حرام عليكم ياشؤون جامعة الملك عبد العزيز

[نوف-]

بسم الله الرحمن الرحيم

في البداية حبيت أن أقول أن جامعه الملك عبد العزيز من الجامعات الرائعه خاصة ان بها الكثير من الناس الرائعين ذوي الأخلاق الحسنه في جميع قطاعاتها .
وجامعه رائعة لوجود العميدة صاحبة الخلق العالي الحسن ....
لكن في كما هو موجود ناس جيدين هناك ناس غير جديرين بمناصبهم وموجود منهم في جامعتنا جامعة الملك عبد العزيز ناس ما يشتغلوا بالمستوى المطلوب ناس ما همها إلا التبلي على بنات الناس بدون سبب , و لو كان هناك سبب بسيط جدا إلا ولازم يحرفوا عليه ويزيدوه بالكذب فقط من اجل أن تكتب الطالبة محضر ويعمل لها مجلس تأديبي وإجبارها على كتابة تعهد وإحضار ولي الأمر وعلى ولا شي , ولو حاولت الطالبة الدفاع عن نفسها تلفق عليها التهم , ويجبروها على احضار ولي امرها , واذا لم يأتي يقوموا بالاجراءات التالية : سحب البطاقه الجامعيه , اغلاق صفحة الجامعه الخاصة بالطالبة , حرمان الطالبه من المكافأه او حرمانها الترم بأكمله ,و تهزيء الشؤون لها بسبب او بدون لكونها موضع شبهه , وممكن في النهايه تكون البنت بريئه او ممسوكه على لبسها البنطلون او على أي سبب تافه من هذه الاسباب .
كيف يقولو جامعتنا عالميه واحنا حتى التطور الفكري المفتوح ما عندنا .وبصراحه احنا طالبات جامعه الملك عبد العزيز حاولنا ان نعطي موظفات الشؤون اعذار لهم لكن دون جدوى لدرجة أننا بدأنا نشك أن موظفة الشؤون تستلم مبلغ مالي على كل طالبة تمسكها أو مبلغ على كل جوال تمسكه .وقبل ما نبدأ في ذم موظفات الشؤون السيئات نحب نشكر جميع موظفات الشؤون ذوات الاخلاق الحسنه امثال سماهر عرب و عبير العمري وصباح العشماوي و...... , وعقبال مايصيرو كلهم .ولكن هناك مشرفات في شؤون الطالبات الاتي لا يهمهن سوى التبلي على الطالبات امثال :
عبير علي الجهني سميره قطـــــان نور محمد علي الجهني وفاء ابراهيم الحبشي
ازدهار ابو صفيه هؤلاء المذكورة أسمائهم وظيفتهم التبلي على الطالبات ومايشوفو احد جالس الا وياتون اليه ويحققون معه س و ج على ولا شي, وبعدها يذهبو بالطالبه الى سميره قطان وحده التوجيه التربوي , ويا حرام راحت الطالبة وطي لان ((ما اخس من قديد الا عسفان )), طبعا سميره ما راح تكذِب موظفاتها وتحاول جاهده اثبات اللي اتبلو فيه على البنت من دون مراعاة أي مشاعر لهذه البنت *بنت الناس الطالبه الجامعيه *
وما تحاول تقتنع ان ممكن يكون كلامها صح لو 1% * في النهايه وفي الواقع تطلع قصه مخترعه ومبهره جيدا*بس كما ذكرت سميره قطان في صف موظفاتها دائما وابدا و(لا) لكلمة الطالبات وتغضب عند تكذيب موظفاتها.كلام قيل عن عبير الجهني :
انتو يا بنات جده بنات صايعات وانا والله ما ارح ازوج اخوي لوحده منكم وخاصه بنات جامعة الملك عبد العزيز ((مدري هي من فين لكن حسستني ان جامعه الملك عبد العزيز بتخرج بنات فاسقات ))
