كيف أسلوب د.منال

[IS_girl]

السلام عليكم ورحمة الله وبركاته

انا بأخذ مادة شبكات وقواعد بيانات مع د. منال

فحابه اسأل عنها؟؟

كيف اسألتها, هل تعتمد على الكتاب ولا الشرح

واذا كان على الشرح..هل بتجيب النقاط الاساسيه الي قالتها في المحاضرة ولا كيف بالزبط

وكمان كيف تصحيحها؟؟ تراعي في التصحيح؟؟

هل اختباراتها سهلة..وكيف طريقتها..تعتمد على المقالي اكثر؟؟

ياريت اي شي يفيدنا عنها تقولوا لنا

شكرا

[سارة الغامدي]

وعليكم السلام ورحمة الله وبركاته

انا اخذت مع دكتورة منال مادة قواعد بيانات
هذه المادة انا اعتبرها السهل الممتنع
الجزيئة الاولى تعتمد على الحفظ التام وهذا يكون في الاختبار الاول حيث يكون عبارة عن نعريفات وتعداد ورسم يعني لازم تكوني حافظة صم لان الدكتورة تصحيها دقيق
اما الجزيئة الثانية تعتمد على الفهم في المحاضرة يعني لازم تفهمي مع الدكتورة في المحضرة وتكتبي معاها كل الملاحظات اللي هي تقولها لانها ممكن تقول شي مثلا لو صار كذا شو يصير؟؟ وبعدين تجيبه في الاختبار
يعني الاختبار الثاني يجي كله فهم ومافي حفظ ابدا
والنهائي تحذف جزيئة الحفظ وتخلي من الاختبار الثاني ومن بعده

اما طريقة المذاكرة
في الاختبار الاول ذاكري اول شي المحاضرات وبعدين ترجعي للكتاب(مهم في الاختبار الاول) كمان تلاقي عند البنات ملازم ملخص فيها الاجزاء الحفظ وتجيب منها
في الاختبار الثاني كمان ظذاكري اول شي المحاضرات ولازم تتدربي على امثلة كثيرة وكمان فيه نماذج (انا عندي لو تبغيها)
بس المادة مرة سهلة وحلوة بس اهم شي تفهمي مع الدكتورة
اتمنى انه افدتك

[red flower]

انا اخذت معاها قواعد بيانات


دكتوره منال ممتازه في الشرح
بس مشكلتها في التصحيح جدا دقيقه
يعني ممكن تكوني حليتي كويس ومتوقعه درجه عاليه .. تتفاجأي انك ناقصه اكثر مما اتوقعتي
ماابغى اخوفك .. بس كوني دقيقه في الحل ولاتكتبي لها اي كلام
واذا كان في جزء نظري لا تكتبيه بفهمك .. اكتبيه بالنص زي مااخذتوه
لأنها في الاجزاء النظريه تحب كذا

اما في اجزاء الفهم طبعا عادي كل وحده تحل بطريقتها


اهم شي افهمي معاها كل شي في المحاضره
وضروري لو مافهمتي تسأليها ..
لأن الماده فهم بالدرجه الاولى


زي ماقالت سارة .. في البدايه في جزء نظري صغير تختبروا فيه دوري اول وخلاص تنسوه ..
حتى مايدخل في الفاينل

فـ الفهم في هذه الماده هو الاساس
مرررره لازم تفهمي
اساسا الماده مهمه حتى في المستقبل



بالنسبه لموضوع الكتاب
احنا كتابنا ماكان عاجبها فـ ماكنا نذاكر منه ولانفتحه
المذاكره بس من محاضرتها
والاسئله كمان ماتخرج عن افكار المحاضرات لأنها اساسا فهم

بس سمعت ان الترم هذا الكتاب اتغير .. فـ مااعرف كيف حتكون معاكم




طبعا كل كلامي كان عن مادة قواعد بيانات
بس مااعرف شي عن شبكات



لكن لاتخافي
د.منال رائعه بكل معنى الكلمه
يكفي امانتها وحرصها في الشرح



كمان نسيت اقول نقطه مرره مهمه سمعتها من كثير بنات قبل مااخذ الماده
وطلعت فعلا صحيحه

ترى د.منال مررره نظاميه
يعني لاتفكري تدخلي المحاضره بعدها
وكمان لو سمعت صوت جوال ياويلكم

[IS_girl]

مره شكرا بنات الله يسعدكم

بالنسبه للاخت ساره لو عندك النماذج, كيف اقدر احصل عليها منك

وجزاكم الله خير

[mind glance]

زي ما قالو لك الاخوات
انا معاهم
وما اعرف كيف اسلوبها في الشبكات

لكن عموماً النقطة المهمة مهما كانت المادة
الدكتورة مستحيل تقريبا تخلي احد يدخل بعدها
واللي يرن جوالها في المحاضرة حتطلع برة...او الدكتورة تسيب المحاضرة وتطلع
واكيد قالت لكم هذا الكلام في اول محاضرة


وفي قسم الملخصات هنا في المنتدى حتلاقي موضوع فيه التعاريف اللي لازم تحفظيها في الدوري الاول
احفظيها كلها...حتى لو حسيتي انه في شي ما ركزت عليه في المحاضرة

[سارة الغامدي]

اهلين
راح تلاقي النماذج في جزيئة الملخصات

[IS_girl]

شكرا..جزاكم الله خير

بانسبه للتعاريف خلاص حملتها

بس بالنسبه للنماذج..هي نماذج ايش؟؟بصراحة مالقيتها!!

وشكرا والله يوفقكم