضروري ومهم لما تحددي الموضوع وبداية البحث تروحي عندها
لنو هذي اهم خطوة في البحث
هي من جد دقيقة بس والله عسسسسل وأخلاقها جدا حلووووووة
الله يوفقها ويسخرها لنا يارب
ونجيب أمتياز في المادة هذي وكل المواد
أخر حاجة الي موظفه تتصل عليها وتقولها انها موظفه
ويصير الجهة الي هي موظفه فيها تكمل التقرير حق الطالبة وترسله لدكتوره
بس ضروري تطبعو النماذج الثلاث
وتدخلو موقعها وتطلعو على الخطة حقت الانتساب
وحتفهمو هي ايش تبغى بضبط
واخر شي
سألتها للي خارج جدة
قالت انا ما احبذ الأيميل بس الأيميل خلوه في الحالات القصوى
لأنو أنتو مو زي الي داخل جدة وما ابغاكم تخسرو على أسعار الطيران
أتصلو على المكتب وأكون معاكم خطوه خطوة
وتقول هي موجوده في المكتب
وتقول تسليم البحث
يكون قبل الأختبار بسبوعين
أسفه على الأطاله
والله ولي التوفيق
أهم شي لا تخافو

حياة راجخان
المشاركة الأصلية كتبت بواسطة 7anno مشاهدة المشاركة
اسم الاستاذه :
حياة راجخان
تخصصك ومسارك :
اداره عامة -خدمات صحية
عنوان البحث : معوقات نجاح التخطيط في ادارة الآزمات و الكوارث الصحيه في المستشفيات
مكان التدريب :
مستشفي جامعة الملك عبدالعزيز
رأيك في مكان التدريب :
جيد جيدا
الدرجه :
93 a
رأيك في استاذه البحث :
جدا ممتازة اذا تابعتي البحث معها من البدايه
نصيحه مهمه أو ملاحظه :
لا تعتمدن علي القص واللصق :)
المشاركة الأصلية كتبت بواسطة امونه مشاهدة المشاركة
اختي غربة الروح ولمن يهمه الاامر رحت امس الااثنين للجامعه طلعت استاذه مودكتوره ههه المهم أ\حياه راجخان مره متعاونه تقول البحث يتكون من 3 فصولومايقل عن 50 ورقه البحث 70 درجة موزعه كمايلي 10درجات مراجعة المشرفه على البحث باانتظام \10درجات ترتيب فصول البحث والاالتزام بأسس البحث العلمي في كتابة شكليات واجزاء البحث
الفصل الااول \خطة او مشروع البحث15درجه الفصل الثاني\الدراسه النظرية10درجات الفصل الثالث\الدراسه الميدانيه والتحليل الااحصائي ونتائج البحث 15 درجه\الخاتمه وبقية اجزاء البحث 15 درجة
اماالتدريب 30 درجة اختاري اي جهه حكوميه مناسبه للتدريب فيها يتم التدريب في جهات حكوميه فقط سواء فروع الوزارات او المؤسسات والهيئات الحكوميه مدارس عامه مستشفيات ______الخ (قطاع عام فقط)بعد الااتفاق مع الااستاذة المشرفه وموافقتها وبعد الموافقه شفتو النماذج الي باالموضوع بعد طباعتها مكتوب اعلى الصفحه سعاده\يطبع فيها اسم الجهه الي بتتدربين فيها طباعه وليست كتابه واعطيهم اوراق نموذج تقويم متدربه ليتم تقييمك وبكذا كملنا 100 درجه فالكم 100 يارب ايميلات الااستاذه للتواصل hrajkhan@kau.edu.sa
hrajkhan@yahoo.com
اخر موعد لسليم البحث بتاريخ15\6 ان شاءالله
المشاركة الأصلية كتبت بواسطة *غربة روح* مشاهدة المشاركة
لييييييه يااستاذه حياه
انا معها في مادة بحث وتدريب
وتخرج
وتعبت
في البحث وغلفته احلى تغلييييييييييييف كانوو كتاب وكنت اراجعها واجيها من برا جدة عشان قالت المراجعات عليها درجات
راجعت فصل فصل وكل شي تحت نظرها اعدل فيه الين ماتوافق عليه
واخر شي درجة زي الزززززززززززفت
ليش طيب مو تعدل على حسب رغبتك ؟؟
وانخفس المعدل
وزعل الوالد والوالده ولا فررررررحت بتخرجي :( :(
توقعت هاليوم بيكون احلى يوم عندي بس للاسف

 

*زهرة السوسن* غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 27-08-2013, 10:53 PM   #15

*زهرة السوسن*

الصورة الرمزية *زهرة السوسن*

 
تاريخ التسجيل: May 2009
كلية: كلية الاقتصاد والادارة
التخصص: إدارة عامة
نوع الدراسة: متخرج - انتساب
المستوى: الثامن
البلد: جــــدة
الجنس: أنثى
المشاركات: 11,226
افتراضي رد: استفسار عن أفضل استاذات بحث وتدريب ..

