اسئلة بخصوص السكن

[بروفيسـور]

اول شي كل عام وانتوا بخير وتقبل الله صيامكم وقيامكم
ثاني شي لدي شويه اسئله عن السكن
اول شي انا انقبلت في السكن الجامعي ومكتوب بمنتداهم لابد من المراجعه يوم 12/10
يوم السبت هم يداومون 6/10 عادي لو جيت قبل ال12/10 وقدمت اوراقي كامله ولا لا
واذا قدمت اوراقي متى استلم السكن لاني باخذ ميزانيه محدده وبحسب لها

[عبدالعزيز وهاس]

حياك الله اخوي

السكن اولا 1500ريال _1000ايجار الغرفه+500 تامين تدفع لمره واحده

الافضل تروح بموعدك اللي تم تحديده من قبل ادارة الاسكان لانهم حاليا في مرحله تجهيز كاونتر استقبال لجميع الطلاب المقبولين بالسكن

واي استفسار راسلني على الخاص تحياتي لك

[فتى تثليث]

راجعهم اول يوم بدري حتى لو كان معطينك موعد..لا تسوي مثلي العام كانوا معطيني موعد يوم الثلاثاء طبعا قلت رح اجيهم الاثنين وجيتهم واعطيتهم اوراقي واستلموها قالوا لي رح لادارة السكن و شف غرفتك جيتهم تصدق وش قالوا لي:ما فيه غرف لا فردي ولا مزدوج وهذا وانا جايهم قبل موعدي..صدقني تعال بدري وخلص وضعك وامش معهم بالهدوء لانك رح تحصل موظفين اقسم بالله نفسه في خشمه..ونصيحه لوجه الله لا توقع اقرار استلام الغرفة الا والمقتاح بيدك لا تسوي مثلي وقعت وصار ما فيه مفتاح ويقولوا غير مفتاح الباب من فلوسك..حتي لو قال الموظف ان فيه مفتاح لا تصدقه الا والمفتاح بيدك..