لي اخذ هذه المواد يتفضل cpis210&bus233&bus232&cpcs204&cpcs222

[فيفوووو]

مع اسماء الشنقيطي cpis210
bus232 يقول مع د/طارق
bus233 يقول مع د/غادة
cpcs204 مع زينب السيد عبد محمود
cpcs222مع سهى
أيش رايكم

[نانو بيبي]

سهى جدا سيئة ما ابغى احطمك بس تعطي درجات احيانا
لكن اذا فهمتي من الكتاب ما تحتاجينها

[المحسوني]

الله يعينكـ على الدكتور طارق خزندار انا اخذت الماده عنده والله يجيب المرض...,,,

الله يوفقكـ

[بطيخه حمرا]

المشاركة الأصلية كتبت بواسطة فيفوووو مع اسماء الشنقيطي cpis210 bus232 يقول مع د/طارق bus233 يقول مع د/غادة cpcs204 مع زينب السيد عبد محمود cpcs222مع سهى أيش رايكم

شوفي ياستي الجدول حقك ماشي حالو مره
أنا اخدت مع استاذه اسما الترم إلي راح
اسألتها يا سهله مررررررررررره يا مرررره ماتتحل لكن برضو ماشي حالها الماده يبغالها حفظ شويه وفهم كمان شويتين والله يسهلك طبعا
وأما البزنس والله ماني عارفه إش استفدت من دي الماده أنا كنت أذاكرها من أوراق اخدتها من بنات السنه إلي قبلي ونزلت أسئله من الموقع حق الكتاب وكانت الإختبارات الأربعه والله كللللللها من الورق يعني يمديكي تجيبي الميه لو حفظتي اسأله الورق بإذن الله وأتصفحتي الكتاب كمراجعه وربك يسهل إن شاء الله
إذا تحبي أعطيكي الورق إلي عندي حق bus232 أنا ماراح أحتاجه إن شاء الله

ومادة bus233 لسه إن شاء الله الترم دا

و 204 بصراحه حلوه والله وسهله إذا فاهمه الجافا ابدا إن شاء الله ماتتعبي فيها مره سهله برضو عندي السلايد حقها على يو إس بي إذا تحبي برضو أعطيكي ياها هيا وواجبات الاب محلوله هوا إلي شوية يطفش اللاب شغلو كتير

و222 أكرهها دي الماده من كل قلبي لأني أخدتها مع سهى والحمدالله بظروف نفسيه سيئه والحمدالله على الدرجه فما ابغى احبطك أعرف كتير ماشاء الله مشيت معاهم
هيا زي الإحصاء تقريبا فيها تباديل وتوافيق وزي كده وسهى مهي سيئه لديك الدرجه يعني تعرف توصل المعلومه وأسألتها مباشره ماتلف وتدور كلها من الكتاب مافي شي سلايد ابببببدا
وإذا تبغي برضو واجبات اللاب حقتها أعطيكي ياها على اليو إس بي محفوظه عندي

وإن شاء الله إني أفدتك

[فيفوووو]

شكرا على ردكم بس يابطيخة حمرا كيف اخذ الوراق والواجبات والسلايدات مكن تقدري تحملة وجراكي الله خير

[@فراشة الربيع@]

الله يسعدك يابطيخة حمرا
ياريت نقدر نأخذها منك
والله مرررررررة خوفوني من سها الله يستر
بس حابة أستشيرك في جدولي
تراكيب بيانات - تراكيب متقطعة - مبادئ تسويق - تنظيم وبنيان حاسب - عربي
حلو ولا !
الله يسعدك دنيا وأخرة يابطيخة

[فيفوووو]

شكرا لكم

[Arwa A]

مع اسماء الشنقيطي cpis210 bus232 يقول مع د/طارق bus233 يقول مع د/غادة cpcs204 مع زينب السيد عبد محمود cpcs222مع سهى

كلهم زي العسل..
أسماء الشنقيطي أروع إنسانة في العلم والأخلاق بجد..
د. طارق تحففففة ومرة يراعي
د. غادة مرررررة طيبة واسئلتها سهلة.. وحتى في الشرح تعطيكي الكلمتين اللي تجي في الاختبار
د. زينب يمدحوا شرحها (ما اخدت عندها).. لكن اتوقع انها التوب عندنا في الكلية بالنسبة لمواد البرمجة
أما سهى.. ما اقول الا الله يعييييييينك ><