✿:|تجمع طالبات الانتساب لاستفسارات الجدول والحذف والاضافة - للترم الاول 2014❥~

[ѕυрзя пıdσ]

يابنات الدخول لنظام السنترا يكون وقت المحاضرات ؟؟
لانو جربت دوبي يكتبلي غلط !!

[white rose]

المشاركة الأصلية كتبت بواسطة ѕυрзя пıdσ يابنات الدخول لنظام السنترا يكون وقت المحاضرات ؟؟ لانو جربت دوبي يكتبلي غلط !!

حياك اختي ندو

الغالب يكون من الساعة 3 وقت بداية المحاضرات هو الوقت الاكيد اللي تكون فيه كل المحاضرات نزلت حسب جداولكم

والحين احتمال عشان الكلاسات قاعدة تنزل لكم اصبري كم ساعة وارجعي جربي الدخول ثاني

الله يوفقك :-)

[Dalia_Doll]

المشاركة الأصلية كتبت بواسطة white rose وعليكم السلام ورحمة الله وبركاته حياك الله اختي وانت بصحة وعافية يارب الله يتمم لك تخرجك عن قريب ويفرح قلبك ربي يعوضك خير عن علم اصوات وهالترم افضل انك تنزلين مناهج بحث اولى لانها مع مس نجوى وما تتفوت نهائي وهيا تتعارض مع علم اصوات فيصير جدولك مناهج بحث + صوتيات + فكشن +نقد ادبي والمادة الحرة المشكلة اغلب اللغوية متعارضة بالوقت مع الادبية المهمة واذا حابة تزيدين الشعر بس راح تتعبي من كمية الحفظ لان المواد الادبية كل شغلها حفظ وشروحات وتحليلات واذا تقدرين تنزلي علم اصوات اللي في الشعبة وهمية بدل الشعر افضل لك لكن الشعبة هذي يبغالها سنترة مضبوط على الاودس الين تفك لكم لانو ساعات الاودس يفتح لكم مجال لاضافتها لجدولكم وافضل تقسيم لك حيكون 5-5-4 عشان تنتهين بدري وعلم الدلالة يتعارض مع الصوتيات والترجمة كلها بنفس الوقت والاولى لك الصوتيات عشان تنتهين من مشكلة علم الاصوات لان المادة مفتاح لمادة علم الاصوات واياك يارب ربي يحفظك :-)

يسعدك ربي ويوفقك اختي وايت روز الجميلة

يارب يجعله في ميزان حسناتك ويفرحك بالجنة

شكراً عالنصايح

الحمدلله قدرت انزل مناهج البحث مع اني متخوفة منها

وصار جدولي
مناهج بحث - صوتيات - فكشن - دراما - و مادة حرة الإقناع

حاولت اضيف كمان بس حتى مس جميلة قالتلي كذا مرة كثير وكمان عشان كذا مادة كان عندي تعارض

عموما انا اشتريت الكتب وكل شي جاهز الحمدلله
بس تنصحيني اكمل ولا احذف مادة لانه كثير قالو الفكشن والدراما ماتجي مع بعض مرة صعب

ويعطكم الف عافية والله الكل ما يقصر
ربي يسعدكم على هالروح الحلوة

[white rose]

المشاركة الأصلية كتبت بواسطة dalia_doll يسعدك ربي ويوفقك اختي وايت روز الجميلة يارب يجعله في ميزان حسناتك ويفرحك بالجنة شكراً عالنصايح الحمدلله قدرت انزل مناهج البحث مع اني متخوفة منها وصار جدولي مناهج بحث - صوتيات - فكشن - دراما - و مادة حرة الإقناع حاولت اضيف كمان بس حتى مس جميلة قالتلي كذا مرة كثير وكمان عشان كذا مادة كان عندي تعارض عموما انا اشتريت الكتب وكل شي جاهز الحمدلله بس تنصحيني اكمل ولا احذف مادة لانه كثير قالو الفكشن والدراما ماتجي مع بعض مرة صعب ويعطكم الف عافية والله الكل ما يقصر ربي يسعدكم على هالروح الحلوة

واياك ربي يبارك فيك ويجبر بخاطرك

العفو والله يوفقك فيها وتكون فاتحة خير مع مس نجوى وفالك الفل مارك بإذن الله

يب جدولك يعتبر دسم من ناحية الجمع بين الفكشن والدراما نوعا ما حيكون ثقيل عليك هو الافضل ما تجمعيهم بس اذا مضطرة اتوكلي على الله ورتبي جدولك زين عشان تقدري تفصلي بين كل مادة ومادة وقت المذاكرة

صعب بس عندك المستشارة عبير العسيري اضطرت تاخذهم سوا وما شاء الله تفوقت فيهم فلا تحبطي حالك احضري الكلاسات واذا ما عجبتك وقتها احذفيها

الله يحميك واياك يارب وتنورينا باي وقت :-)

[1+1=3 حره وبكيفي]

السلام عليكم ..

بنات .. نزلوا لي مادة الاقناع كماده حره بس مابغاها ابي ماده سهله ؟؟

[ѕυрзя пıdσ]

الاقناع تعتبر سهههله اتطلعي على المنهج
ولو حابه تغيري عندك السيرة النبوية اذا مسموح لكي تاخديها برضو سهله

[1+1=3 حره وبكيفي]

اخذت السيره النبويه قبل كذا .. طيب علوم القران مع استاذه اندونسيا سهله .؟؟

[white rose]

^

المادة سهلة لكن استفسري عنها بقسم الدراسات افضل هناك يفيدوك باحسن الدكتورات والشعب

وافضل انك تنزلي مواد زي مدخل في الاعلام والاقناع خاصة مع د.انمار مطاوع تضمني الفل مارك بإذن الله

ربي يوفقك :-)

[ѕυрзя пıdσ]

بنات صحبتي حدفت مادة السيمنار بالغلط من جدولها ومكتوب دحين مغلقة !!!
كيف ترجعها

[white rose]

المشاركة الأصلية كتبت بواسطة ѕυрзя пıdσ بنات صحبتي حدفت مادة السيمنار بالغلط من جدولها ومكتوب دحين مغلقة !!! كيف ترجعها

هلا ندو

ترجعها من عند مس جميلة لانها مقفلتها على البنات من الاودس ما تقدر تضيفها الين تراسلها عن طريق الايميل

الله يكون بعونها :-)