بعثة لطالبات الانجليزي

[Maha.m.ali]

السلام عليكم جميعا...

اليوم قريت عند السيكرتارية انه فيه بعثة لطالبات الانجليزي

ممكن اعرف ايش شروطها والطلابات؟!

ياليت تردو

[حنين الود]

1- لازم تكوني مستوى رابع
2- لازم ماتكوني رسبتي في أي مادة واخدتي فيها f
3-موافقة ولي الأمر ..

على فكرة هيا فين البعثة يعني يرسلوا البنات فين ؟ الي تعرف تجآوب

[Maha.m.ali]

متأكد من المستوى؟!

[حنين الود]

يس متآكده
تقدري تتطمني من السكرتاريه عشان ترتاحي (حاسه بشعورك )

[بلا وطن]

انا سألت عن بعثة الفرنسي عادي أي مستوى !
واتوقع نفس الحال معكم
قدمي اوراقك على كل الاحوال

[حنين الود]

وي من جد يعني أي مستوى ؟؟ من قال دا الكلام فين سألتي ؟؟

[Maha.m.ali]

ياترى احد يعرف متى اخر يوم لتسليم الطلبات؟!

[بلا وطن]

ايوا متأكدة من الدكتور الغامدي
بس أكرر أنا سألت عن بعثة الفرنسي وماعرف عن الانجلش
وآخر موعد للتسليم بكرا , والاوراق يبغالها تعب ان شاء الله تقدروا تخلصوها في يوم

[Rona]

ايوااا لأي مستوى الشرط الوحيد انو مافي f وموافقة ولي الامر طبعا

بنااااات مين تعرف عن تكااليف السكن احنا ندفعها ولا على الجاامعه ؟؟
انا قرأت في الشروط انو اول شهر الطالب يتحمل مصاريف الاقامة الين ماتنصرف المكافآة طيب والسكن بس اول شهر ولا طول مدة الابتعاث ؟؟؟

[Maha.m.ali]

طيب ممكن اذا احد معاها نسخة من الفورم اللي مفروض نعبيها ممكن تحطيها لينا عن طريق السكانر؟!

راح اكون ممنونه ليكم

ابغاها ضروري لأنه كل اوراقي جاهزة ماعدا الورقة دي