فضلا .. يرجى منكم إعلامي ( من وين اخذ بطاقة الطالب )

[Ab_a_di]

السلام عليكم ورحمة الله وبركاته

اهلاً وسهلاً ومرحباً بكم :)

وكل عام وآنتم بخير وتقبل الله منكم صالح الآعمال

لاهنتم الله يباركـ فيكم الحين قدمت على التعليم عن بعد ودفعت الرسوم وجاتني رسالة القبول لله الحمد

والحين دخلت على الموقع واخذت رقم الإرسالة

السؤال / من وين استلم البطاقة الجامعية من اي فرع للـ dhl هل من نفس الفرع الي ارسلت فيه

الي هو في التحلية ولا اروح اي فرع ثاني قريب من البيت وخلاص ؟؟

ومتى اروح استلمها مع العلم اني دفعت الرسوم قبل امس وامس جاتني الرسالة


واعتذر منكم على الإطالة وشاكر لكم مقدماً باركـ الله فيكم

وربي يوفقكم ويوفق الجميع بإذن الله

في رعاية وحفظ الرحمن

[THE END 23]

تروح للفرع الي ارسلت منه الاوراق

بس الاوراق الي طبعتها من النت كم عددها 4 اوراق ؟

قصدي النموذج الي ارسلتها وقت التقديم

[Ab_a_di]

يعطيك العافية يالغلا والله مشوار اطلع للتحلية مع الزحمة


المهم ايوا 4 اوراق وحده حقت تعهد بصحة البيانات ووحده تعهد الدخان ووحدة فيها بياناتك ووحده حقت الدي اتش ال

[THE END 23]

الله يعينك بس ع الدراسه

والله مالي خلق لهم درست سنه تعليم عن بعد

وكنت بسجل انتساب بس قفل يمكن خيره


))))))))

وكمان لازم تسرع وتآخذها من عندهم لان يمكن يضيعوها او يعطوها شخص ثاني

صارت معاي جلست شهر اطارد وراهم لحد ماخذتها

[فديتها(امي)]

الاوراق ناقصة مو4 5 باقي تعهد احضار اصل الثانوية والبطاقة من نفس الفرع اللي ارسلت منه وقبل لاتروحون دقوا عليهم تأكدوا وصلت اولا انا اخذت البطاقة اليوم الحمدلله

[الصحافي]

فديتها امي مساك الله با الخير على البركه استلام البطاقه اخوي انا ارسلو لي قبل عشره ايام ورحت يمهم قالو ما وصلت انت كم جلست بعد الرساله ووصلت

[Ab_a_di]

شباب لاهنتم بعد تسديد الرسوم جتني رسالة بالقبول على الجوال ولاكن ماجتني رسالة برقم الارسالية على الجوال ودخلت على الموقع حصلت الخانة الي مكتوب فيها إرسال البطاقة للدي اتش ال عليها علامة صح

والحين اخذت الرقم من الموقع حق الجامعة ( رقم الإرسال )

وعطيت الرقم للموظف وقاللي ان هالرقم حق الاوراق الي انا ارسلتها الي استلمتها الجامعة

وفي رقم ثاني راح يجيني برسالة على الجوال هو حق الإستلام

الحين مرت اكثر من اسبوعين مدري ويش السالفة ؟؟ وهل كلام الموظف صحيح ان رقم الإرسال الي في الموقع مو حق الإستلام ؟؟؟

ومتى تبدأ الدراسة لاهنتم ؟؟


وشكراً لكم مقدماً ..