موادي للفصل الجاي باذن الله

[Bayan A7med]

السلام عليكم ورحمة الله وبركاته
اولا اتمنى انو يكونو جميع الطلاب والطالبات ناجحين لهذا الفصل باذن الله << اسوأ فصل عدا عليا

المهم السمستر الجاي محتاره في المواد اللي اخدها وابغا اخد رايكم بحسب خبرتكم اتمنى تفيدوني .. متحمسه من دحين ابغا اذاكر
علما بأن حذفت مواد كتير ومضطره ازود ترم وفي نفس الوقت ابغا اخلص وافتك
باذن الله راح اخد 6 مواد 18 ساعه واذا بامكاني ازود راح ازود ان شاءالله 21 ساعه

هما سؤالين
السؤال الاول دي المواد اللي حابه انزلها ابغا رايكم فيها وتقييمها ( سهله _صعبه _ متوسط _ يبغالها وقت ... الخ )
1- ادارة الخدمات الصحية
2- مبادئ الاقتصاد الكلي
3- ثقافة اسلامية 4
4- ادارة الخدمة المدنية
5- سياسة عامة وصناعة قرار
6- المحاسبة الحكومية منظمات غ ربح
7- اساليب وطرق العمل <<< هذا اذا ابغا ازود

..........................
السؤال الثاني وابغا جواب أكيد لانو احترت اصدق مين ولا مين
هل في ترم صيفي لطالبات الانتساب ؟؟؟!!!
كل شويا احد بيقول في وناس بتقول مافي ....

...............

واكون شاكره لكم من اعماااااق قلبي وتمنياتي لكم بالتوفييق ياااااااااااااارب ومايضيع لكم تعب باذن الله

[ا/مها]

المشاركة الأصلية كتبت بواسطة bayan a7med السلام عليكم ورحمة الله وبركاته اولا اتمنى انو يكونو جميع الطلاب والطالبات ناجحين لهذا الفصل باذن الله << اسوأ فصل عدا عليا المهم السمستر الجاي محتاره في المواد اللي اخدها وابغا اخد رايكم بحسب خبرتكم اتمنى تفيدوني .. متحمسه من دحين ابغا اذاكر علما بأن حذفت مواد كتير ومضطره ازود ترم وفي نفس الوقت ابغا اخلص وافتك باذن الله راح اخد 6 مواد 18 ساعه واذا بامكاني ازود راح ازود ان شاءالله 21 ساعه حلو ماشاء الله انك تفكرين بالترم الجاي ربنا يوفقك هما سؤالين السؤال الاول دي المواد اللي حابه انزلها ابغا رايكم فيها وتقييمها ( سهله _صعبه _ متوسط _ يبغالها وقت ... الخ ) 1- ادارة الخدمات الصحية نزلتها هالترم وللان مادخلت اختبارها بس بالاطلاع السريع عليها تعتبر سهله للوسط 2- مبادئ الاقتصاد الكلي حلوه تحتاج مذاكره وحضور محاضرتها اخذتها مع دكتوره اسمها حاجه الامام رائعه جدا تشرح بوضوح وبامانه واسئلتها متوسطه 3- ثقافة اسلامية 4 ماده سهلله جدااا تكرار وماتحتاج الا قراءه سريعه بتركيز قبل الاختبار بيوم ابسط مواد الثقافه 4- ادارة الخدمة المدنية اخذتها الترم الماضي مع تركي العمودي كانت حلوه بس معلوماتها كثير وتعتبر وسط لصعبه تحتاج حفظ وتركيز 5- سياسة عامة وصناعة قرار مادة تقيمي لها وسط لـ سهله تحتاج كذلك حفظ وتركيز 6- المحاسبة الحكومية منظمات غ ربح لسه مانزلتها مأجلتها للترم الجاي ان شاء الله 7- اساليب وطرق العمل <<< هذا اذا ابغا ازود بخصوص زياده عدد الساعات تكون في ترم التخرج وحسب المعدل فقط اما الماده سهله واغلب معلوماتها مكرره من مواد ثانيه تحتاج حفظ وتركيز .......................... السؤال الثاني وابغا جواب أكيد لانو احترت اصدق مين ولا مين هل في ترم صيفي لطالبات الانتساب ؟؟؟!!! كل شويا احد بيقول في وناس بتقول مافي .... المعلومه اللي اعرفها ان ترم صيفي للبنات مافي .. ............... واكون شاكره لكم من اعماااااق قلبي وتمنياتي لكم بالتوفييق ياااااااااااااارب ومايضيع لكم تعب باذن الله

بالتوفيق عزيزتي وان شاء الله اكون قدمت لك شي مفيد ونصيحه اخيره تجولي بالمنتدى الملخصات والاسئله تفيدك واغلب الاسئله مكرره

[نموذجي]

السلام عليكم ورحمة الله
اولاً مادة ادارة الخدمات الصحية ما عندي اي خلفيه عنها .
ثانياً مادة الاقتصاد الكلي مادة متوسطة الصعوبة الى سهلة وخصوصا اذا كانت عند الدكتور اسعد جوهر
- ثقافة اسلامية 4
4- ادارة الخدمة المدنية
5- سياسة عامة وصناعة قرار مواد سهلة جداً بس لازم تراجعي من بدري مو قبل الاختبار بيوم
مادة المحاسبة الحكومية متوسطة الصعوبة. واخيراً مادةاساليب وطرق العمل مادة لذيذة وسهلة بس دكتوررر المادة معقد وهو السالم وبخصوص الترم الصيفي مواد التخصص مافية في مواد البرنامج العام فقط
وبتوفيق ان شاء الله

[فآآرس]

1- ادارة الخدمات الصحية مادة تميل للسهولة بس تحتاج وقت لأن معلومماتها كثيره
2- مبادئ الاقتصاد الكلي متوسطة السهولة وتعبتر اسهل من الاقتصاد الجزئي بكثثثير
3- ثقافة اسلامية 4 مادرستها بس في العموم مواد السلم مافيها تعقيد
4- ادارة الخدمة المدنية نفس الخدمات الصحيه مادة تحتاج وقت كافي للمذاكره
5- سياسة عامة وصناعة قرار مادة ممتعه وسهله
6- المحاسبة الحكومية منظمات غ ربح متوسطه السهوله وتعتبر برضوا اسهل من مبادئ المحاسبة
7- اساليب وطرق العمل <<< مادة سهله بس يبغالها وقت
بس اقصى حد تقدري تضيفيه 18 ساعة ماعدا ترم التخرج

للمعلومية اذا جدولك بيكون كذا من غير اساليب وطرق العمل مجموع ساعات الترم بيكون 17 لأن الثقافه الاسلاميه ساعتين
اما الترم الصيفي للبنات ماعندي خلفيه عنه

[MooKa]

1- ادارة الخدمات الصحية: المادة لسع ماأخذتها
2- مبادئ الاقتصاد الكلي: أنا ماأبي أخوفك لكن صعبة
3- ثقافة اسلامية 4: سهلة
4- ادارة الخدمة المدنية: سهلة
5- سياسة عامة وصناعة قرار: متوسطة
6- المحاسبة الحكومية منظمات غ ربح: ماأخذتها
7- اساليب وطرق العمل: سهلة