InstagramTwitterSnapChat


 
وصف

العودة   منتديات سكاو > الكليات الجامعية > منتدى الكليات الطبية > منتدى كلية طب الأسنان
   
   


نبذة عن المواد والخطة الدراسة لـ سنة ثانية طب أسنان ,,

منتدى كلية طب الأسنان

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 29-08-2009, 07:09 AM
الصورة الرمزية Dr~NanoOok

Dr~NanoOok Dr~NanoOok غير متواجد حالياً

 
تاريخ التسجيل: May 2009
الكلية: كلية طب الاسنان
التخصص: Dentistry
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 1,171
افتراضي نبذة عن المواد والخطة الدراسة لـ سنة ثانية طب أسنان ,,


السلام عليكم ورحمة الله ,,



اهلا بدكاترة الأسنان واهلا بيكم في عالم طب الأسنان الجميل
باذن الله حتنبسطوا مره فمن جد طب الأسنان جدا ممتع -اذا حبيتوه من قلب-


وعارفة انكم قد ايش متحمسين لبداية الدراسة
وتدخلوا في جو الطب وكل شي
لاحقين باذن الله , والأيام الحلوة جايتكم ^^

هذه خطة السنة اللي فاتت وإن شاء الله خطتكم ما حتفرق كتير وحيضيفوا لكم مادة المصطلحات الطبية

حتندرسوا هذه السنة 5 مواد طب بشري + مادة تخصص حقت الأسنان

يعني ما حتحسوا انكم صرتوا أسنان من جد إلا لما تصيروا سنة ثالثة وتكون أغلب المواد حقتنا أسنانية



~



مادة التخصص هي


Dental Anatomy & Occlusion
تشريح الأسنان و اللإطباق

عليها ساعتين فقط من ضمنها العملي


النظري:

مره حلوة ومره سهله , حتدرسوا بالبداية مقدمة عن الأسنان وخصائصها و كمان عن الفك
بعدين حتدرسوا كل سنّة في الفم 32 عند البالغين و 28 عن الأطفال
من كل الجهات حقتها وايش المميز فيها

~


العملي:

جدا ممتع في الترم الأول حتمسكوا قوالب شمع wax
وحتعملوا منها مجسمات لأسنان وتخلوا كأنها حقيقية
مره مهم دا الشي يساعد على صقل مهاراتكم اليدوية و التعرف بالتفصيل على الأسنان اللي بتعملوها
وبالترم الثاني حتاخدوا مجسم للفكين كلها وحتكملوا كذا سنّة هم كاسرينها

المعامل مره ممتعة وتعلمك الصبر والدقة في العمل والتفاصيل



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~




Anatomy
التشريح

عليها 5 ساعات من ضمنها العملي


النظري:
بالبداية حتاخدوا جسم الانسان بصفة عامة وحتدرسوا أهم الحركات وأسمائها والعظام والعضلات
بعدين حتاخدوا كل جزئية لوحدها , وتاخدوا الشرايين والأوردة والأعصاب والعضلات ....الخ
يعني مثلا منطقة الصدر ومافيها من الرئتين و القلب والقصبة الهوائية


لكن على نهاية الترم الأول وبداية الترم الثاني
حتتعمقوا في الـ head & neck وحتاخدوا كل شي فيه
لأنه هذا اللي يهمنا أكثر شي في طب الأسنان وهو جدا مهم

بعدها حتاخدوا النيورو اناتومي وهو خاص بالاعصاب و الدماغ


~


العملي:

حتروحوا المشرحة وتشوفوا كل اللي درستوه في المحاضرات
جداااااا ممتع ويركز المعلومة وما تنسوها
حتى اختباراتها تكون مره حلوة



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~



Histology
علم الأنسجة
&
Embryology
علم الأجنة

المادتين اختبارهم مع بعض وساعاتهم كمان
وعليها ساعتين من ضمنها العملي

النظري:
مادتين سهلين يعتمدوا على الحفظ والربط
الامبريولوجي حلو يعرفك مراحل تطور الجنين وقتها من جد تتعجبي لدقة خلق الله تعالى