شريفة مصطفى
المشاركة الأصلية كتبت بواسطة لماذا اسلم للبحر امري؟ مشاهدة المشاركة
السلام عليكم ورحمه الله وبركاته
امممم راح اتكلم بعفوية واسرد الاحداث واتمنى تعذروني
بابدااية جيت بدري في بداية الترم وسجلت البحث والتدريب عند دكتورة شريفه مصطفى
انسانه جدآ متعاونه وأكثر من متعاونه يعني فيها اخلاص لعملها وتفاني في خدمه الطالبات وتقديم المعلومات بكل وضوح لهم ... اسأل الله لها التوفيق
اخذت اوراق الاجراءات حقت البحث والتدريب وختمتها ووقعتها وكل شي واخذت رأي الدكتورة في المكان الي راح اتدرب فيه وكان ضروووووووووري انه يكون مكان حكووومي بحكم اننا اداره عامه طبعآ
رحت تدربت في (مكتب التربيه والتعليم بالجنوب الشرقي) بحي الفيحااء مكتب جدآآآآآآآآآ رااائع والموظفات متعاونات وسوالف وقهوة وطبعآآ شغل لازم تشتغلين حتى لو كنتي فاضيه اسئلي الاداريات اذا حابين تساعدينهم في شي؟ بس المكتب جدآ رائع ومريح نفسيا وكتبو درجاتي حق التدريب قداامي
بعد كذا كتبت تقرير التدريب راح انزله لكم .. تقرير التدريب اسهل من بحث التخرج بكثير لأنه تكتبين عن شي انتي شفتيه وتقدري تستعيني من النت لأنه مافي توثيق هوامش وهيك
عندكم فرصه انكم تبدعون في تقرير التدريب لأنه اذا اعجبها راح يساعدك كثير اذا عكيتي في البحث
نجي لبحث التخرج الي حست فيه حوسسه بس جتني فكره جهنمية لقيت رساله ماجستير في النت اخذتها كامله واقتبست فكرتها كاااااااامله لكن التنسيق وتصفيف الكلام من عندي بس اقتبست الفكره وكمان الهوامش ... الخ
وراح انزلكم بحث التخرج ان شاءالله
طبعآ دكتورة شريفه مصطفى راح ترسل لكم على ايميلاتكم ملزمه توضيحيه لطريقه كتابه البحث امشي مع الخطوات الي كتبتها كلمه بكلمه وصرت ادور للنقطه الي تبغاها في رساله الماجستير واكتبها بطريقتي لكن الفكره من الرساله وهالشي ريحني كثير
كنت ضعيفه في الاستبيان لأني نقلت اشياء بسيطه من رساله الماجستير ما قدرت اخذ الاستبيان كله لأنه كان احصائي وارقام فيه وخربطه المهم انا قدمت بحثي وكنت عارفه اني سيئه في الاستبيان لكن كان تقرير التدريب قوي وبداية البحث قوي وكمان الثقه وقت المناقشه قوية هالامور ساعدتني والحمدلله درجتي كانت 90 (ماشاءالله)
بعد ما تخلصي البحث .. نجي للمناقشه
هنا وقت التأثير النفسي على الدكتورة واقناعها انك تستحقي الدرجه العاليه بطريقه غير مباشره
ادخلي بكل هدوء وكوني واثقه من نفسك ابدآآ لا تخافين وجاوبي اجابات دبلوماسيه حتى لو كنتي تضنين انها خطأ المهم حاولي تناقشين وتاخذين وتعطين راح تكون مأشره على شغلات في البحث بالمرسام وناوية تسألك عنها ممكن تقولك اشرحي هالنقطه او ليش هالنقطه هناا او ليش ما كتبتي هالنقطه ... المهم حاولي قد ما تقدرين انك ما ترتبكين نهائيآآ حتى لو ما عرفتي الاجابه
ولو طلبت تشرحين نقطه اسهبي في الشرح وادرسي بحثك تمام اصلا لو بتاخذي بحثك من رساله ماجستير او انتي بتكتبينه راح تكونين فاهمته لكن اللي ناوين يشترون بحث جاهز ضروري تقرأون البحث قبل المناقشه
نصيحه للي ناوين يشترون بحث جاهز
لا يكون البحث بيرفكت لدرجه انها تشك انك انتي الي كتبتيه لأنها صارت كثير الدكتورة تعرف ان الي كتب البحث مو طالب .. والترم الي راح صارت مع وحده اعرفها قالت لها بحثك جدآآ دقيق كأن الي كاتبه استاذ جامعي
في طريقه حلوة العقبه الوحيده في البحث هي اخر جزء الي هو الاستبيان
لو تكتبين بحثك كامل وتتركين اخر جزئيه تسوينها في مكتبه يعني يخفف التكلفه ماديا ويسهل عليك فهم البحث لأنك انتي الي كاتبته(مقتبسته من رساله ماجستير) يعني ماراح ترجعي تذاكري البحث بعد المناقشه كثير
امممممممممممممم يتبع بروح انام
المشاركة الأصلية كتبت بواسطة تدريبي كوم مشاهدة المشاركة
اولا عشان تنزلي البحث وتدريب لازم تكوني تخرج
ثانيا ضروري البحث وضروري تدربي وضروري تناقشي
ثالثا الاستاذه شريفة مصطفى تساعد بصراحه وترد عليك بس في الدرجات ماتعطي على قد التعب والله اعلم يمكن غيري احسن مني بس انا كانت اروح لها كل شوي بس وقت المناقشه قالت لي ماله داعي المهم تقدمي البحث وقدمته لها بدون مناقشه لاني من خارج جده
ونقصتني في الدرجات ولما سالتها قالت لاني ماناقشتك فيه !!!!
بس للامانه هي تساعد وقت تكتبي البحث واسلوبها حلو
وربي يوفقكم
المشاركة الأصلية كتبت بواسطة nicegirl2s2 مشاهدة المشاركة
استاذة شريفة جداً جداً دقيقة لأبعد درجة ماتخلي شي الا تعلق عليه كل سطر واذا البحث رائع تحسي من تعديلاتها ماكنك تعبتي عليه بس الاستاذة طيبة وكبيرة فلسن وتكرر الكلام كثير المفيد والغير مفيد والله يعنا ويوفقنا

