إلغــــــاء السنـــــة التحضيريــــــة.!!

[Koke-07]

{ْ~’,.الســــلآم عليـــــــكم ورحمــــــــــــــــة الله وبركاتــــــــــه.,’~ْ}



اخوانــــــي واخواتـــــي الطلبـــــــه شو مسوين بالتحضيري إن شاء الله وضعكم مو مثلي



بحكـــــي سالفتي اولاً بعدين بكمل الموضوع ,, اولآً انـــــا قبل السنــــــــة التحضيرية كان طموحي اني اجيب بكل المواد A+ او A بالكثير وقلت إن شاء الله ما بنزل عنها والماده الي كنت خايف منها الانجليزي فقط


لكـــــــــــــــــــــــن اللحين بعد ما قربنا من نهاية الترم الأول صرت اتمنى اجيب D يعني 65-60 بكل المواد ما عدا الانقلش صار هــــــمي ابعد عن الرسوب .!!





المشكله انا مخطط من زمان اني اسافر بالصيفيه الجايه واخذ لغه لكن لو رسبت في اي مادهـ مصيري اقعد هنا ومستقبلي يتدهور

للآسف طلاب كثيرين انظلمو في التحضيري لان عندهم ضعف بالانجليزي وفيـــــه ناس ما شاء الله دوافير حتى كلمة دوافير قليله فيهم لكن تجيبه بلآنقليزي ما يعرف يكتب اسمو





ونا سمعت خبررر جامد من صحيفة سبــــق وإن شاء الله الكلام يطلع بنتيجه ويلغو التحضيري ويعطونا فرصة حنا المساكين


لكم الرابــــط :
http://sabq.org/sabq/user/news.do?section=5&id=34794




اللحين ابغى اعرف السنة التحضيرية ليه اسمها كذا .!؟
المفروض تكون تحضيراو تجهيز للطالب وتهيئــــــه له عشان يكون طالب جامعي , مو تحدد التخصص و تدمر مستقبل أغلب الطلاب .
انا بوجهة نظري يسموها السنة المصيرية ( يعني حياة او موت ).


بعض الطلاب كنت اقول كيف جابو درجات عاليه لكن لاحظة الظلم بعيني بعض الدكاتره يغششو الطلاب ...!
(إلآ من رحم ربي ) ونا بعد ما انـــــــــكر انهم غشــــشوني.\/



بنهاية اعذروني على الإطالــــه والشكوة لله وإن شاء الله الكل ينجــــح وبالتوووفيق .

[د. هدّولا]

السنة التحضيرية لها فايدتها وراح تكتشفها لمن تتخصص ، بس لو انهم يغيروا في انظمتها شوية
كان افضل لكن مررة يلغوها صعبة ...
السبب الاهم انك انت بتتعلم انجليزي دحين على مواد انت عارف ايش هي ودروس قد مرت عليك بالثانوي ...
لكن تخيل تدخل تخصص كل المواد اول مرة تسمع بيها وتدرسها بالانجليزي !


غير كدا تدخل تخصصك بمجهودك مافي لا واسطة ولا يا امي ارحميني ..
كلنا داخلين سوا وكلنا بنفس المستوى ...



-اثبت نفسك بالسنة التحضيرية لان اللي مو قادر عليها معليش في التخصص ماراح يقدر يستحمل ...
وراح تشوف خسف الدرجات اللي على اصوله بعدين ...
فعشان كدا شايفين ان التحضيري كانت لعب بزورة والله قدام اللي راح يجينا ....


اما بالنسبة للناس اللي يغشوا فنصيحة لاتعود نفسك تعتمد على احد في تقييم نفسك ( الاختبار )
لان بكرة لمن تصير دكتور ولا مهندس ولا استاذ محد راح يرحمك اذا غشيت ولا احد راح يرحمك اذا اخطات في عملك بسبب غشك !