~


العملي:
الهيستولوجي يعتمد على الشرائح تحت المجهر ورسمها
و الامبريولوجي فقط الرسومات



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~


Physilogy
علم وظائف الأعضاء

عليها 4 ساعات من ضمنها العملي


النظري:

صراحة تعتبر هذه أجمل وأمتع مواد البشري
تعتمد على الفهم أكتر من الحفظ وتساعد عليه
تتكلم عن وظائف جسم الانسان وكيف تعمل كل واحدة بالتفصيل
حتاخدوا جهاز جهاز من أجهزة الجسم

~

العملي:

حلو وسهل وحتاخدوا فيه أشياء أساسية في الطب
زي قياس ضغط الدم و سماع دقات القلب بالسماعة وتحديد فصائل الدم
وتخطيط القلب و سرعة التنفس
جدا ممتعة


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~



Biochemistry
الكيمياء الحيوية السريرية

عليها 4 ساعات من ضمنها العملي


النظري:
مادة دسمة تتكلم عن كل المكونات بالجسم من حيث تركيبها
زي الكربوهيدرات و الدهون والبروتينات وتأثيرها على الجسم والوظائف الحيوية
هي تقريبا أصعب مواد سنة ثانية وكثيرين ما يحبوها
لكن شدوا حيلكم وحالوا تستمتعوا بيها

~

العملي:
تقريبا زي معمل الكيميا إلا اننا بعد كل تجربه لازم نقيس حاجة عن طريق جهاز ضوئي


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~



هذه هي مواد سنة ثانية , غير المواد العامة زي الثقافة الاسلامية والعربي ومهارات الاتصال
سهله باذن الله لكن تعتبر دسمة فلازم تشدوا حيلكم
مع ان الاغلبية يسموها سنة الفلة << بالنسبة لسنة ثالثة أسنان
لكن لا تستهينوا بيها واعملوا أحسن ما عندكم



وإن شاء الله اذا في أي شي تاني عندي راح أضيفه
وأي استفسار عن المواد , فأنا موجودة

=)

 


توقيع Dr~NanoOok  

 


التعديل الأخير تم بواسطة Dr~NanoOok ; 30-06-2011 الساعة 12:11 AM.
رد مع اقتباس

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 08:15 AM   #2

ريوودي

جامعي

 
تاريخ التسجيل: Jun 2009
نوع الدراسة: إنتظام
الجنس: ذكر
المشاركات: 65
افتراضي رد: نبذة عن المواد والخطة الدراسة لـ سنة ثانية طب أسنان ,,

مشكووورة اختي على الموضوع الجميل صراحة لان اغلب الطلاب عندهم رغبة التعرف على السنة هذي قبل بدايتها


عندي سؤالين ::

الاول :: كيف نظام الاختبارات في السنة هذي من ناحية العمل والنظري ؟

الثاني :: اغلب المواد من الطب البشري يعني ندرس مع طلاب البشري ولا نكون مستقلين عنهم ؟

اكرر شكري

 

ريوودي غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 08:45 PM   #3

Dr~NanoOok

الصورة الرمزية Dr~NanoOok

 
تاريخ التسجيل: May 2009
كلية: كلية طب الاسنان
التخصص: Dentistry
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 1,171
افتراضي رد: نبذة عن المواد والخطة الدراسة لـ سنة ثانية طب أسنان ,,

تعديــــل

مادتي الهيستو والامبريو
عليها 3 ساعات وليست ساعتين

حاولت أعدل الموضوع لكن للاسف خلص وقت التعديل

,,,,,

ومشكورين كل اللي ردوا بالموضوع
إن شاء الله تكونوا استفدتوا

وتقريبا مواد البشري اللي بناخدها هي نفسها بالتخصصات التانية
زي التقنية الطية والصيدلة والبشري
لكن كل قسم يزيد وينقص في المنهج على حسب خطته


المشاركة الأصلية كتبت بواسطة ريوودي مشاهدة المشاركة

عندي سؤالين ::