عيشة عوض
المشاركة الأصلية كتبت بواسطة ابتسامة امل مشاهدة المشاركة
انا اخذتها مع د. عيشه
تدربت في الرئاسة العامه قسم محاسبه .. بالنسبه للتدريب
كان الحضور مشددين عليه , ويعطونك اعمال بسيطه مرا ومو في التخصص ..
موضوع البحث انتي تبحثين عن طبيعة شغلهم
وتتختارين موضوع عنه .. انا كان موضوعي عن الرواتب وحده ثانيه كان عن المحاسبة الحكوميه ..
بالنسبه للدكتوره عيشه
يعجبها البحث الدسم .. الي فيه معلومات كثيره ..
سواء من عندك او من الكتب .. وكمان تحب البنت الي تراجعها دائما ..
وفي المناقشه خليك واثقه من نفسك حتى لو ماكنتي تعرفين شئ ..
وبس
اذا عندك استفسار تفضلي
وبالتوفيق ان شاء الله ..
المشاركة الأصلية كتبت بواسطة تـggتـي مشاهدة المشاركة

مساء الخير
حبيت اقولكم ايش صار معايا في المناقشه المفروض انزل الموضوع من يوم السبت بس ربي ماكتب ..
أول حاجه انا مع دكتوره عيشه عوض وطبعا كل مااخلص جزئيه في البحث ارسلها لها ايميل وماشاء الله ماتطول في الرد وترسلي التعديل عموما طفشتني وطفشتها من كثر الايميلات
هيه انسانه جدا دقيقه لدرجة تعدلي الفواصل والنقط وعموما التصحيح اللغوي واملائي وكل حاجه تركز فيها ماشاء الله عليها .
طبعا بعد ماخلصت وبعتلها كل الاجزاء بعد التعديل ورجعت برضو عدلتلي وكان التعديل الاخير على الايميل ,
بعدها طبعت البحث بعد ماعدلت كل التعديلات اللي طلبتها رحتلها السبت مو اللي فات اللي قبلو اتفاجأت انها تقولي انا حشوفو وابعتلك ايميل اقولك انو تم الانتهاء من قراءة البحث وترجعي تاخذيه وتسوي التعديلات في نسخه جديده , ووصلني ايميل منها يوم الاثنين انو تم الانتهاء ورحتلها الثلاثاء اخذتو وحددتلي موعد المناقشه السبت اللي فات مع احضار نسخه جديده للبحث بعد التعديل الاخير والتقرير نسخه جديده والبحث النسخه اللي عدلت عليها اخر مره ، وكمان نسخه من البحث والتقرير على cd
وجاء يوم المناقشه كانت نص ساعه تقريبا سألتني اول سؤال ايش المكان اللي كان نفسك تروحي تدربي فيه وتطبقي كل دراستك وتلاقي فعلا مجال لكل اللي درستيه ؟
السؤال الثاني ايش اقرب دراسه من الدراسات السابقه لكِ وليه ؟
السؤال الثالث قالتلي افتحي الدراسه الميدانيه وقوليلي كيف اثبتي كل فرض في بحثك وهل تحققت فروضك او لا ؟
السؤال الرابع ايش ممكن تقوليلي توصيات او مقترحات لبحثك ؟
وخلاص عموما كانت الحمدلله كويسه وعدت على خير ... عقبالكم .

