اسئلة بخصوص السكن الجامعي

[shorok]

سلام



اول شي بعتزر ازا مو هون مطرح الموضوع بس غالباً لئيت يلي مستفسرين عن نفس موضوعي منزلين مواضيعن بهالقسم


هلأ بئى عندي كم سؤال بخصوص السكن الجامعي ,, ياريت تجاوبني وحدة من المتواجدين فيو يعني ما بدي جواب قيل عن قال

انا ئريت تئريباً كلشي موجود ع غوغل بخصوص السكن بس ما استفدت تمام لأنو اغلب الحكي ئديم ,, شي من الـ 2011 و شي من الـ 2013

و ما لئيت شي من جديد ,,

فـ هي اسألتي

. شو وضع السكن من حيث نضافتو كـ جو بالسكن مزعج او لا ,, المشرفات يلي هونيك حبابين او لئما و صعب الواحد يتعامل معن ؟؟

. و سؤال عن ئصة التفتيش ع الطالعة والنازلة ,, في هيك شي عنجد ؟؟

. بالنسبة للغرف غصباً عني بدي انحط مع حدا تاني بالغرفة ؟؟ ,, هي الئصة ئارئتني لانو صعب اتعايش مع حدا ولا بأيا ظرف كان و ع فرض اول ما طلبت سجل هونيك و حطوني مع حدا تاني و طلبت انو كون لحالي بيسمعولي فوراً ولا رح يطنشوا ؟؟

. و بخصوص انو ممنوع اطلع من السكن الا ازا مع اهلي ,, هي شو وضعا ؟؟ انو انا ما عندي لا فوتات ولا طلعات بالأساس بس يعني ازا بدي انزل جيب شي نائصني هونيك من شي سوبر ماركت او هالئصص كمان ممنوع ولا شو ؟؟ بعرف انو في ميني ماركت بالسكن بس بركي مثلاً ما بدي اشتري من عندن او ما لئيت غرضي هونيك ؟؟

. و كمان منشان ئصة الشوفير التابع للسكن عنجد ما بيتحرك الا ليكون معو ائل الشي 4 بنات ؟؟ يعني صح ئصة انو في بنات بتتأخر عن المحاضرات منشان هالئصة !!

. شو الشغلات يلي ممنوع تنجاب لهونيك ؟؟

. مسموح ازا عندي شي حيوان جيبو معي ؟؟

. الآلات الموسيقية عادي تفوت ؟؟ التشيلو مثلاً ؟؟

. و سؤال كمان بخصوص اللابتوب ,, عنجد ممنوع يفوت اللابتوب يلي فيو كاميرا ,, لانو بتصور انقرضت اللابتوبات يلي بلا كاميرا و الموبايل كمان يلي فيو كاميرا شو وضعو ؟؟

. وازا كان بدي ئدم ع السكن ايمت لازم روح ؟؟ و كمان ايمت بيبلش دوام الجامعة ؟؟

. سؤال كمان بعيد عن السكن الداخلي ,, بالنسبة لـ يلي بتئلولو سكن خارجي ,, يعني مو تابع للجامعة ,, في حدا بيعرف سكنات نضيفة مرتبة و ما تكون اجاراتا الشيء الفلاني لانو مانا سنة وحدة و يلا خالصة (( طبعاً السكن الخارجي حاطتو خيار في حال ما ناسبني السكن الداخلي ))


هاد بظن يلي عندي ياه ,, اسألتي غالباً مو كتيرة (( 12 سؤال بس )) بس بدا شرح فـ علوا حدا يجاوبني