وانا اوريكم وامسح في وجهكم الارض وانظف الجامعه منكم $ ليش من حضرتك يا عبير وشايفه نفسك على ايش اصلا حرام فيك وظيفة شؤون وانت لا مستوى تعليمي و لا اخلاق ولا حتى مظهر لبسك جيد .(والله ما عرفنا لكم مشينا في السليم اتمسكنا ولو مشينا في الغلط اتمسكنا )اش اكثر من ان جلسنا في الجامعه اتمسكنا خرجنا مع صحباتنا اتمسكنااحتــرنا معـــــاكم يا شــــــــــؤون ياشؤون الطالبات احترمو نفسكم بنات الناس مو لعبه عشان تجلسوا تتكلمو عليهم وعلى سمعتهم *اش يعني قاصة شعرها ولا لبسها على الموضه بس محترم اش صار لو لابسه تيشيرت واسع ومحترم اش يعني لو لابسه تنورة ميدي وساتره اش صار لو لبسنا بنطلون وبلوزة ساتره وعليهم العبايه ما اعتقد إن هذه أشياء تسمح لكم تتكلموا في البنت وسمعتها , لكن لو مسكتوها في موقف شاذ او خارجه مع حبيب ممكن تتكلموا او بتأذي احد من اللي حولها بأي طريقه , لكن حتى في شرع الله ما يجوز والله يقول استروا ليس افضحوا الناس و أتكلموا فيهم .احترموا المكان اللي تشتغلوا فيه وقدروا إنكم تشتغلوا في صرح جامعي فيه من كل الثقافات والاختلافات ولازم تعرفوا انكم ما راح تقدروا تِمَشوا تفكيركم المحدود علينا إحنا بنات جده إذا فيكم مولود بمكان تفكيره محدود إحنا مننا مولود في أوروبا وأمريكا واليابان .صحيح أن النظام نظام بس لو قررتم يتطبق لازم يتطبق على الكل من البروفيسور لطالبة السنة التحضيرية .كيف ودكم نتقدم ونتحضر وانتم ما عندكم أسلوب تعامل معانا إحنا مهما رحنا وجينا بــــــــــــــنــــــــــــــــــــات نــــــــــــــــــــاس مو جاين نعاند فيكم ولا نتكلم عليكم احنا جايين ندرس . واذا لعبنا وانبسطنا مع بعض وسوينا حفلات هذا حقنا اننا نرفه عن نفسنا , بما ان جامعتنا مافيها وسائل ترفيه ولا شي .يا ناس احنا ناس مسلمين والرسول صلى الله عليه وسلم قال الدين المعامله اش راح يصير لو جيتي وكلمتي الطالبه بينك وبينها بكل ادب وذوق اش كنتي راح تخسري , على بالك لو جيتي وصرختي في الطالبه وسط صحباتها والناس اللي حوالينها سمعوك ان الطالبه راح تخاف منك لا والله غير انها تستحقرك وتعتبرك انسانه منحطه ماعندك اسلوب غير اسلوب الناس الهمجيه اللي هو خدوهم بالصوت وراح تعاند عشان تقهرك او تسمع كلامك عشان لا تصغر عقلها وتوصل لمستواك.وسميره قطان تقول وظيفتنا امانه , امانه على مين , من يصدق ان في ناس للحين عندهم امانه تامه .
اذا عبير الجهني انا اشهد عليها انها كذبت مرتين وشهدت زور امام عيني <والله على اللي اقوله شهيد >>.تجيك موظفة الشؤون جوالك كاميرا ممنوع يلا هاتي البطاقه و الجوال و اكتبي تعهد , وبعد دقيقه بالضبط تلاقيها مطلعه جوالها كاميرتين مو وحده يا بتتمشى فيه يا تكلم احد .طيب احنا مو بنات ناس زينا زيهم نخاف على نفسنا ومثل ان احنا مو مضمونين حتى انتم يا الشؤون مو مضمونين . اصلكم كنتم بنات ((وصاحب الطبع مايترك طبعه )) يعني لو فيك اسلوب وساخه وتصوير بنات عمرك ما راح تتركي هذا الطبع سواء كنتي طالبه او شؤون.وياليت الامانه تتطبق على الكل لا والله , الامانه تتطبق على الطالبات اللي حاطينهم الشؤون في راسهم لو بس شكلها ما عجبها ولا اخت البنت ضايقتها *اش دخًل البنت في اختها ما اعرف * او أي شي ثاني .
