ساعدوني الله يجزاكم الجنه

[vrp]

السلام عليكم ورحمة الله وبركاتة اخواني اخواتي طلاب قسم الغة الانجليزية



ارجو منكم مساعدتي ونصحي بخصوص مادة مقدمة اللغويات حيث اني حامله لهذة المادة ومتورطه فيها
المادة طويلة جدا ولا ادري كيف مذاكرتها ومتشابهة في مواضيعها والاسئلة تكون دقيقة وتاتي من بين الاسطر

بانتظار نصائحكم الله يوفق الجميع

[دعدعيه]

أنتِ لستِ مجبورة تنزلي المادة للمعلومية, بإمكانك تأجلينها لبعدين حتى تتضح لك الصورة شوي
أما بخصوص المادة, فهي تعاريف في تعاريف وبكل بساطه أحفظي التعاريف وراح تجيبي الدرجة الكاملة في المادة
المادة تعتبر مفتاح للمواد اللغوية اللي هي
الصوتيات وعلم الأصوات والنحو والصرف وعلم الدلالة
فـ بالكتاب يمسك لك كل موضوع ويعطيك نبذه عنه وما يتعمق كثير..
بعض المواضيع تنفهم بسرعه وبعضها محتاجه وقت ومحتاج تقرينه ساعتين وتسكري الكتاب يوم كامل وترجعي تذاكرينه من جديد لأنه ما ينفهم من أول مره, والمخ يبغاله ياخذ وقت على بال ما يستوعب الهبل اللي موجود
لمعلوميتك المواد اللغوية تعتبر فرصة لرفع المعدل خاصة للناس اللي تفهم القواعد
.
أشوف إنك مدام عندك وقت تخصصي لكل موضوع يوم وإن شاء الله تضبط معك الأمور
.
شوفي هالموضوع لعل وعسى يفيدك مع العلم بإني ما اطلعت عليه بحكم إني ما أحب الملخصات
http://www.skaau.com/vb/showthread.p...74#post6307574

[white rose]

وعليكم السلام ورحمة الله وبركاته

حياك الله عزيزتي

وافادك اخوي دعدعية برابط طيب الله يجزاه خير وربي يعوضك فيها هالمرة بالنجاح بدرجة عالية ان شاء الله

المادة دسمة فعلا وفيها كلام كثير اطلعي على شرايح مس الاء راح ترتب لك افكارك لكل شابتر:

http://aaalmohammadi.kau.edu.sa/cont...g=AR&cid=16559

واستفيدي من هالموضوع ايضا :
روابط وشروحات مبسطة مساعده لفهم مقدمة في اللغويات lane321 --متجدد

وقت ما اخذتها كنت امسك شرايح مس الاء واقرائها بعدها امسك الكتاب لكل شابتر واقرائه واحفظ التعاريف ومثال لكل تعريف واذا كان فيه تعداد او مقارنة كمان احفظهم وطبقتها على كل الكتاب وتحتاج منك قراءة متعمقة وفهم وبإذن الله تعديها على خير..



الله يوفقك :-)

[المحزوون]

المادة هذي بالتحديد تحتاج الى البدأ فيها قبل الاختبار بشهر اقل شي ..

الماده ليست صعبة ولكن تكمن المشكله في طول منهجها وتشتت معلوماتها لانها تدرس جميع المواد اللغوية كل على حده .. فيجب التأهب الذهني الكامل لها ..

موفقه اختي ..

[vrp]

دعدعيه
white rose
المحزون

كل الشكر حبايبي والله يجزاكم كل خير وبانتظار باقي المبدعين