عذرا..ولكن ...

[حنين الود]

الصراحة في كل جامعات العالم لما أي انسان بيغش في أي جامعة تانيه توصل لحاجات كبيره
بعض الجامعات تنزل إسم الطالب في الصحيفه الأكاديميه وتوصل بعض الاحيان تنشرها في الجرايد زي حكاية البنت السعوديه الي تدرس في البعثه فصلوها ورجعوها السعوديه عشان غشت في بحث ماكتبت المصدر ونسبته لنفسها ..
بعض الجامعات برا الي معروفه بنشاطات معينه وتبني قضايا عالميه او صحيه اوحقوق انسان او الخرابيط دي معرووووووووووفه بمطالبتها بمردود مالي كبييييير بيفرضوا غرامه ماليه مو طبيعيه على الطالب مع فصل لمده ترم كامل في مقابل يسمحوا لطالب غشاش يدرس في جامعتهم عشان بتهمهم السمعه..
بعض الجامعات تعاقب الطالب انو يشتغل في عمل تطوعي قاسي للجامعه لمده فصل دراسي كامل ..
اما في جامعتنا المفروض فصل لمده سيمستر اظن مادري ماعرف النظام وان شاء الله ماعرفه ولا احتاجه والله يبعدنا عن الاشياء دي ..
يمكن انا عشان ماكنت في نفس الكلاس ولاشفت الموقف بس الحق ينقال ..صح انو نتعاطف مع البنت وزي كدا ونتمنى انو الشي دا ماصار بس كل انسان بيخطئ ويتوب عادي خلاص والله يوفقها وتتخرج من الجامعه وترتاح..بس يمكن الشي دا اتفاق بين الطالبه والاستاذه انو كانت بتحذفلها اختبارها او تحرمها والبنت وافقت على المعامله دي في مقابل ماتنحرم من الاختبار ؟؟ صح ؟؟ احنا مو عارفين حاجه بس لينا الاحقيه انو نعلق ونتكلم بحريه في اي حاجه بالجامعه ..
في الأخير انا مادري احس لو انا مكانها حرحمها مادري كدا احساسي بس كل انسان عنده طريقه تفكير ومبادئ استاذه سهام يمكن انو عندها الالتزام بالقوانين اهم حاجه ..

رودا حياتو لاتكلمي العسوله غرور كدا بليز

[غـــرور]

^

يابعد قلبي والله كلك ذوق حبيبتي

رودا يمكن بغتني اوقف معـآهـآ واقول الأستاذه غلطانه وووووو الخ

وانا قلت غلط تشهر فيهـآ لكن تحمد ربها البنت انها ماانحرمت من المـآده وهذا تصرف مـره generous من مس سهـآم وانا من هينـآ بأوقف بوجه كل وحده تغلط بحق هالأستاذه .. ظلموووهـآ كثير وأنآ أولهم لكني ندمت .. مس سهآم ذوق وتعآمل روعه وووالله كأننـآ بنآتهـآ سواليف وحكـآوي ..

عني أنــآ .. هع مآبقت سالفه خآصه فيني مآقلتهآ لهـآ .. وفوق ذآ كله مرآعـآه لأبعد حـدووود ..



إرحموآ هالأستــآذات .. مآبقيتوآ شئ فيهم كليتوآ لحمهم

بسكم إنتقادات وعدلوآ من حآلكم وشدوآ حيلكم ولآ رآح تلقون أحد يوقف بوجه نجآحكم أو أحد يتصرف بطريقه غلط معـآكم


تصرف المس مع البنت مآفيه أي شئ .. حتى البنت تضحك والمس تضحك ..

والبنت لو تقرأ كلآمي أقولهآ بوسي يدينك وجه وقفـآ يآبنت النآس ..

