التحـويل الخارجي الى جامعة الملك عبدالعزيز ؟!.

[غرام جده]

هلا وعوده
بصراحه ما داومت الى الان وما عادلت المواد
المواد اللي نزلت لي هي مهارات الاتصال ومهارات الحاسب و لغة انجليزيه 1 وتنمية مهارات التفكير و الرياضيات للتخصصات النظريه طبعا الانجليزي 1 درسته بجامعتي وراح ان شاء الله بكره او بعده اروح عندها تعادل لي المواد وتحذف الانجليزي و فيه مواد اتوقع ادرسها الترم الثاني اللي هي ثقافه اسلاميه ولغة عربيه 1 ولغة انجليزيه 2 كلها درستها وراح يعادلوها لي ان شاء الله

الفيصليه ما رجعت لها مرة ثانيه طبعت استمارة المراجعه ورحت اخذ ملفي و رجعت هنا و اعطيتهم الاوراق المطلوبه وحولتني على وحده اتوقع رقم الغرفه 20 وحده اسمها حنان و بعدين تحولك عند زيزي هناك سوت لي الجدول و المعادله عندها كمان بالنسبه للي قدمت لهم الاوراق كانت اعتقد غرفة 7 عند الشبابيك اسمها ملاك اسأليها وراح تجاوبك ان شاء الله اتوقع هي المسؤوله عن التحويل الخارجي بس لازم تروحين بدري الساعه 8 تقريبا عشان زحمة البنات


بعدين اذا رحتي الجامعة طمنينا اش يصير معاكي
والله يوفقك حبيبتي .....

[رنيم العسولة]

غرام ياقلبي انا لو سحبت مملفي وجبت ورقة معادلة المواد اوك اكيد يعني بيعادلون ليا المواد على حسب كلامك
وانتي لمن قدمتي اش قالولك ؟؟أخاف اتورط ومايعادلون ليا المواد انا درست مهارات الاتصال وووو..يعني رحتي عند مين بالضبط ؟؟؟ادينا خبر

وهنوده غريبة ماعادلو لكي المواد شوفي غرام عادلو لها المواد... اممم انتي معاكي ورقة معادلة المواد والا لا؟؟


هموسة مدري هما يعادلون المواد او لا .؟؟؟ امممم اتمنى اختنا غرام تفيدنا اش سوت واحنا نسوي زيها


وربنا يوفق

وبعدين يابنات انا طبعت استمارة المراجعة دحين اروح لجامعتي الي ادرس فيها اخذ الملف حقي واجي جدة ووواكمل اوراقي ..؟؟؟

افيدوني باسرع وقت وياغرام وينك لاني متوهقة ..

وياغــــــــــــــررام المواد اللي قلتيها انا كلها درستها ماعادا الثقافة الاسلامية مادرستها ..؟؟؟؟

اش حيكون وضعي ..وابغا ارعف انتي لمن اخذتي ملفك ماكان معاكي ورقة او خطاب والا بس استمارة المراجعة ..؟؟

بليز يابنات ردو علياااااااااااااااااااااا

بأسرع وقت عشان اروح اجيب ملفي ؟؟؟؟ لاتتأأأأأأأأأأأأأأأأأأأأخرو

[غرام جده]

شوفي حبيبتي رنيم هي غرفه رقم 20 اتوقع

المهم اسمها حنان

اخذت مني كشف الدرجات و طلبت مني اوراق المعادله قلتلها يعني راح تعادلون لي المواد قالت ايه اغلب المواد راح نعادلها
قالت لي راح احط لك الانجليزي في الجدول بعدين جيبي لي الاوراق عشان احذفه من جدولك >> لاني كنت ناسيه الاوراق ما جبتها

هذا اللي قالته لي بالضبط

بالتوفيق ...
لا تنسون سمعتهم يقولون الاربعاء اخر يوم فانتبهوا

[غرام جده]

انا عني اخذت خطاب من عندهم لكن سمعت كثير بنات رجعوهم قالوا لهم مو لازم خطاب استمارة المراجعه تكفي

[غرام جده]

http://admission.kau.edu.sa/content....ng=AR&cid=2598

شوفي هذا الرابط

اتصلي على وحدة القبول اسألي عن ملاك هي المسؤوله عن التحويل الخارجي اسأليها متى اخر موعد لتسليم الاوراق

واتصلي على وحدة التدقيق والمعلومات او وحدة الوثائق والمعلومات اتصلي على الرقمين و شوفي لاني مو فاكرة المهم اسألي عن حنان او زيزي و على فكرة حنان هي اللي قالت لي عن المعادله وزيزي اللي سوت لي الجدول و هي المديره

اتصلي وتاكدي من الاستاذه حنان عن المعادله


وبالتوفيق حبيبتي

[رنيم العسولة]

يسلمو ياعسل ياغرام تعبتك والله

عموما انا اختي راحت واخذت معاها الاستامرة الي بالنت قالت روحي للجامعتك وجيبي ملفك زي كدا قالت لها

فأنا حبيت اطمن منكم عشان مااسحب ملفي عشوائي

فخلاص اروح اخذ الاستمارة واجيب ملفي بس بدق عليهم واردلكم خبر ؟؟بالتووفيق

أدق ومايردو ......؟؟؟؟

ادق ومايدووون

اووووووووف اش دا ؟؟

[@ حلا @]

بناااااااات انا للان ما طلعلي شي حالة الطلب فاضية !!!!!!!
اش يعني مرفوض ولا !!؟

[Ξxтяα ςάѓαмεζ]

^^
نفس الحاله

[هنووده]

رنيم انا اصلا مادرست سنه تحضيريه يعني غصب ادرسها والموادحقت تخصصي يعادلونها لي وع حسب معدلي يمكن ارجع تخصصي او لا هذا اللي فهمته منها انا لسه لي سنه ونص واتخرج يعني حرام ادرس تحضيري بالتوفيق

[رنيم العسولة]

طيب هنوده ياقلبي لمن سحبتي ملفك معاكي بس استمارة الترشيح الي بالنت؟

وانا درست تحضيري تتوقعي يعادلون لي المواد؟