شباااااااااااااااااااااب عندي سؤال بسيط .... ياريت تساعدوني

[relax]

الســـــــــــــلام عليكم ورحمة الله وبركاته

شباب انا طالب مستجد في الجامعه وكنت ناوي ادرس في جامعة البترول والمعادن

بس ما قدرت اروحها في الاول

والان خلصت من الترم الاول في الجامعه في قسم العلوم والحين انا في القسم الثاني وناوي احول هناك فا كيف الطريقة الي اقدر اقدم اوراقي واحول الى هناك

يعني في نسبة محدده او اي شي


ياريت تفيدوني

واذا حولت هناك كيف حيكون الوضع بالنسبة للمواد الي درستها زي الرياضيات والفيزياء والكيمياء

وهل اقدر ادخل اي قسم ولا حتككون الاقسام محدده؟

تحياتي لكم

[x_bioc]

اجبلك هيا من الاخر


محا يعادلولك ولا مادة

و لازم تجتاز اختبارين التقييم

رام 1 و رام 2 بعد نهاية السنة

اعتقد ان النظام ما يسمح بأن تدخل الاختبار مرة اخرى

و درجتك في الاختبار الاول حتقدم فيها



انا ما اكسر مجاديفك

بس و انتا طازا ما قبلوك كيف لو معدي على شهادة الثانوية سنة


جرب حظك في كلية المجتمع بحائل

تابعة للبترول و المعادن في دراستها

و جيب معدل طيب السنة الاولى احتمال يقبلوك


بس نصيحة مني انا محول من هناك لي الملك عبدالعزيز


ترا الاوضاع هناك تختلف عن هنا


و اكيد سمعت عنها


بس يمكن لك خير في عدم قبولك هناك

وربي رايدلك النجاح هنا


و ترا جامعتنا فيها الخير و البركة


و كل يوم بتتغير للأفضل

و كلية الهندسة في جدة تنافس البترول و المعادن

و قسم الهندسة الصناعية عندنا افضل من عندهم بمراحل

و معترف بيه دوليا

و ذا كان طموحك البترول و ربي ما اراد

حاول تلتحق بكلية الهندسة الصناعية و محا تندم


أخوك

x_bioc

جامعة الملك عبدالعزيز - كيميا حيوية

(البترول و المعادن سابقا)

[relax]

يعطيك الف عافيه اخوي

تدري انا داخل الجامعه برضو على اساس الهندسه يعني

بس ما فكرت في الصناعيه يعني الحمد لله جبت معدل حلو الترم الاول

وإن شاء الله اكمل عليها الثاني وبروح هندسه بس الي في بالي هندسه كهرباء الي هي الكترونيات

بس الصراحه ما اعرف الاقسام الثانيه

ياريت توضحلنا اش الافضل او المطلووووووووب بالخص يعني بعد عمر طويل

تحياتي لك

[x_bioc]

مشالله تبارك الله

بدام معدلك حلوو يعني فوق 4.5

تقدر تتبع ميولك

انت متخيل نفسك ايش ؟

كل قسم في الهندسة له ميزة

اذا انت ما عندك ميول و تبغى الافضل

الهندسة الكهربائية

بس عدد طلابها كثير و عليها ضغط

و كذلك يوجد هندسة كيميائية ايضا ممتازة

اما اذا كنت متخوف من صعوبة الهندسة

فهناك الهندسة الصناعية

انا برأيي انها الافضل

لأنها من احدث التخصصات

و عليها طلب ي سوق العمل

يعني طلابها قليل

و هي تخصص حلو و جميل و ممتع

وانا ارى انه من ابسط تخصصات الهندسة

و اقلها من ناحية الساعات

يعني تتخرج بي 136 ساعة

و تقدر تستفسر عنه بزيارة القسم

و انا زرت اقسام الهندسة العام الماضي

و كان قسم الهندسة الصناعية من اهدأها

و تجد فيه رحابة صدر من جميع الدكاترة و المسؤولين

و تقدر تسألهم كل ما خطر في بالك من أسئلة

و ستجد الاجابة الشافية بإذن الله

[relax]

الله يعطيك العافيه يا اخوي x_bioc

صراحه ما بيقت شي

مقتبس
------------------------------------------
الهندسة الكهربائية

بس عدد طلابها كثير و عليها ضغط

و كذلك يوجد هندسة كيميائية ايضا ممتازة

اما اذا كنت متخوف من صعوبة الهندسة

فهناك الهندسة الصناعية

انا برأيي انها الافضل

لأنها من احدث التخصصات

و عليها طلب ي سوق العمل

يعني طلابها قليل

و هي تخصص حلو و جميل و ممتع
------------------------------------------

طب ايش تخصصاتها يالغالي

وبالنسبه للزحمة يعني في تأثير في الدراسه

يعني انا زي ما سمعت انو الهندسه الكهربيه اصعب وافضل

وايضا انه الصناعيه حلوة بس طلبها اقل من الالكترونيات .... معاي؟

مقتبس
------------------------------------------

اذا كنت متخوف من صعوبة الهندسة
---------------------------------------------

يعني لدي الدرجه صعبة الهندسة

على العموم ربك يسهلها

[relax]