بالتوفيق لك

[س.الرماح]

احسنت.............. السنة التحضيرية هامة للتحضير للتخصص فبدلًا من ان يدخل الطالب بمستوى مجهول بشكل نسبي لابد ان يعلم مدى تعاطيه مع التخصص المرغوب بل واختياره للتخصص المناسب إذ ان السنة التحضيرية تعد منظارً دقيقًا في هذا الجانب

[Koke-07]

انا فكــرت وفكــرت وقلت ليـه ما يجمعوا الثانوية والقدرات والتحصيلي ويحطو معها السنة التحضيرية يعني وقت تسكين الطلاب في الكليات ياخذو معدل الاربع مع بعض. وما يكون اعتمادهم كامل على التحضيري ... هــدولا مشكوورة على المرور وكلاميك عين العقل .. س.الرماح يسلمووو ومنوورهـ :) .

[Astronomer]

طيب هما اعتمدوا على الثانوي والقدرات والتحصيلي

يعني اللي دخلوا الجامعه جابوا درجات عالية بالثانوي والقدرات والتحصيلي

وجاء وقت السنة المصيرية ع قولتك

بس المفروض يعني انهم يدرسونا سنة تحضيرية لقسم مخصصصص

مو كل المواد العامة ندرسها تحضيري

وشكرا لك

[هديل ال]

والله من جد كلامك ايش دي السنه وربي تهد الحيل


طيب ع الاقل يخلوها عربي لو فيها تحديد مستوي والتخصص الي ابغاه
السنوات الي قبلنا كانو عربي ونجحو واستمر واتخرجو وحضرو ماجستير مو زينا احنا وربي نكبونا


الله يستر بس ويعديها على خير

[TCHECO]

مايعيب السنة التحظيرية هو الظغط النفسي فقط فقط ..
اما كدراسة تافهة جدا ..ومايشعر بكلامي الا اللي تخصص ..
انا ضيعت افضل سنة ممكن اجيب اكبر معدل..

[I Me2 I]

المشاركة الأصلية كتبت بواسطة د. هدّولا غير كدا تدخل تخصصك بمجهودك مافي لا واسطة ولا يا امي ارحميني .. كلنا داخلين سوا وكلنا بنفس المستوى ... -اثبت نفسك بالسنة التحضيرية لان اللي مو قادر عليها معليش في التخصص ماراح يقدر يستحمل ... بالتوفيق لك

احب اعلق على ذي النقطه ، من سابع المستحيلات ، مايكون في واسطة في دخول التخصص
والله الي عنده فيتامين قوي راح يدخل اي كلية يبغاها ، ان شاء الله لو معدله 2 .
الواسطة منشتره في الجامعه .

[طموحها طب]

التحضيررري ااكبر ظلم بحقناا ..

طيب نقوول لا يلغووها ببس كان بعد ماتم قبوولنا بالجحيم هادي ادوونا كوورس انقلش بالصيفيه

قبل ماتبدا الدراسة ... نتعلم شوووي ونتهياا نفسياااا ...


والله حتى لو درجاتك حلووه باالتحضيرري بيبقى عشت كاابوووس مستحيل تنساه

ماااقووول غيرر الله يعدي هالسنة ع خيرر والله ييسرر امووورنا

[ميثان حلقي]

السلام عليكم

الا يقول التحضيرية غير مهمة ......... يعني لو كان في بالك طب او هندسة ( عشانها معيار النجاح عندكم فقط ) على بالك راح تمشي فيها سهالة ؟؟؟

حبيبي انا متخصص علوم و ترا لسع الا اشوفه دلع لكن والله التحضيري رحمة على الي اشوفه الآن

و ان شاء الله تبغى الا يتخرجوا من الثانوية بنسبة 99 من اهلية يحشون لك الطب و الهندسة و تجلس تحت رحمة التحويل

و احلى شي في التحضيري انها تسوي تصفية شاملة للفشلة الا خرجوا من الثانوية بدون اي علم في راسهم

زي ما قال واحد هنا السنة ذي عيبها الوحيد الضغط النفسي بس الا هي دلع لا متناهي ( بغض النظر عن ساعات الانجليزي )

ياخي انت لو قلت كل دكتور يحط الاسئلة شعبه كان ممكن اتقبل وجهة نظرك في الاعتراض اما تقول لي تلغى مرة وحدة ....... لما تتخصص راح تعرف ان كلامك هذا ناتج عن ضغط نفسي بس

و للعلم بس ان اغلب جامعات العالم فيها تحضيري يعني جات على عبد العزيز

ميثان حلقي