وسوري لصآحبه الموضوع كثرنآ حكـي بس شفت ضغطك بنط قلت أبيّن وجهه نظري يآحبوووبه

[*غند*]

الله يهديها الاستاذه والبنت والله الغش ساير علني

على طاري الغش ههه في بنت وراي في اختبار لسنق تو

حاطه شنطتها قدامها وفاتحه اوراق كبيره و شوي وتفتح الكتاب كمان ينعل ابو الغش اللي كذا

والاستاذه نيييمه على اودنها ههههههههه والله البنت رفعت ضغطي اشبها بتنجح اصلا الاختبار سم

[English boy]

عندما قرأة الموضوع ، لم يخطر ببالي الا ما قاله الاخ رويال ، حادثة الاربعاء المؤسفة والتي كانت بسبب التهاون والغش وما يترتب عليها . بالنسبة لاسلوب الاستاذة لا نستطيع ان تنجادل فية وندلي بحكمنا وما زال هناك غموض كبير بالقصة ، لن اشتت بعيدا ولكن ما رأيته من بعض الطلاب امام عيني في بعض الاختبارات وطرق غريبة ورهيبة في طريق الغش ، نحزن ونأسى على انفسنا . لقد اصبحت ضاهرة عادية جدا . وانها والله خطيرة جدا علينا خلقيا واجتماعيا وثقافيا . من المؤسف لن تقف عند البراشيم وتبادل الاجابات دخل القاعات بل ستستمر عملية الغش للحياة العملية والمادية . فلا وجود لتطور حظارتنا مالم يوجد تطور لإنفسنا وذاتنا . انا ضد الغش بجميع انواعه وافضل الرسوب او 60 ولا احصل على اعلى الدرجات اللتي لا استحقها.

[Ro0oda]

شكراا لكل من رد عالموضوع او اتجاوب معااه

بس حابة اعلق على كلام الاخت غرور

حبيبتي انا اللي رفع ضغطي مو رأيك اختلاف الرأي لا يفسد للود قضية

اللي رفع ضغطي اسلوبك وانتي تكتبي الموضوع معليش مو اسلوب ابدا احد يناقش فيه ( ... اقول

تراكم ناس مايعجبكم شئ ابد)

تاني حاجة انا مابغيتك توقفي مع البنت ولا مع الاستاذة لأني لا اعرف البنت ولا بيني وبين الاستاذة عدوات شخصية
3 اذا انتي شفتي انه البنت اللي كان تتهزأ كانت تضحك فهذا غريب ماشفت الشي دا ابدا وكانت تهز راسهابعلامة الموافقة على كل شي تقولو الاستاذة اتوقع بس عشان الاستاذة تقفل الموضوع والاستاذة كانت تبتسم لبنات الشعبة بأستثناء البنت هذي ليش نخلط الامور
4 مسألة انك ظلمتي الاستاذة واعطيتي انطباع سيء عنها فهذي غلطتك انك تحكمي عليها قبل مااتخذي المادةبس على اساس انطباعات البنات محد يفرض عليك شي انت ي اللي سمعتي كلام البنات وصدقتي وبنيتي على اساسه فكرتك

حنين الورد غرور بدأت كتابة رأيها بأسلوب مو حلو وانا ماغلطت بالعكس كنت في قمة الذوق معاها واعتذر لو انها حاسة اني غلطت عليها

[English boy]

دحين الغش في الامتحان زي الغش في البناء؟؟! هيا غشت و اساءت لنفسها ، يعني مافي احد مات بسبب غشها، مررررة مافي صلة بين الاتنين !!

اللي بسرق ريال .. واللي بيسرق مليون .. كلهم حرامية
لكن
هذا مبتدئ .. وذاك محترف.. ومصير المبتدئ التطور حتى يصل الى الاحتراف

[الإمبراطورة]

الطآلبة أكيــد مُخظئة.. والمفروض تتحمل النتيجة

الأُستآذة يمكنْ لهآ وجهة نظر في الموضوع ونحترمهآ..
:)



شُكرآ للأخت Ro0oda

[غـــرور]

مايحتاج تعتذرين يآ أخت رووودا

لكن لأني أحكي بهالموضوع مع وحده وتسب بالأستاذه وأقولها انا بوجه الأستاذه والله انها تضحك للبنت والبنت تضحك لهـآ بعد .. شوف عيني محد قـآل لـي ..

وبإمكآن مس سهـآم تجيب د.رندآ وتفضح بالبنت وتسوي هوليله لكنهـآ قالت انتي عبره للبنآت وسكتت ..
انتي لو تحطين نفسك بمكآن المـس اتحدى اتحدى لو تسآمحينهـآ وتعتبرينهآ مآغشت ..

