تشورون اغير قسم انجليزي ؟؟؟؟؟؟وكيف الطريقه

[حمامه بيضاء]

الف شكر على كل من شارك فعلا مافي شي صعب وانا احب الانقليش بس تحطمت شوي لما جات اسئله الرايتنق من برى منهجنا تماما وووووانقهرت على مذاكرتي وبعدين انا انتساب يعني مافي احد يدرسني وكل كلماتي اللي تعلمتها تعلمتها غلط بس رح اشد حيلي ورح ادور مدرسه تساعدني في بعض المواد اللي صعبه علي وغريبه وجديده

[حنين الود]

المشاركة الأصلية كتبت بواسطة حمامه بيضاء الف شكر على كل من شارك فعلا مافي شي صعب وانا احب الانقليش بس تحطمت شوي لما جات اسئله الرايتنق من برى منهجنا تماما وووووانقهرت على مذاكرتي وبعدين انا انتساب يعني مافي احد يدرسني وكل كلماتي اللي تعلمتها تعلمتها غلط بس رح اشد حيلي ورح ادور مدرسه تساعدني في بعض المواد اللي صعبه علي وغريبه وجديده

ياحياتي بالتوفيق دا الكلام الي كنت اتمنى تقوليه وان شاء الله تواصلي وماتوقفي عند الحد دا تكوني ان شاء الله الترم الجاي انتي الي تخلي البنات ترتفع معنوياتهم ويثقوا بنفسهم كمان وكمان بالتوفييييق يارب سامحيني على كلامي والله ماقلته الا من قلبي وابغى مصلحتك زي اختي بالتمام

[R O Y A L]

المشاركة الأصلية كتبت بواسطة ابوخالد2008 الاخ رويال القناعة دون الؤهلات لا تكفي انا اتفق معك ان كل قسم فيه صعوبة و لكن اللغة الانجليزية تحديداً ليست مجال لتعلم اللغة خاصةً بالنسبة للانتساب فاي قسم قد تجد نفسك تميل اليه و لديك مقومات النجاح فيه ستنجح باذن الله بالمثابرة و الجد و لكن اللغة اذا كنت غير متقنها في الاستخدام العادي فماذ ستفعل بلغة شكسبير و النقد الادبي و اللغويات و الصوتيات و الترجمة؟!!! انا لا اقصد التنفير او التحطيم و لكن اقول ما قاله احد الدكاترة في الاختبار " اللي جاي يتعلم انجليزي احنا هنا ما نعلم"

اسالك بالله يابا خالد هل انت مقتنع بحكاية المؤهلات؟
هل عندما دخلت القسم كنت تتقن 10% باللغـــة؟
هل صدقت كلام هذا (الدكتور) واعذرني ان اقول انه لايفقه مايقول لان اللغة لاتحتاج مؤهلات بل تحتاج اراده ومداومه اما الموهلات فلا املكها ولله الحمد محافظ على معدلي . اذا احببت الشي صدقني ستصبح بارعا فيه اما الصعوبه فموجوده ولكن بالعزم والمثابره ودعاء من خلق اللغة واهلها ستكون من الاوائل @@.........مجرب قلب

[Ignor]

حنين صايره تهزأي هاليومين سلامات ؟؟ روووووووقي هههههههههههههههه

[reemy]

شوفي بصراحه إذا أنتي hardworker ومتفرغه ممكن وكمان لازم تكوني حابه القسم بالدرجه الأولى بس إذا كنت مو حقت تعب لاتخشين أحسن


دعواتك

[الغلا الطاير]

والله مو شغلة حابه والماده ولا كارهتها .. لما الواحد يذااكر المنهج وكل المصطلحات ويحفظها صمت كتابيا وحرفيا ويذاكر كل القطع تبعت الريدينج وفي النهايا يروح الاختبار ويلاقي مصطلحات غييييييير عن اللي ذاكرها نهااائيا ؟ ماراح يتحطم الا ان اغلبنا والله شك بمستوى ورمز الماده وراح يتأكد من رمزها ببداية الورقه .. وتقوليلي يا حنين اراده وافكار سوده والله ما اسود غير اختباراتهم وطريقتهم اللي مو عارفين ايش يسوو في حياتهم كل سنه بخطه جديده ونظام غبي ... ابغالهم واحد من جامعات امريكيه يجي يوريهم خطه ويرسيهم على بر .. ولا ايش لا اخر قرار توصلولو انو نصعععععععب الاختبارات على قد ماا نقدر لدرجة انها تكون اصعب من اصعب قطعة بالمنهج ( ياعالم اذا المنهج اصعب قطعه فيه الا هيا بشابتر 10 مفهومه تقومو تجيبولنا قطعه اصعب من دي اجل على كدا ليه مخسريننا وجيبو كتب ومناهج اذا حانذاكرها على الفاضي ...وبعدين احنا داخلين نتتعللم قسم لغه انجليزيه نتعلللم مو يبغونا جاهزين اجل لو كنا متعلمين انجلش 100 ليه ندخل القسم اجل على كدا ما خلاص كلية الطب تقول انا ما ابغى اعلم طلاب انا ابغى دكااتره جاهزين وايضا كلية الهندسه على كذا المفروض ما تقول ابغى اعلم واطلع مهندسين لا المفروض تقول ابغى مهندسين جاهزين ..والله تخللللف بدا القسم

