سؤاااااال عن كيمياء حيوي

[miss pink]

مســـــاء الخيـــر للكل .........
اخواتي واخواني في كيمياء حيوي تعرفو ماده اسمها (كيمياء حيويه تطبيقيه )
هيا ماده اختياري بس ابغا اعرف
كيف الماده تتكلم عن ايش ؟؟؟؟؟
واللى سبق واخذها يفيدنا فيها

وشكرا لكم

[قطرة مطر]

معندي خبر بس حبيت ارفع الموضوع...

[بدر 2000]

يالغالي التطيبق يعني تكون خارجة عن المعتاد فليس تدرس المادة نظريات فقط
بل تقوم بتطيبق النظريات على ارض الواقع والتحقق من صحتها في مجال الكيمياء الحيويه

كما اعتقد

[sparkling]

أنا حااقلك بس بشرط ادعي لي ربي يحقق اللي في بالي :)

شوفي ياقلبي اخذتها مع نجلاء الشريف..

المادة تتكلم عن صناعات الاغذية مثلا كيف صناعة اللبن والكحول والخل والجبنة وزي كدا..وكيف نستخدم الكائنات الدقيقة في الصناعات والهندسة الوراثية والتقنية الحيوة واستخدام التقنية الحيوية في تكوين المضادات الحيوية والتخمرات الهوائية واللاهوائية والبروتين أحادي الخلية والمعالجة البيولوجية للملوثات البيئة

المادة دسمة مرة وفيها كلام كثير ..يعني يبغالها شد حيل ومذاكرة أول بأول..

لكن المعمل حقها كان زي معمل التغذية مو صعب..

هذا اللي افتكره .. واي شي ياحلوة انا موجودة ان شاء الله :)

[miss pink]

مره شكرا لكل اللى رد على السؤال

[miss pink]

المشاركة الأصلية كتبت بواسطة sparkling أنا حااقلك بس بشرط ادعي لي ربي يحقق اللي في بالي :) شوفي ياقلبي اخذتها مع نجلاء الشريف.. المادة تتكلم عن صناعات الاغذية مثلا كيف صناعة اللبن والكحول والخل والجبنة وزي كدا..وكيف نستخدم الكائنات الدقيقة في الصناعات والهندسة الوراثية والتقنية الحيوة واستخدام التقنية الحيوية في تكوين المضادات الحيوية والتخمرات الهوائية واللاهوائية والبروتين أحادي الخلية والمعالجة البيولوجية للملوثات البيئة المادة دسمة مرة وفيها كلام كثير ..يعني يبغالها شد حيل ومذاكرة أول بأول.. لكن المعمل حقها كان زي معمل التغذية مو صعب.. هذا اللي افتكره .. واي شي ياحلوة انا موجودة ان شاء الله :)

طيب انا اعرف نجلاء الشريف مره كويسه طيب كيف الماده حلوه دراستها ممتعه ولا لا ؟؟؟؟؟؟؟ طيب لها كتاب ولا من برا ؟؟؟؟ ويارب يكتب اللى في بالك يارب

[sparkling]

المادة بصراحة ماعجبتني لأنها مرة دسمة ويبغالها حفظ كثير
وبالنسبة انه دراستها ممتعة او لأ من وجهة نظري ماحسيت بمتعة فيها ..لانه الدكتورة ماكانت تفهم مرة..
وشرحها سريع..ففي اشياء كثيرة كنت احفظها من دون فهم صراحة..

لكن اذا تبغي تقارنيها بمادة غيرها ب4 ساعات فتستاهل إنك تاخديها لانه المعمل حقها سهل والدكتورة ممكن تساعدك..

و د.نجلاء كانت تنزلنا ملازم في المكتبة واحنا نصورها..ومالها كتاب

اذا في شي ثاني عادي اسالي :)

[northstar]

طيب وش ماده اختياريه اخذتيها وعجبتك مره؟

[miss pink]

مره مره شكرا على ردك وتوضيحك ..... انا مااخذت مواد اختياري فما ادري ايش الاحسن لو كمان عندك مواد اخذتيها ياليت تفيدينا فيها

[sparkling]

المادة الاختيارية اللي انصح كل بنات البيوكمستري ياخدوها هي المصطلحات
مين ماكان يعطيها المادة مايبغالها ..سهلة مرة ومفيدة للتخصص..

باقي المواد والله مااعرف ..