 

*زهرة السوسن* غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 27-08-2013, 10:54 PM   #16

*زهرة السوسن*

الصورة الرمزية *زهرة السوسن*

 
تاريخ التسجيل: May 2009
كلية: كلية الاقتصاد والادارة
التخصص: إدارة عامة
نوع الدراسة: متخرج - انتساب
المستوى: الثامن
البلد: جــــدة
الجنس: أنثى
المشاركات: 11,226
افتراضي رد: استفسار عن أفضل استاذات بحث وتدريب ..

سحر مهران
المشاركة الأصلية كتبت بواسطة راحيل الشرقيه مشاهدة المشاركة
اسم الاستاذه :
د سحر مهران
تخصصك ومسارك :
ادارة عامه (تطوير وتنظيم اداري )
عنوان البحث :
الحافز واثره في الاداء الوظيفي
مكان التدريب :
تدربت بمدرسة حكووميه كان ودي في محل ثاني لكن لاقيت صعووبة مررره وانا ابحث عن مكان تدريب وبالآخير مالقيت غير المدارس الحكومية
رأيك في مكان التدريب :
بالنسبه لي المدرسة الي تدربت فيها مرررررررره عجبتني وارتحت فيها مشااءلله الاداريات والمعلمات كلهم متعاونين والمديره في التقييم حطت لي كله ممتاز :)
الدرجه :
درجتي 80 كنت اتووقع اكثثر بس الحمدالله
رأيك في استاذه البحث :
والله رايي فيها هي تمااام بس يبي لك تلاحقييها خصوصا اني خارج جده الايميلات بالموت كانت ترد عليها لكن التلفون بسرعه ترد عليه ومناقشتها كانت حلوه بعد
نصيحه مهمه أو ملاحظه :
نصيحتي حاولوا قد ماتقدروا تاخذوا الماده مع استاذه متعاونه خصوصا الي من خارج جده ونصيحة ثانية اكتبي اجزاء البحث اول بأول :)
والله يووفقكم يارب

سحر الجبروني
المشاركة الأصلية كتبت بواسطة esou.zn مشاهدة المشاركة
ممرآ كنت عند دكتورة سحر وكان فيه بنت جالسه تناقش عندها واللي فهمته انو البنت تدربت بمدرسه اهليه
وكانت الدكتورة مررا متفاهمه والمناقشه حسيته حلوا معاها مرا تحمست خذ معاها
ماكانت تسسأل البنت كانت البنت هيا اللي تتكلم عن طريقه تدريبها والبحث حقها قالت لها ايش المشاكل وايش التوصيات وكذا والدكتوره كانت تسمع لها اكثر من انها تسألها
انا مرآ تحمت اخذ معاها وبحآول ان شاءالله انزل الماده معاها
والله يكتب اللي فيه الخير ..!
المشاركة الأصلية كتبت بواسطة memoooo. مشاهدة المشاركة
صبــاح الخير
الحمدلله يوم الاتنين ناقشت وكانت المناقشه مع دكتوره
سحر مرره حلوه الحمدلله ماتحسي انها مناقشه
كانها دردشه عن الي كتبتيه بس لازم الوحده
تكون فاهمه الي سوتوا كويس..
سألت عن معنى بحثي
سألت عن اهميه البحث
كمان الدراسات النظريه قالت ماراح اسألك بس سألتني عنها
سألت عن النتايج
وسألت عن الاسلوب الي استخدمتيه لتحليل الاستبانه
كمان سألت عن التقرير وعلى ايش ادربتي في المستشفى
والقسم الفلاني ايش عملتي فيه وايش استفدتي من التدريب
يالله ياارب بعد كل دا تعطيني a+
لجين الدكتوره مره كويسه وتعاملها راقي بكل معنى الكلمه
بس استني تنزل الدرجات ونقولك لو تمام في الدرجات او لا
^ـ^