[smart1111]

انا اشوف اذا كان عندك مبادىء فالغه الانجليزيه الا تفكري تغيري لان ما راح تلاقي افضل تخصص

[*غند*]

والله ما اسود غير اختباراتهم وطريقتهم اللي مو عارفين ايش يسوو في حياتهم كل سنه بخطه جديده ونظام غبي ...

ههههههههههههههه والله انك صادقه قطيعه يطفشوا

بس ماعليك يا صاحبة الموضوع اذا تقدري تتحدي نفسك وهذا القسم كملي

تحدي قسم الانجليزي لنا للانتساب ولن تركه حتى تبيض روسنا ونتعبهم في كل سنه واحنا في وجههم

استاذة اللسننق شكت في كيف عديت للسنق ون عشان المحادثه عندي صفر ماعلي فيها وهنا علم نفسك بنفسك

[حمامه بيضاء]

والله انا احب الانقليزي وامنيتي من زمان ادرسه لكن الظروف ماسمحت واليوم اللي قررت ادرس تمنيت اني درسته من زمان واني انتظام لكن مافي شي صعب والله يسهل

وبالنسبه للبنات اللي يقولوا ان احنا نذاكر بس نتفاجا بالاسئله فعلا من جد اجي واثقه من نفسي الاقي الاسئله ماهي موجوده بالكتاب وانا مايهم باحل من فهمي لكن اذا كامتت غريبه شلون اخترع يعني والا ايش السالفه مشكلتهم انه مايراعون احد

المشكله هذي كانت في الريدنق

اما في الاستماع فحدث ولاحرج يمكن كانت افضل صح انها كثرت الاسئله عشان تعطينا فرصه للنجاح بس الوقت ماكفانا لدرجه ان المراقبه تنبهنا ان الوقت خلص وانا لسا ماخلصت كثرت الاسئله ماهي في التنوع كثرتها في نفس السؤال مكرر مليون مره طيب كيف تعطينا فرصه نحل اذا نفس السؤال مكرر بس ضياع وقت عالفاضي اتمنى ننجح

مع اني حبيت سهام فطاني هذي بس لازم كمان يراعون طالباتهم لوما خفت تاخذ مني موقف كنت كلمتها في الاسئله بعد ماختبرتني التحدث بس قلت خليني مسالمه زي ي البنات ماله داعي التقلف


باقي الرايتنق يارب يارب يارب سهل علي يارب والله من جد اصعب مرحله مرت علي هالايام

بس عالاقل عرفت طريقه الاسئله واخذت درووووس كثير هويارب استفيد


واحب اذكر ان لابد يكون في محفز لكم من فنره لفتره عشان فكره الاستسلام كل واحده تلاقي محفزات
واشياء تمنعها من الاستسلام ولازم كمان نتلذذ حتى بالهزيمه لاننا بذلنا جدهنا والباقي عالله



اموووووووووووووووووووووووه للجميع وبالتوفيق

[delicate]

المشاركة الأصلية كتبت بواسطة حمامه بيضاء انا طالبه انجليزي اوكي ومستوى ثالث وخاااايفه مره اذا الانتظام عندهم مشاكل اجل انا الانتساب وش باسووي ؟؟؟؟ ابغى اعرف كيف احول ؟؟

شوفي...أنا ح سويلك زي ما المس سوت لنا
إذا انت داخلة القسم عشان تتعلمي لغة فهاذا ماهو مكانك
هنا بندرس أدب...و لا نعلم لغة
ما أعرف بالنسبة للانتساب و لكن بالنسبة للانتظام (بنات 09) أذا رسبت في أي مادة مررتين
تطردي من القسم طبعا هذا القرار طبقو علينا السنة ذي
فانت يا قلبي...أدرى الناس بنفسك و اجلسي جلسة صادقة مع نفسك و شوفي هل انت مناسبة لهذا القسم...و هل هو يستاهل....و بالتوفيق