انا كنت اشوف بنات يتمسكوا والله على ولا شي وبنات كانت الوحده تجلس فحضن صحبتها امام الشؤون ولا يتمسكوا ..>>>> من جد نفسي اعرف اش معنى ؟؟؟ونفسي اعرف باي حق استاذة هناء جمجوم اللي مالها شهرين ماسكه الشؤون تمنع طالبات الجامعه من الدخول للجامعه والمشكله العظمى انه من دون سبب وجيه اطلاقا.حيث انها منعت طالبه من المعهد من الدخول وعندما ذهبت اليها موظفه من اهل الطالبه لتستفسر تطلب منها هناء جمجوم عدم التدخل , وان القرار نهائي لان الطالبه لم تبدأ الدراسه في المعهد ولم تسدد الرسوم بعد على الرغم من ان كلامها غير صحيح لان الطالبه اكملت السنه في المعهد وبدأت محاضراتها معهم وسددت الرسوم كامله .كما انها قامت بمنع طالبه في معهد العالمية من الدخو بالطريقه التاليه :في صباح يوم الاثنين جاءت الطالبه للجامعه لحضور محاضرات المعهد وتفاجأ عند الدخول بأن الامن الذين يقفون عند البوابه يطلبون بطاقتها وحدث التالي :
الامن : لحظه ياطالبه انتي في العالميه .الطالبه بكل براءة : ايوا .
الامن : طب اشوف بطاقتك .الطالبه : اعطت الامن البطاقه.
الامن : معليش ياطالبه انتي ممنوعه من الدخول للجامعه .الطالبة : خير اش في ؟
الامن : ما عندنا فكره ! انتي مسويه شي غلط .
الطالبة متعجبة !! : لا و الله ابدا , طيب كيف , ابي اكلم أي احد , لازم ادخل اعرف أش صاير مو معقول يطردوني , ليش اش عملت , انا طالبه ما علي أي تعهد و لا خرجت مع شاب و أتمسكت ,و لا دخنت ولا حششت ولا سويت مصيبه تمنع من دخولي للجامعة . وطالبه مداومه في المعهد وغبت يومي السبت والاحد لظروف طارئة وأداوم الاثنين على خبر طردي من الجامعه , خير في أي قانون هذا يصير !!!!
الامن : هذا احنا ما علينا الا التنفيذ , و ما نعرف القرار من مين . وقالوا انك لازم تغيري الفرع وتروحي تدرسي في فرع ثاني .
الطالبه : لــــــــــــــــــــــــــــــيش ؟؟؟؟ وبأي حق انا دوبي متخرجه من الجامعه ولي سنة ادرس في المعهد وعندي شهاده حسن سيرة وسلوك وعندي شهادات دورات في الاكسس والاكسل وشهادات في دورات اجتماعيه وكنت من طالبات لجنة التوعيه الاسلاميه مع الدكتورة ريم الطويرقي واشارك في الحفلات و النظام .وفجأه من دووون أي سابق انذار انطرد , هذه هي المعامله اللي تعاملو بها الطالبه المتخرجه اللي مالها يومين مستلمه وثيقتها ولسه حتى حفلة تخرجها ما صارت فـــــــــــــــــين العدل ياناس هذه آخرت اللي يدرس في هذه الجامعه , بصراحة أنا عمري ما سمعت بأن هذا الكلام صار في أي جامعة في العالم وخاصة انه من دون سبب .ليش أنا اش عملت ؟؟؟؟؟؟؟؟
ليش انا من باقي البنات , اش السبب , وظلت الطالبة تتسأل دون ان تجد من يجيب اسئلتها الحائره.......لكن قررنا انا وصديقاتي الاعتراض على هذا الاسلوب وارجاع الحق لها , ولن نسكت حتى يرجع حقها وسوف تنشر يوميات جامعه الملك عبد العزيز في موقع وزارة التعليم العالي اسبوعيا . ولن نصمد حتى يعود الحق لأصحابه و يتعدل تعامل الشؤون مع الطالبات .