إداره وإقتصاد واللا تقنيه طبيه ..محتاره ..

[M!sS chocolate]

آآآآآآآآآآآآآه يانــــــــــــــاس شويه وأقطع شعري
محتـــــــاره على قولة أمي تقولي ماانتي عارفه فين خاتم سليمان
كل ماأحد يجيب سيرة التخصصات مدري اش يسير فيني
واللهي حسيت بشعور الوحده لمن تنخطب وتكون محتاره توافق واللا لا
من جد الشعور بالحيره شعور مخيــــــــــف
من زمااااااااااان وأنا أقول طب طب مالي الا الطب بعدين شوفت اخويا مبهدل فيه
وشويه جلست افكر في الموضوع وبطلت منه وشلته من راسي ..
قولت تقنيه طبيه وحبيت القسم وخصوصا المختبرات بما إني أحب المعامل
لكن دوبي أسمع شيء جديد طريقة تحليلهم للامراض حاجات بالشم يعرفوا المرض
وعاد انتوا وذكائكم اعرفوا وش يشموا أهل المختبرات ولا حد يقولي كذب
أخويا طب وهو اللي قالي عن دا الشيء ..
المهم ودحين وخلاص قرب التخصص طلعت حكاية الإداره والإقتصاد
أمي تقولي لالالالالالالالا تدخليه أبدا ماتستفيدي منه شيء في حياتك
واخويا يقولي يابنت الناس تدرسي هنا تخلصيه في 3 سنين وتكملي برا
سنتين وانتي جايبه الماجستير تجي هنا تتوظفي براتب أقل شيء
14000 ولد خالة أمي خلصها في سنتين ونص بمعدل 4 على طول جاته بعثه
لكندا ودحين هو هناك يدرس .. وقاللي يعرف واحد معاه في الطب في 4 سنه
سحب وراح للإداره والإقتصاد وكان تفكيره زي ماقولت لكم فوق خلصها بسرعه
وكمل برا ويجيه أحلى راتب ..وعندي ولد خالتي ام التسحيبات يدرس برا كان في ماليزيا
ودحين راح لأستراليا ويدرس هندسه .ودحين يبغى ينقل لإداره وإقتصاد ..
وغير كدا أنا كرهي الحفظ جداا سيئه في الحفظ والاقسام الطبيه كلها حفظ ..
انا إستخرت عشرومية مرره بس ماأحس بحاجه ..
وصلنا لنهاية الموضوع <<بدري
انتوا اش رأيكم بالكلام اللي كتبته فوق ..

[Glam G!RL]

والله لو حيرانه كدا

اختار تقنيه طبيه على طووول

[Joda Majed]

لآتخلي تفكيرك بآلوظيفه وآلرآتب وتكمله آلدرآسه برآ ،،

فكري آنتي آش آلتخصص آلي تلآقي نفسك فيه ،، آلتخصص الي تحسين انك تحبينه ورح تبدعين فيه

ممكن تدخلي اقتصاد واداره بس لانك ماتميلين له وتجيبين معدل منخفض لاسمح الله وماتتسهل لك البعثه

وقيدك خسرتي سنين دراستك كلها ، ويطير حلمك بالدراسه برا ويطيح الجبل الي كنتي عاملاه للوظيفه والراتب والدراسه برا

بحيث انك لو درستي تقنيه وانتي حابه الشي ذا رح تبدعين فيه وتجيبين معدل عالي لانه شي مرغوب عندك وتحبينه

وتقدرين تاخذين بعثه برا كمان وتجيبين ماستر ودكتوراه بعد اذا تبين ،،

آختآري آلتخصص آلي تميلين له لآن هو آلي رح تبعدين فيه مو شي ثآني =)

وآلله يوفقك ويسهلك آلصعب آن شآءلله ويختآر لك آلصآلح << حست نفسهآ في عجوزه هههههههآإ

وهذي وجه نظر خآصه ^^

وعذرآ ع آلآطآله

[روووني]

يا حلوه شتان مابين الاداره واقتصاد وتقنيه المختبرات

وبعدين اللي يحول من طب ولاهندسه لاداره هدا مع احترامي فااااااشل

ولمن تدخلي تقنيه تتوظفي على طول براتب حلو وتاخدي بدل سكن من الدوله وبدل السكن للدكاتره 50 الف بس مدري للتقنيه كم

لو تبغي راي الناس العاقله خشي تقنيه مو شرط مختبرات خشي اشعه مرره حلو

لكن اداره واقتصاد هدا لمن تورطي ومايكون عندك اقسام تانيه تدخليها او لمن يكون معدلك واطي

شوفي كم عدد خريجين الاداره والاقتصاد وشوفي عدد خريجين التقنيه

وكمان الاداره معروف متاح للجميع الادبي والعلمي والشاطر والفاشل بس التقنيه غير متاحه الا للعلمي وللشاطر فيعني لو

جبتي معدل ادخليه على طول من غير تفكير<<<نصيحه اخويه

والله يوفقك يارب

[~حـوريه~]

حبيبتي مادامك استخرتي ربي حيسرلك اللي فيه الخير
وانا ما اقدر احددلك اش لازم تدخلي لانك انتي عارفة
قدراتك وفين حتبدعين اكثر وتجيبي معدل
هو صح الاقتصاد والادارة متاح للجميع
لكن مو الكل متميز فيه او جاب معدل مرتفع او يقدر يتوظف بشهادته
لانه ممكن تدخلي تقنية بس ما تمشي فيه او تجيبي معدل
ولو دخلتي ادارة تبدعي وممكن العكس تبدعي في التقنية
وانا فهمت من كلامك انك تبغي تقنية
فادخلي اللي انتِ تبغية ..
يعني في الاول والاخير القرار قرارك
وبالتوفيق ياعسل

[M!sS chocolate]

خلاص قررت التقنيه الطبيه والرغبه اللي بعدها بحط إداره وإقتصاد
شاكره لكم آرائكم وردودكم ..

[روووني]

الله يوفقك يارب ودامها التقنيه رغبتك من اول فأن شاءالله ربي يوفقك مايخيبك