ضروووري يابنات بخصوص موعد اختبار الفرنسي221

[جيجي21]

المشكلة ومافيها ان استاذه الفرنسي قالت لنا ان الاختبار يوم الاتنين 29-7-1430
وخلاص سجلت الموعد عندي واليوم سددت فاتورة النت ودخلت موقع الجامعه اشوف اخر الاخبار وشفت الجدول مره تانيه عشان اتاكد من مواعيد اختباراتي فلقيت المصيبة انه مكتوب اختبار الفرنسي اليوم اللي هو السبت 20-6-1430 الساعه 10ونص يعني بعد اختباري حق الاسلام -
وماادري دحين هل هو فعلا كان اليوم ولا كلام الاستاذه هو الصح وانه يوم الاتنين

ارجو تساعدوني- واذا فرضا كان الاختبار اليوم ايش ممكن اسوي ومااقدر كمان اجيب عذر طبي لاني حضرت نفس اليوم اختبار الاسلام

يارب عندي امل يكون الاتنين الجاي لاني ماابغى اخسر اللي تبعته طول الترم ودرجاتي الحلوة اللي اخدتها بالدوري الاول والتاني

[جيجي21]

بلييييييييييييييز ردو علي وقولولي الاختبار كان السبت ولا بيكون الاتنين؟؟؟؟

الله يخليكم طمنوني عشان اعرف انام

[ولو2]

الاختباااار يوم الاثنين يا قمر ^_^

[دلوعة SaRaB]

انا كمان منزله هذي الماده والاختبار الاثنين الجاي

[Heart whispers]

أنا دوبي شفتلك الجدول
واختبار فرنسي 221 حيكون يوم الاتنين 29-6 :)
يعني ارتاحي ان شاء الله ماسار الا كل خير

[حلاي من حلى روحي]

يوم الاثنين الجاي خيتو
انا بعدعندي فرنسي
اطمني ياعسل

[جيجي21]

شكرا لكم عزيزاتي شكلي انا اللي شفت الجدول غلط -- بس ماادري ليش انا شايفته بالجدول كده مكتوب ان المادة اللي اخدها يوم الاحد والثلاثاء من 9 او 9 ونص رقمها 2 والماده اللي رقمها 2 اختبارها السبت من 10 ونص--
عالعموم ممكن تقولولي طيب فين بيكون الاختبار باي قاعة والساعة كم
وشكرا لكم مره اخرى