كثرنآ حكي حيــل ..

اسلوبي كآن شوي غلط لأني كنت احكي بالموضوع مع وحده زي مآقلت بأول ردي ذآ ..

وحصـل خير .. ولو فيه ايقونه ورد بالمنتدى حطيت لك بس مآكو :(

[R O Y A L]

المشاركة الأصلية كتبت بواسطة زيـــنـــة دحين الغش في الامتحان زي الغش في البناء؟؟! هيا غشت و اساءت لنفسها ، يعني مافي احد مات بسبب غشها، مررررة مافي صلة بين الاتنين !! صاحبة الموضوع ما اتعاطفت قد ما انو لفت انتباهها تصرف يجي من عضو هيئة تدريس بالجامعة، يعني شخصية ناضجة و مسؤولة و عندها خبرة في الحياة قبل التعليم، و المفروض اننا زي بناتهم و اللي ترضاه لبنتها ترضاه على بنات الناس، دا مبدأ ! أكيد لو اتكلمت معاها بينهم و بين بعضهم كان أفضل بكتير، يعني اذا ربنا يستر على عبادو ما يجوا الخلق يفضحوا !! ليه ما استشهدت بـ ( حب لأخيك ما تحبه لنفسك ) ؟؟ مافي أحد يرضى انو يكون في موقف البنت دي على ما اعتقد،، ! محد يبغى أساتذة ملائكة، بس نبغى أساتذة يعاملونا زي بناتهم،،

المفروض ارد بكلمة ( لاتعليق ) ولكن بما اني خلصت مذاكرة ....اذن
بداية قولك (الغش في الامتحان زي الغش في البناء ) عبارة جوفاء لان :
1- الغش هو الغش في البناء او الامتحان او غيره مثال توضيحي ( واحد سرق مليون دولار من بنك لو اعتمدنا على نظريتك لكان الجواب السرقة من البنك غير السرقة من منزل لشخص ما ويكون التعزير لدى القاضي ان السارق من البنك تقطع يده اما سارق المنزل بما انه سرق شي معقول (لاب توب -مجوهرات - بعض علب البسبسي ) لاتقطع يده بل يخل سبيله. مارايك ؟ السرقة هي اخذ ماليس لك من حرز يعني البنك والبيت مختلفين لكن التعزير واحد.
2- قولك (هيا اساءت لنفسها) كان قولا خاطئا لان:
-اساءت لنفسها اولا
-اساءت للدكتوره المراقبه ثانيا وهذا فيه عدم احترام في التعامل .ونستند الى :من لايحترم نفسه لايحترمه الناس .
-اساءت للمغشوش منها فلربما تكون الضحية لانها قد تسحب ورقتها بدون ذنب .
3- قولك ( احد مات بسبب غشها )مو شرط اموت بس اهم شي ماتنسحب ورقة اجابتي بسببها واجيب لنفسي سمعة مش ولابد .
4- قولك مافيه صله بين الاثنين ( عودي الى الرد من الاول )
5- قولك ( تصرف غير مسؤؤل من عضو تدريس) لو فكرتي قليلا لسالت نفسك لماذا لم تقول الدكتورة تعالي انتي (باسمك ) الجواب : لانها لم ترى منك الا كل خير وهذا دليل قاطع ان الدكتورة (القت القبض عليها قبل هذه المره ولم تفعل شيئا لا ن النظام فيه قسوة للغشاشين ممكن تحرم الماده ).
6- ليه تعاملك زي بنتها وانتي مش بنتها وهذا مش مبدا .
7- ماستشهد ب(حب لاخيك ماتحب لنفسك ) وذلك لاني لااحب الغشاشين .
واخيرا كان العقاب رادعا برايي واردف بالقول انها كانت تستحق الحرمان من الماده لما اقدمت عليه من فعل شنيع .
وسعدت جدا بهذه المشاركة ووووووووو(اختلاف الراي لايفسد للود قضية ) شكرررررررررررا

[Ignor]

أحس هالموضوع فضح البنت أكثر ^^