شباب وبنات رايكم

[black box]

اول شي السلام عليكم ورحمة الله وبركانه وان شاء الله تكون سنة خير علينا كلنا اخواني حاب استشيركم في جدولي ياريت تفيدونا عن المواد سهلة -صعبة لاني بصراحة ما عندي اي فكرة عنها ودمتم بود كونو بخير

[بحَر]

جدولك حلو

كويس مع المعامل

الله يوفقك

[red flower]

ياريت تفيدونا عن المواد سهلة -صعبة لاني بصراحة ما عندي اي فكرة عنها

برمجه 203

حلوه .. وماتعتبر صعبه
يبغالها شويه جهد .. بس مافيها تعقيد
ومعملها مررره سهل وحلو


تراكيب متقطعه 222
برضو سهله وممتعه جدا جدا


تنظيم وبنيان الحاسب
تعتمد على اللي يدرسها
احنا البنات نآخذها مع د. الهاشمي
وطبعا له اسلوب خاص
بس الماده مو صعبه .. ولا سهله
مع شوية مذاكره واجتهاد تصير سهله


اما آخر ماده ماعندي فكره عنها




طبعا كلامي هذا ممكن ماينطبق عليكم
لأني اتكلم عن المواد عند البنات
ويمكن تختلف عن الاولاد




بالتوفيق

[black box]

بحر && red flower

اشكركم على الاهتمام

موفقين

[(((ME)))]

برمجه 203

المادة حلوه
بس انننننننننتبة ما تفهم هذي المادة اول بأول انتبة لانه كل درس يعتمد على الثاني يعني لو ضيعت درس حتظيع اللي بعده

اذا سويت زي ما قلت لك .. ما راح تحتاج انك تذاكر للاختبار ..لانك بتكون فاهم كل شي وما فيه حفظ ... وتحس نفسك انشتاين

لكن اذا ماسويت زي اللي قلت لك .. حتطلع لك قرون وتنحول



تراكيب متقطعة

كل اللي اخذو المادة يقولون سهلة حتى احيانا يذاكروها قبلها بيوم >>>ماهمها غير وقت المذاكرة

بس نحن لمن اخذناها كانت مآساة كنا نسميها "كراكيب" او " معلومات متقطعة"
بسبب انو ماتحدد المنهج وكمان الاستاذة .. بس لا تخاف تطمن عمره ما حيكون في احد ثاني زي استاذتنا


مبادئ تقنية المعلومات

مادة مممممممممتعة وراح تستفيد منها في حياتك العادية وفي تعاملك مع الحاسب
من ضمن دروسها الشبكات ,السكيورتي والفايروسات ,التشفير,صفحات الانترنت ... الخ
لا كنها دسمممممممة (تقدر تشبهها بمادة الحوسبة اذا كنت اختها)


تنظيم وبنيان الحاسب

هذي المادة نزلتلي ذا الترم والله يستر منها .... بس اهم شي انها مو مع الهاشمي نياااااهاهااا



وبالتوفيق للجميع

[Agent]

السلااااام عليكم



حبيبي جدول جدا ممتاز بس غريبة منزّل مادة cpit210
لاني انا ذحين اخذها....................
بالنسبة للبرمجة والله جدا حلوة هيه لغة ال(java
)اما لتراكيب البيانات والله عيب عليك لو ما اخذت على الاقل ممتاز
بالنسبة لمبادئ تقنية المعلومات هذه لازم تلحّق نفسك من بدري وتفهم المادة اول بأول لانها كثيرة ومعلوماتها طيبة جدا بس مافي شي يجي بالطيب لازم تشد.................
الله يوفقك وانتبه من تراكم الدروس عليك

[Mafia_620]

والله نصايح لوجه الله انا المواد كلها هذي اخذتها بس 210 دا الترم مع محمد خميس ومبدأياً ممتاز باقي المواد
احذر من الجافا مع عادل غالب مرره انسى تاخذها معاه واذا تبغى مع أ.فواز او البرهمتوشي اذا يدرسها لأنو الصيف درسها وكان جداً ممتاز
وبالنسبة للتراكيب والله مادة مو سهله وفي نفس الوقت مو صعبه كثير يعني يمشي حالها وانا نزلتها مع دكتور صايم وكان ممتاز الصراحه
و 220 مادة فيها شغل والله اخذتها الترم اللي فات وسوينا فيها مشرووع وكل قروب سوا مشروع وشغللله بس ماده ممتعه بس اذا لازال يدرسها د.برناوي والله مانصحك تاخذها معاه
كفايا كذا على الدكاتره بس هذي والله نصايح مجرب انا خلصت دي المواد كلها ماعدا اللي قلتلك عليها210

[black box]

اختي مي واخوي اجينت & مافيا

مشكوريين كفيتوو ووفيتوو بيض الله وجيهكم

ان شاء الله تكون سنة خير علينا

[zzz]

جدول جيد جدا