اكرههاااااااااا ايش اسوي :(

[tOoOoOtah]

يابنات بليز قولوا لي ايش اسوي

مادة نصوص نفسية اكرهها وابغى انزلها

ابغى اعرف كيف كانت السميستر اللي راح وطريقة الاسئلة والتأشير


تكفووووون هالمادة مجننتني كل سميستر اقول ماراح اخذها


مع العلم اني في الانقلش عدم مااحفظ




وربي ببكي

بلييييييز قولوا ايش اعمل

[صمت مسموع]

ومن سممممممممممممممممممممممممممممممممعك الله يستر انا ذا الترم معايا

[عطرمنثور]

تعالو اقولكم قصتي مع دي الماده

انا اكرهها اكتر منكم يمكن

لكن وربي نزلتها السمستر اللي راح وخايفه ادخل الاختبار وتاجل مع المطر

وقلت الحمدلله بعدين جا الاختبار البديل فقررت اذاكر

طبعا الاستاذه هبه وقت الدورة حددت معانا كلمات نحفظها وكانت الاسئله مقاليه مو موضوعيه

بعد مانزل القرار وصارت الاسئله موضوعيه

صارت الماده سهله على اي احد

المهم بالمختصر


خدووووووووووووو الماده وربي اسهل منها مافي

حتى الاسئله كلها اختاري

وبجبلك زي ايش

مثلا كلمه العدوان وتجيب تحتها 3 كلمات بالانجليزي وانت تختاري اي وحده منهم

والعكس تجبلك كلمه انجليزيه و3 كلمات عربي تحتها وانت تختاري

حتى القطع اللي معاكم ماتجيب قطعه

مثلا تجيب سطر بالعربي

وتحطلك خيارين وانت تختاري اي واحد فيهم

والعكس

فيه بنات طبعا يقولك انا مرة ماافهم انجليزي في القطع

اقري السطر اللي جابتو كامل الا ماحتلاقي كلمه والا كلمتين تعرفيها طابقيها مع اللي تحت

وتحلي وربي يابنات اني مااتوقعت اني احل كده

ربنا يوفقكم ودعواتكم ليا

[tOoOoOtah]

ياعمري الله يسعدك شجعتيني

بروح انزلها

[عطرمنثور]

بالتوفيق حبي

واي شي بساعدك

[tOoOoOtah]

يسعدك ربي ياأطعم بنوتة في الدنيا

[الشوق الجارح]

لا تقولين اكرهااااااااااا <<<<قولي لنفسك هع ..


المهم انا للحين بالمستوى 4

بس حبيت اقولك قصه سمعتها من استاذ ..

يقول مره اتصلت عليه بنت لها بالكليه 7 سنوات وكل سنه ماخذه نفس الماده تقول مستحيل اني انجح فيها ..
لانه طبعا تقول صعبه وما اقد ومستحيل وع ما اظن الماده انقلش عقدت الكل هع ..


المهم قالها الدكتور ..

اذا جيتي تذاكري كل ماتخلصي صفحه يقول تخيلي انها احلا ماده عندك وانك راح تعدينها باعلى الدرجات باذن الله ..

وكل ماخلصتي من صفحه تقولي ..
(لن اذاكركي حبا فيكي وانما لاتخلص منك ) بعد كل صفحه ..

بس حبيت اشجعك اكثر

عشان باخذها انشاءالله السنه الجايه مو الحين

[tOoOoOtah]

ههههه

فديتك تيب هع هع هع

سوف اتجاوزك ايتها المادة بدرجات عالية ^_^


ولاتزعلين هههههه فديتك انا

[فتافيت سكر]

والله يا توووته
انا مافي افششل مني بالانجليزي
وربي من يوم تخصصت علم نفس وانا مووووت خايفه منها
حتى يوم نزلتها مع استاذه هبه القشيشي تجيني كوابيس بالليل ما انام هع وربي
حتى يوم نزل المطر وتأجلت طرت من الفرحه

الاستاذه عسسل وربي والماده معاها تهبل

والحمدلله نجحت معاها a+
الاسئله كانت موضوعيه يعني اختاري

كلها ترجمه تجيكي الكلمه بالانجليزي تختاري معناها بالعربي

خذي مع هبه و صدقيني راح تدعين لي

اتوقع البنات اللي ردو عليكي قبلي
كفو ووفو
الله يجزاهم كل خير

الله يسسعدك ويبسطك

[بنت عسير]

باي شكل من الآشكال احنا كقسم علم نفس لازم نحاول نطور من قدراتنا في الإنجليزي وخاصه الي بعدين بتتخصص اكلينيكي
وبالتوفيق