ياليت تساعدوني برايكم عن وول ستريت تفضلو ربي يحقق كل احلامكم يااااااااااااااااااااارب

[nooni]

جربت وول ستريت ما استمريت فيه ما كملت فترة الدورة إلي دفعتها
بما انك خريجة ماتحتاجيه كثير الأفضل تتعلمي المحادثة من الوظائف أو
من من مواقع التعليمية الأون لاين معاهد تتعلمي اللغة من الأجانب أفضل
موفقه

[مساعد طيار]

انا جربت وول ستريت نظام التعليم عنده على الكمبيوتر تسمعي محادثات وتحلي تمارين و اخر الاسبوع تقعدي مع المدرب يقيمك طبعا شافك ممتازة في القسم اللي خلصتيه يعديكي على القسم الثاني طبعا ترجعي على كمبيوتر وتقعدي تسمعي محادثات و تحلي تمارين
بإختصار أنا ما أنصحك فيه أبداً لأنه بالضبط كأنك اشتريتي برنامج تعليم الانجليزية من جرير و حطيتي البرنامج على الكمبيوتر و مرة في الاسبوع يجيكي واحد يقيمك ويعطيكي pass للمستوى التالي
اختي الكريمة انا انصحك و بقوة بمعهد برليتز افضل بكثيررررررر لانه يعتمد على محاضرات لمدربين و ليس على الكمبيوتر

[queen angel]

بحاول افصل لك عشان تفهمي طريقة الدراسه فيه اكثر ,,

أول شي لازم تشوفي نفسك انتي بأي طريقه تمشي ,, يعني مثلا

وول ستريت تعتمدي فيه ع نفسك كثييير ومافي احد يجري وراكي يعني لازم تتابعي كل شي بنفسك ,,

ثاني شي الدراسه فيه مو زي ماتعودنا كلاس وتيتشر تشرح لك ,,

اول شي تحضري ف معمل (Lap) اللاب وتجلسي ع جهاز الكمبيوتر ,, طبعا يكون معاكي فلوبي تدخليه

ف الجهاز وهوا يكمل لك من محل ماوقفتي المرا اللي قبلها ,,

فائدة الفلوبي يسجل كم ساعه جلستي ف اللاب وقد ايش اخذتي ويكمل محل ماتوقفي من غير ماتدوري وتتعبي نفسك

وكلو يبان عندهم ويعرفو كل شي يعني مافي لعب هههههه

يعرض لك محادثات وبعدين تكرري كل جمله تسمعيها ويسجل صوتك وطبعا لازم يكون نطقك صح عشان

تمشي للجمله اللي بعدها ,, وتقدري تتجاوزي لو غلطتي بكيفك وبكذا تكملي كل الوحده ,,

الكتاب الواحد فيه 4 وحدات ,, وكل ماوصلتي الوحده الثالثه تروحي تحجزي كلاس للمقابله , وتحجزي من بداية

الاسبوع كلاسين للمحادثه ,, وف المستويات المتقدمه عندهم كل اربعاء طلعه مع المعهد مثلا مطعم

عشان يخلوهم يتكلمو انقلش ويطلبو كل شي بنفسهم ,, هذي برضو تحجزيها ,,

المقابله عباره عن كلاس فيه 4 طالبات كحد اقصى مع التيشتر ,, تكوني مذاكره الوحده كامله مع حل التمارين

تصحح لك التيتشر وتختبرك ف الوحده وتشرح أي شي مافهمتيه وومكن كمان تشرح لك قبل ماتختبرك كل القرامر

الموجود ف الوحده ,, بعدها تقولك ي تكملي الوحده اللي بعدها او تعيدي نفس الوحده لو ماحليتي كويس ,,

كلاس المحادثه فيه 8 طالبات كحد اقصى مع التيشتر برضو,, حلو تجلس تتكلم معاكم وتناقشكم بالانجليزي

طبعا تجيب ف كل كلاس موضوع للنقاش ,, ولازم الكل يشارك

وبعد 4 اسابيع لو كنتي ماشيه اوك يجي دور الاختبار ف الكتاب كامل ف اللاب اللي ع الكمبيوتر

وبعدها برضو اختبار ف كلاس المقابله برضو ,,ولازم تعدي ف كلاس المقابله عشان تنتقلي للمستوى اللي بعدو ,,

لازم تحضري كلاسات المقابله والا تحجزي من جديد وكذا تتأخري ويمكن تحتاجي اسابيع زياده وتدفعي زياده

وكلام كثير ,, بس الكتاب الواحد محدد له شهرين وانتي وشطارتك ي تخلصيه ف شهر وتاخذي المستوى اللي بعدو

او تخلصيه ف شهرين ,, سمعت انو النظام تغير بس حتى لو تغير ما تغير كثير ,,

انا استفدت كثير منو بصراحه مع اني كنت شويا لعابه لكن انتي ذاكري ولاتهملي وصدقيني غصب تستفيدي

من عيوب المعهد انو غالي ,, استخيري وسجلي فيه و ربنا يوفقك ,,

[ababba]

انا انصحك بالانجلش تاون معهد عالمي افتراضي عن طريق النت اسعاره رخيصه وفيه تنوع وتدرج بس تحتاجين اتصال انترنت جيد فقط

[السنيورة25]

شكرااااااا وانتظر المجربين

[RSSD]

السلام عليكم

من خلال تجربة عدد من المعاهد ومن ضمنهم وول ستريت
لن تستفيدي والله أعلم من المعهد لأنك ترغبين المحادثة بشكل مكثف

أفضل معهد يركز على المحادثة هو معهد بيرلتز لكن للأسف لا يوجد لديهم
فرع بالمدينة المنورة..
موقع المعهد

" نصيحة: لا تهدري المال والوقت بالدراسة في المعاهد إذا كنت ترغبين التركيزعلى المحادثة.. بالتوفيق "

[السنيورة25]

طيب انت درست بوول ستريت وما استفدت ولا فقط سمعت

[RSSD]

المشاركة الأصلية كتبت بواسطة rssd من خلال تجربة عدد من المعاهد ومن ضمنهم وول ستريت

طبعاً بالتأكيد درست بالمعهد ولا شلون أجاوبك من فراغ..
ودخلت المعهد لتعلم الإنجليزي من جميع النواحي وليس التركيز على المحادثة فقط
استفدت استفادة بسيطة مقارنة بالمعاهد الثانية السبب في ذلك بالنسبة لي هو نظام المعهد في التعليم والله أعلم..

" على فكرة بعد دراستي بمعاهد مختلفة وجدت نفسي مثلك تماماً أموري كلها تمام ما عدا المحادثة
ليست كما ينبغي، سافرت إلى الخارج لدراسة الإنجليزي وكنت مركز على المحادثة ورجعت وأموري
في الإنجليزي على ما يرام.. "

( ملاحظة: لا أتذكر إن كان هذا في معهد وول ستريت أم معهد آخر، ممكن يعطونك فرصة ثلاث
أيام لتجربة المعهد، فإذا كانت متاحة فأنصحك بالتجربة أولاً لتستطيعي بعدها أن تتخذي القرار.. )

أأسف على الإطالة ..
بالتوفيق..

[السنيورة25]

شكراااا وانتظر المجربييييين