كيف حالكم حبايبي اش رايكم في هذولا الدكاتره

[الباسل3003]

ياخي اذا انت فشلت مع الدكتور مو معناه انه هو الفاشل و انصحك تتأكد مين اللي فشل فيكم
سويتو لنا فلم رعب ,, لما نزلت مادة عنده حسيت اني راح اعاني معاناة مابعدها كانها حرب مو مادة
بغض النظر عن تجربتك معاه اللي حصل طوال الترم الماضي :
- دكتور محترم و اخلاق عاليه ماظهر منه اي خطأ .
- ملتزم بوقته و محاضراته و لما اضطر يغيب اعطانا خبر بعكس غيره يسحب عليك ولا فكر فيك.
- اهم ماعنده انك تتعلم و تفهم , يشرح بإسهاب و يحاول يطوّر اعتماد الطلاب على انفسهم .
- اختباراته معقوله لا اقول انها سهلة جداً ولا صعبة , اللي ذاكر ينجح .

نقطة واحدة اتعبتنا ولا اقول انها سلبية وهي ( الواجبات ) كل اسبوع يعطينا 3 او 4 صفحات من تمارين الكتاب و يقول صوروها وحلّو التمارين و سلموها لي المحاضرة القادمة .

بالنسبة لتشديده على الوقت انا سمعت انه السنة الماضية كان مشدد جداً على الوقت و كثير ما واجهت بعض طلابه تأخروا اقل من 5 دقائق و ما قبل يدخلهم لكن الترم الماضي كان يعطينا الى حد 5 دقائق و احياناً تصل قرابة 10 دقائق ويتسامح , يمكن الادمي كان شديد لكنه اختلف كليّاً و عن نفسي لو القى عنده مادة ثانية ماراح افوتها ان شاء الله .