ياذوق ياطالبات إداره سكن مكن استشاره؟؟

[ملاك بطبعها]

ياحلويين أنا أخذت هذا الترم واللي قبله مواد على اساس أمشي ع الخطه لكن أحس أنو هالترم أنضغطت اكتر من اللي راح (يمكن عشان هدا الترم بديت أخد مواد تخصص واللي راح اغلبه مواد عامه ....)
فبلييز ابى نصيحه وتوجيه من اللي مستوى __
أش المواد اللي أنزلها ؟وعادي انزل  مواد؟

[Asawer]

خليكي ماشية ع الخطة تمام و تابعي مرشدتك لأنها هيا اللي عارفة جدولك و معدلك ..
لأن كثيير بناات أجلو بعض المواد و جالسة لهم ع التخرج ..
خليكي تاتا .. تاتا ، عشان إن شاء الله على ترم التخرج تكوني خففتي كتير
بس هدا مو معناتو انك تضغطي نفسك .. لكل مستوى مواد لا تتعديها عشان لا تتأخري
يعني زي البنات اللي ما أخدو لسة علاقات أسرية و هما المفروض المستوى السادس
دحين بياخدوها و لسة المستوى الخامس :(
ادعي ربنا ييسر لك أمورك و لا تتبحبحي ف الجدول مرة و لا تضغطي نفسك

و الله يوفقك

[بطووووطه]

^
^

اختي Asawer
طيب قولي لنا المواد المناسبة مع بعض .. يعني كأمثلة
لأنه انا من جد صارتلي زي (ملاك بطبعها )
كان الترم اللي فات حلو و طبيعي و ماشي و مبسوطه فيه ..
و داالترم بالرغم انه موادي حلوه و مفيده .. لكن مررررااااا ضغط مع بعض ..
خصوصا انه كل استاذاتي ماشاء الله ماقصروا في الطلبات و التكاليف ..
اقترحي لنا مواد مناسبة للمستوى الخامس <.<
اظن انه (ملاك بطبعها) نفس مستوايا .. و اظن اني أعرفها :P

و جزاكم الله الخير .. مقدما :)
.
.