بحث التخرج مع طاهر فصل ثالث للي تعرف ضروري

[عماد العقباوي]

يا بنات بناسبة خطة مناقشة بحث ايش المهم مثال نقبال فرض الصفري او نرفض انتم كيف سوتو وايش كتبتوا مين ساعدكم ساعدوني

[ام نيزار]

راح تكتبي يهدف هذ البحث الى التعرف على علاقة مثلا قلق الامتحان والدافعيه للانجاز لطالبات الثانويه ادبي وعلمي
وللتحقق من هذا الهدف قامت الباحثه باختيار عينه عشوائيه (30) طالبه
وتهدف ايضا للتعرف على الفروق وتكتبي كيف سويتييها
وايش استخدمت الباحثه من اساليب وتكتبي الاساليب الاحصائيه اللي سويناها بالاكسل
بعدين تروحي للفروض تكتبي لقدو توصلت هذه الدراسه وتكتبي هل احصائيتك دلت على انو فيه علاقه بين المتغيرين او مافي هل فيه فروق بي المتغير اللي سويتيه او مافيه بتنسيق طبعا وبس
انا سويت كدا والحمدالله قالتلي تماما
وامس سلمت بحثي ماشاءالله وقبلتو الحمدالله

[عماد العقباوي]

زي ايش الاساليب يعني مقاييس

[ام نيزار]

لا وي مو المقاييس الاساليب الاحصائيه المتوسط الانحراف التباين واختبار بيرسون للعلاقه و"ت" للفروق

[جنا الورد]

ام نيزار

قلتيلهها انا جاية اسلم البحث.??
لما سلمتي اشلون مناقشتها وشنو ركزت علي اي فصل في المناقشة..?

[ام نيزار]

والله هيا شافت الفصل الثاني والثالث بعد ما قالتلي اعدل عليه كم شي هيا اهم حاجه عندها الفصلين هدي
الاول تقول ما تشوفو
قمت ضبطتو ونسقتو وديتلها هوا شافت الفصل التاني والتالت بسرعه لاني قيد معدلتهم زي ما تبغى وبعدها قعدت تقول كم شي عالفصل الاول كان عندي دراسه من الدراسات السابقه قديمه علقت عليها
وكمان ما تبغى تسيبي نص صفحه فاضي
المراجع تبغى كيف لمن تكتبي التعريف في الاطار النظري تكتبي في المراجع التعريف الفلاني من كتاب كذا للمؤلف الفلاني وتبغى مراجع كتير
لمن تحطي تعريف لواحد من العلماء لقلق الامتحان مثلا راح تكتبي اسم العالم وجنبو التاريخ