هذآ ماحصل معنا آمس في اختبار السياسة العامة وصناعة قرار

[سكرـأإ]

السلام عليكم

يوم الاربعآء 19 /7

كان عندنا اختبار سياسة عامة
دخلنا قاعة الاختبار في مبنى 420 / 208
وبعد استلامنا الاسئلة وورقه الاجابه وكتابه اسمائنا تفاجئنا بدخول استاذه " نتوقع انها استاذه الماده " ماقدرنا نميز صوتها من صراخها علينا

قالت بالحرف الواحد اللي علوم ادارية تخرج هنا اداره عامه وطلبت من المشرفات بسحب اوراقنا
وسحبتنا من القاعة 208 الى 213 وبعد نص ساعة من بدء الاختبار استلمنا الاسئله وورقة الاجابه ومكتوب قسم الاداره العامه ! لكن برمز المادة في العلوم الادارية
كلمنا المششرفات قالوا مافيه اختلاف ابد حلوها ! ومن الحيره البنات يسالؤ بعض نحل ولا مانحل
وتفاجئنا بالاسئله دقيقه جداً , اغلب الاسئله كم عدد المتطلبات كم عدد المراحل كم عدد الاسباب , يعني لما بنذاكر بنجلس نعدهم ! الاسئلة 100 سؤال والحمد لله لان لو كانت اقل كان طارت درجاتنا
وبعض الاسئله مكرره بالاختياري والصح وخطأ

كل طالبة كانت تسال المشرفات من الف والدوران اللي موجود بالاسئله

جاتنا اكثر من اربع اسئله بين اختياراتها كيذا " " " " "ولا" " " " " " "

سالت مشرفة قلت لها ايش معنى هالاقواس ؟ يعني تكرار ولا ايش ؟
قالت ماعرف انا مو استاذه الماده وهيا مو راضيه تجي لكم

القاعة الى اخر دقيقه متواجدين البنات وقليل جداً اللي خرجو قبل نص ساعة
تفاجئنا بشكل كبير بالاختبار ومن الربكه نسينا المعلومات

الاستاذه لا يعلى عليها في الشرح لكن اسئلتها !

اعتبر اختبار امس من اسوء الاختبارات للاسف اتمنى ربي يعوضنا باخر اختبار

حبيت انقل لكم الظلم اللي حصل لنا

[الشــوق]

صراحه هالحركه بالاختبار فاجأتني

جاتنا اكثر من اربع اسئله بين اختياراتها كيذا " " " " "ولا" " " " " " "

تلقائي ضحكت ..!
بعدين استوعبت انه قصدها نفس الجمله اللي قبلها بس مافيهم يكتبونها تاني
مجرد غيروا اول كلمه وباقي الجمله كملوها كذا " " " " "ولا" " " " " " "




ان شاءالله يارب يعدي الاختبار على خير ونتوفق فيه
تقروشنا وطارت المعلومات
بس الحمدلله

[سكرـأإ]

المشاركة الأصلية كتبت بواسطة الشــوق صراحه هالحركه بالاختبار فاجأتني جاتنا اكثر من اربع اسئله بين اختياراتها كيذا " " " " "ولا" " " " " " " تلقائي ضحكت ..! بعدين استوعبت انه قصدها نفس الجمله اللي قبلها بس مافيهم يكتبونها تاني مجرد غيروا اول كلمه وباقي الجمله كملوها كذا " " " " "ولا" " " " " " " ان شاءالله يارب يعدي الاختبار على خير ونتوفق فيه تقروشنا وطارت المعلومات بس الحمدلله

وانا قلت يمكن تكرار بس بعض الاختيارات اقواس بدون اي حرف
مادري ايدها كانت بتاكلها لو كررتها

ان شاء الله يعدي على خير

[الورد شكل ومعنى]

الله يوفقك ويبشرك بلفل مارك
بس ممكن اعرف اسم استاذه الماده الي مارضت تجي

[سكرـأإ]

