استفسار عن تخصص اللغة الانجليزية

[Roba A]

السلام عليكم و رحمة الله و بركاته
مبارك عليكم الشهر الفضيل
أتمنى تكونو بصحة و سلامة و سعادة

المهم أدخل عالموضوع :

أنا طالبة الحمدلله انقبلت تحضيري اداري انساني في السليمانية
حكايتي من أول إن كنت أبى علمي أصلا
بس لأن شهادتي من منطقة المدينة قما قدرت ادخل مسار علمي
علما ان نسبتي الموزونة 90.61 الحمدلله
المهم
استخرت و استخرت و استخرت
و الحمدلله خلاص اقتنعت و رضيت إني أكمل خلاص اداري انساني
و التخصص انجليزي <<< بما إن اللغة صايرة مرررة مفيدة دي الأيام و كدا يعني

فبس حابة اسأل كيف الدراسة ؟! المواد ؟!
إيش الصعوبات اللي واجهتوها ؟
و ايش ممكن اشتغل بعد الدراسة بإذن الله ؟! ( غير التدريس مرة شايلته من بالي )

لو فيه أحد اتخرج يطمني كدا حبتين
أكون شاكرة له

بس ابى شي يطمني و ما يخليني ازعل على اني ما قدرت ادخل علمي
طبعا غير ان دا المكتوب و ان كل شي من ربنا حلو بإذن الله و دامني استخرت الحمدلله

و بس سؤال أخير
من تخصصات الاداري الانساني ايش المطلوب في سوق العمل ؟!

و بس
سامحوني لو طولت
أتمنى تردو على استفساراتي و تدوني وجه يعني

يعطيكم ألف عافية مقدما و
يجزاكم الله خير

Roba