Careers for CS Graduates _ this wed‏

[أرنوسية]

[mind glance]

ما شاء الله عليك سبقتيني
لا تكوني انت اللي عملتي الاعلان؟


بنات ضروري انتبهوا المحاضرة بكرة الاربعاء
واللي عندها كلاس تحاول تكلم استاذتها
واذا ما مشي الحال تكلم البنات المسؤولات عن التنظيم ممكن يكلمولها الاستاذة

[أرنوسية]

لا ما حزرت يا mind glance
مو أنا اللي عملت الإعلان

أنا انتظرتك تنزليه ولما شوفتك اتأخرتي نزلتو فمعليش سامحيني
لإن المحاضرة مرررررررة مهمة لنا نحن بنات الحاسب
فحبيت يشوفه أكبر قدر ممكن من البنات

يلا نشوفك بكرة إن شاء الله

[mind glance]

بالعكس تمام عليك عملتي كويس
لأني فعلا اتأخرت

المحاضرة مهمة...وان شاء الله تكون حلوة وعلى قد التوقعات

[mind glance]

المحاضرة كانت رائعة
قد التوقعات...وامكن اكثر شوية
هو هذا اللي نحتاجه برأيي
والحضور ماشاء الله كان اكثر من التوقعات

كان في تأخير شوية..واعتذر للجميع نيابة عن فرع الطالبات التابع لـ ieee
هذه ضريبة انه يجينا احد من برة الجامعة يعطينا شي مفيد

الأنسة اللي قدمت المحاضرة نسينا نقول انها من خريجات جامعة الملك عبدالعزيز
طبعا على ايامها كان علوم الحاسبات يادوب قسم صغير ضايع في كلية العلوم
اتكلمت عن كل النقاط اللي موجودة في الاعلان حبة حبة
واعتقد اعطتها حقها
وحاولت قد ما تقدر انه تخلي البنات مرتاحين وانه يكون حوار مفتوح بينها وبينهم
وفتحت باب الاسئلة بعد ما خلصت

ان شاء الله احاول اكتب تفاصيل اكثر اذا كان عندي وقت.. بس سامحوني اذا ما قدرت
ويا بنات اللي حضرت ياريت تقول رأيها وكل شي يجي على بالها
وان شاء الله الاسبوع الجاي نعرض بعض هذه الاشياء على شاشات البلازما او كلها
بحيث اللي ما حضرت المحاضرة تأخذ الفايدة كمان

باختصار ممكن اقول
اول شي الدراسة في جامعتنا كويسة وممتازة (كمناهج وليس طريقة) وما تفرق عن باقي الجامعات..الا في مستوى انجليزيتنا
تاني شي لازم نطور انجليزيتنا الى مستوى اتقان الكتابة والتحدث بطلاقة
لازم نتعلم كيف نكتب السيرة الذاتية بطريقة صح بالعربي والانجلش...وممكن نأخذ دورة في هذا الموضوع


الله يوفقنا جميعا في التخرج وبعد التخرج وفي الحياة العملية
وان شاء الله تتوفر لنا هذه الفرص الطيبة دائماً

[مسلمه ويكفيني فخرا]

مشرفتـــنا الراااائعه...
ياريت تكتبي لنا...عن الاشياء الي قالتها في المحااضره..
لأن الاسئله بجد تحمممممس
واكون شاكره لك ياعسل...

[أرنوسية]

أنا للأسف ما قدرت أحضر
لكن مريت على القاعة ولاقيتها مررررررررة زحمة
كان الإقبال كبير ما شاء الله
والبنات خرجوا مبسوطين مررررة من المحاضرة

أتمنى من البنات يدخلوا ويكتبوا أكثر النقاط اللي عجبتهم في المحاضرة

[السوسن البهي]

حتى انا للاسف ماقدرت احضر

ياليت تفيدونا وتكتبوا اهم النقاط






وشكرا

[مسلمه ويكفيني فخرا]

السلام علــيكم...بنات cs
... على الاقل
كل وحده تقول اش استفادة....
عشان نفيد ونستفــيد

وبــالوفيق يـــــــــــــــــارب للجــيمع