خديجه عبد المؤمن الحربي
وهذا اخر ترم لها بهالماده :)

آمين يارب ويوفقك حبيبتي

[محبة القوم]

أختي امس انا اختبرت سياسة عامة مع استاذة خديجة والأسئلة لم تكن بذي الصعوبة اللي انتي تتكلمي عنها ويكفي الأستاذة جزاها الله خير قالت ذاكروا من ملزمة فراشة جدة والاختبار صدق ماخرج عنها أبدا كل شي بالملزمة موجود وجانا بالاختبار والأسئلة مو ذيك الصعوبة ونفس اسيلة العام لو اطلعتي عليها و ذاكرتي من بدري كان الاختبار بيكون سهل عليك الا في حالة أنكم قسم علوم إدارية ودخلتوا مكان قسم ادارة عامة مسار عام هذي مشكلتهم المفروض تتأكدوا من مبنى والقاعات قبل ماتدخلوا أتمنى تنقبلي وجهة نظري بس حبيت اقول كلمة حق الاسئلة مو صعبه للي نذاكر من بدري والله يوفق الجميع

[سنيني يَم]

كلام محبة القوم صحيح
الاسئله بصراحه كانت واضحه وسهله
وما خرجت من ملخص فراشة جده
كمان كان في اسئله لها هنا بالمنتدى

بالنسبه لعلوم اداريه كان المفروض تنتبهو قبل كل اختبار اكتبو كل بيانات الماده عشان ماتلخبطو

لاتزعلي مني مجرد رأي
ربي يوفقك وتجيبي احسن درجه

[سكرـأإ]

^ لا عادي حبيبآتي
لو تلاحظو انا ماقلت صعبه قلت دقيقة
ونموذج عن نموذج يختلف ممكن نموذجك كان واضح
وكمان بياناتكم تدل انكم مو علووم اداريه والاسئله كانت مختلفه عشان كيدا سحبو الاوراق مننا
ثاني شيء انا ضيعت ورقة الاماكن وسالت مراقبه وقلت لها شعبه 2 وقالت الا هنا
ومو بنت او بنتين اللي حصل لهم نفس اللي قلته

وانا ارجع واقول الاستاذه كشرح رائعة لكن من حقنا تجي او ترسل احد يجاوب على اسئلتنا مثل كل الاستاذات


وشكرا على ردكم

[NDM !]

الربشة لوحدها وقت الاختبار تنسي المعلومات !!!
ان شاء الله ربي يأجركم بالدرجات و تيجي حلوة و الله لا يحطنا في مواقف زي كدااا

[Ohoud Jamal]

الاسئله كانت حلوه بس زي ماقلتي دقيقه
والاستاذه مين قالكم انها ماتبغا تيجي
استاذه خديجه ماجات لانها مريضه الله يشفيها يارب
وصدقيني انتي حاسه انك خبصتي فالاختبار من الربشه مو لان الاسأله صعبه
انا حصلي نفس الموقف فالاختبار الي قبله رحت اختبر ماده اداره عامه يسالوني ايش شعبتك قلت 1 قالو دي القاعه
لما دخلت القاعه حليت سوالين وتدخل استاذه الماده تقول الي مو معايا في دي الماده تيجي معايا علشان اوديها للقاعه الي يختبرو فيها زميلاتها لنفس الماده
انا طالعت في اخر صفحه علشان اتاكد من اسم الدكتوره اتاريها مو مرام ماهين
ارجع اقرا اسم الماده اتاريها ads مبادي علوم اداريه جيت قلت للمشرفه عالقاعه انو دي مو مادتي واخدت شنطتي وكتابي وبخرج البنات قالووو الا نفس الكتاب الي معاكي شككوني

فالنهايه طلع اختباري فمبني 12 وانا جيت مبني 420 والله الماده كانت سهله بس لاني متاخره ومربوشه مع اللخبطه الي حصلت فالبدايه حسيت اني عكيت شويه