 

*زهرة السوسن* غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 27-08-2013, 11:20 PM   #17

طموحي الامتياز

الصورة الرمزية طموحي الامتياز

 
تاريخ التسجيل: Oct 2011
كلية: كلية الاقتصاد والادارة
التخصص: اداره عامه "ادارة ال
نوع الدراسة: إنتساب
المستوى: الثامن
البلد: جــــدة
الجنس: أنثى
المشاركات: 1,561
افتراضي رد: استفسار عن أفضل استاذات بحث وتدريب ..

شكرا زهرة مجهود تشكرين عليه
باذن لله البنات يستفيوا ...~

^__^

 

 

عندما طلبنا العلم .. واحتجنا للمعرفة
لم يبخل علينا من كان قبلنا .. فتعلمنا مما سطروه
لذلكـ حري بنا أن لانبخل
على من بعدنا
بما لدينا من معارف وعلوم
ولا بد أن تعلم
أنك قادرٌ على أن تفيد الآلاف ممن هم يخوضون من بعدك
نفس تخصصك , أو نفس عملك , او نفس وظيفتك او نفس حياتك او نفس مشاكلك
ولا تقل أنني لست عالماً او كاتب
أو تختلق الأعذار
لإن الأمر لايحتاج الى كل ذلك
بقدر مايحتاج .. إلى عطاء صادق .. من قلب ينبض بالحب ..!

 

طموحي الامتياز غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-08-2013, 01:47 AM   #18

nddo_7yaty

يارب وفقني

 
تاريخ التسجيل: May 2010
التخصص: تنظيم وتطوير اداري
نوع الدراسة: إنتساب
المستوى: التاسع
الجنس: أنثى
المشاركات: 112
افتراضي رد: استفسار عن أفضل استاذات بحث وتدريب ..

في وحده شكر تلي مرررررره في أستاذه وفاء اليافي إقالتها بسيطه في تقديم البحث إذا فكرتي تنزلي الماده عندها نزل يلي معاكي أكون شاكره لأني ما اقدر انزل جده إلا وقت الاختبارات وبالنسبة للأستاذه فجدا يمدحوها .

 

nddo_7yaty غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-08-2013, 02:38 AM   #19

*زهرة السوسن*

الصورة الرمزية *زهرة السوسن*

 
تاريخ التسجيل: May 2009
كلية: كلية الاقتصاد والادارة
التخصص: إدارة عامة
نوع الدراسة: متخرج - انتساب
المستوى: الثامن
البلد: جــــدة
الجنس: أنثى
المشاركات: 11,226
افتراضي رد: استفسار عن أفضل استاذات بحث وتدريب ..

المشاركة الأصلية كتبت بواسطة طموحي الامتياز مشاهدة المشاركة
شكرا زهرة مجهود تشكرين عليه
باذن لله البنات يستفيوا ...~

^__^
العفو ..

المشاركة الأصلية كتبت بواسطة nddo_7yaty مشاهدة المشاركة
في وحده شكر تلي مرررررره في أستاذه وفاء اليافي إقالتها بسيطه في تقديم البحث إذا فكرتي تنزلي الماده عندها نزل يلي معاكي أكون شاكره لأني ما اقدر انزل جده إلا وقت الاختبارات وبالنسبة للأستاذه فجدا يمدحوها .
ما أدري أشوف أنزل مع مين ...بس ترى مو شرط الأسماء الي نختارها يحطونا عندها

 

*زهرة السوسن* غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-08-2013, 12:38 PM   #20

حنـــــان

الصورة الرمزية حنـــــان

 
تاريخ التسجيل: Aug 2009
كلية: كلية الاقتصاد والادارة
التخصص: التنظيم والتطوير الا
نوع الدراسة: متخرج - انتساب
المستوى: متخرج
البلد: جــــدة
الجنس: أنثى
المشاركات: 953
افتراضي رد: استفسار عن أفضل استاذات بحث وتدريب ..

الف شكر زهرة السوسن ع المجهود ربنا يوفقك ريحتيني كتير

 

حنـــــان غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 05:00 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023