معلييييييييييييش يالغالي طولت عليك

بس ابغا اسأل اذا عندك فكره

المواد الي دراستها تتعادل في الهندسة كلها

وبالنسبة للانقلش سمعت انه في اختبار مستوايات قبل ما ادخل الهندسة واذا عديتها ما ادرس انقلش

صح....؟

والف شكر لك يالغالي

[x_bioc]

الله يعافيك حبيبي

بس ما فهمت ايش تقصد بي :

طب ايش تخصصاتها يا الغالي

؟؟؟

بالنسبة للزحمة لها تأثير سلبي في الوظائف او لا

هذا في علم الغيب

الارزاق بيد الله


و انا اعطيتك وجهة نظري في افضل اتخصصات

يمكن شخص ثاني يقنعك بالهندسة المدنية كل واحد له وجهة نظر

كلية الهندسة عموما يبغالها مجهود كبير مقارنة بالكليات الاخرى عدا الطب

و كل انسان ادرى بمجهوده

و إن شاء الله مافي شي يصعب على المجتهد

بس انت حاول تجمع اكبر عدد من المعلومات عن التخصصات الي بتفكر فيها

بس اهم شي انك اذا مشيت في تخصص لا تححط في بالك انه صعب

ترا كل التخصصات في الجامعة صعبة اذا الواحد ما اهتم


بالنسبة للهندسة الصناعية انا شايف عكس كلامك


بالعكس لو ما كان له لزمة ما كانو فتحوه من الاساس


و يكون في علمك ان امكانيات الهندسة الصناعية في جامعة الملك عبدالعزيز افضل من البترول و المعادن

يعني شهادتها اقوى

واغلب المهندسين الصناعيين في المملكة اجانب

و هذي فرصة جيدة للسعوديين

حيث انها تواكب زمن السعودة


_________________________


ايش المواد الي درستها و تبغا تعادلها و في اي كلية درستها ؟


اذا حبيت تستفسر عن المواد و تعادلها تقدر تسأل شؤون الطلاب في كليه الهندسة


و بالنسبة للانقلش و اختبار الاجتياز صعب

يعني اذا ما كنت فلتة في الانقلش محا تعديه


مع انه ثلاث خيارات بس تعقد الواحد


تحس ان الاسئلة سهلة و انت جاوبت صح و في النهاية راسب


السر هوا انهم يحطولك ال (slang) الامريكي الي تسمعو في الافلام

بين الخيارات

و تكون العبارة في نظرك صحيحة عشانك سمعتها قبل كذا و مرت عليك


و العبارة البريطانية الي لو قريتها تحس انها كلجة و ما مرت عليك قبل كذا

هيا الصح

انا خرجت من الاختبار و كنت متعشم على 90 و اخذت 48




انت جرب حظك و شوف ايش يسير معاك


بالتوفيق

[relax]

ههههههههههههههههههههههههههههههههههههههههههههههاااا ااي

90 صارت 48

عز الله ضعنا فيها

اجرب حظي وين يا شيخ ربك يفرجها <<<<<<<< يمكن يسافر بيرطانيا عشان اختبارات المستوى

لا تصدق انتا كمان

______________________________

بالنسبة لتخصصات الهندسة الصناعية

عفوا انا اقصد الوظايف الي تحتاج للمهندس الصناعي

وياريت تقولنا عن تخصصك

وبأيش تنصحني كطالب مستجد ناوي يحول هندسة

وإن شاء الله ما اكون ثقلت عليك زياده عن اللزوم

<<<<<<<<<<<<<< داري انك كرهته

على العموم مشكووووووووور وما قصرت يالغالي

صراحه كفيت ووفيت

واي خدمة

<<<<<<<< اخوك ( المروق )

تحياتي لك

[x_bioc]

عايدي يا بش مهندس (لاحقا)

الواحد يكون علاقات من دحين




عزيزي

مجالات الهندسة واسعة

اول شي من اسمها هندسة صناعية

جميع مجالات الصناعة تحتاج مهندسين و انت حتكون على راسهم

اي مصنع موجود في المملكة يحتاج مهندسين صناعيين

اضافة الى ذلك المستشفيات الكبيرة تحتاج الى مهندسين صناعيين

هاذا بشكل عام وانت عاد استفسر من ذوي الخبرة



انا فهمت منك انك تبغا تحول هندسة؟

يا سيدي انت في اي كلية عشان اقدر افيدك
و انصحك بالتخصص المناسب

انا على بالي هندسة


يا عزيزي

انا تخصصي الان كيميا حيوية في كلية العلوم


( MIS / Computer S/ Math) سابقا

[relax]

أنا لسى في العلووووووووووووووم

وناوي احول هندسة

مدري عاد اذا تتعادل المواد العمليه اذا جبتها فوق 75؟؟

وبعد كم عدد ساعات التخرج في الهندسه عموما

؟؟؟