الاول :: كيف نظام الاختبارات في السنة هذي من ناحية العمل والنظري ؟


اكرر شكري
نظام الاختبارات
كل المواد حقتنا بناخذها على ترمين , وكل نهاية ترم عندنا اختبار للمادة
وفي نص الترم ليها اختبار نصفي
غير بعض الدكاترة اللي يعلموا كويزات من فترة للتانية
وأحيانا تكون من غير درجات , بس عشان الطلب يزاكروا ويسهل عليهم فهم المادة

وبعض المواد يكون الاختبار النهائي اللي بنهاية السنة يتضمن اللي درسناه السنة كلها وليس الترم الثاني فقط
زي الاناتومي و الدنتال اناتومي والهيستو و الامبريو

أما البقية فقط يدخل معانا اللي درسناه بالترم نفسه

بنظامنا الجديد , خلوا مادة الفسيولوجي كأنها تقييم مستمر
يعني مالها اختبار نصفي واحد فقط
بل كويزات عديدة , يعني كل نهاية كورس لازم نختبر فيه بعدين تتجمع درجات الكويزات وتنقسم على عددها


أما العملي فتختلف كل مادة عن التانية

الاناتومي
يجيبولنا جثث ويحطولنا دبوس على الجزء اللي يبغونا نتعرف عليه
يعني مثلا يجيبولنا "يد" ويبغونا نقول اسم العضلة أو الشريان
أو ممكن ما يكون بس تعرفي الاسماء , ممكن يكون شامل ويطلبوا منك ذكر وظائف الجزء هذا وايش هي تفرعاته وهذا يسموه بـ ospe

طريقة مزاكرته حلوة , ولو قدرتوا تصوروا المعامل بالصور والفيديو فمره حيفيدكم
يصير وقت الاختبار تتفرجوا على الفديوهات وتراجعوا على الجثث وخلاص
وهم على أول السنة حيفهموكم كيف تذاكروا ليها

الفيسيولوجي
مره سهل وفقط يجي تحريري , يعني تذاكروا الأشياء اللي اعطوكم هي خلال المعامل
وفقط , وغالبا يكون اختبار عملي واحد فقط ف آخر السنة

البيوكيمستري
اختباره برضه مره واحده بآخر السنة
حيعطوكم كم تجربة انتوا تعملوها وتطلعوا نتايجها وبس
وفي اختبار تحريري له برضو تذاكروه من المحاضرات حقت المعامل

الهيستو و الامبريو
يجيبولكم الشرائح وانتوا تتعرفوا عليها وتكتبوا اسمها ,وهم قبل الاختبار بفترة يعطوكم cd فيه كل الصور المطالبين بيها , يعني تحفظوها وخلاص

الدنتال اناتومي
عاد هذا أمتع لاب , أول ترم حيعطوكم قالب شمع و تنحتوه الين لما يصير كأنه سن حقيقي
والدرجة عليه من 5 فقط , وهم طول الترم حيعلموكم الطريقة وايش الادوات حقتها
أما بالترم الثاني حتشتغلوا على جهاز اسمه "ارتكليتور"
تحطوا جوته قالبين جبس لأسنان, وحتكملوا الأسنان الناقصة << هذا أمتع شي بجد
وما حتتخيلوا الموضوع مزبوط إلا لما تجربوه وتشوفوه بنفسكم


=)


الثاني :: اغلب المواد من الطب البشري يعني ندرس مع طلاب البشري ولا نكون مستقلين عنهم ؟
لا حنكون مستقلين عنهم << البشري لحالهم أكتر من 200 طالب ما يحتاجوا زيادة "^^

حندرس بقاعاتنا بكلية الأسنان
لكن المعامل حنروح عندهم , ما عدا معمل الأسنان موجود عندنا =)

 


التعديل الأخير تم بواسطة Dr~NanoOok ; 29-08-2009 الساعة 08:48 PM.
Dr~NanoOok غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 09:40 PM   #4

ريوودي

جامعي

 
تاريخ التسجيل: Jun 2009
نوع الدراسة: إنتظام
الجنس: ذكر
المشاركات: 65
افتراضي رد: نبذة عن المواد والخطة الدراسة لـ سنة ثانية طب أسنان ,,

المشاركة الأصلية كتبت بواسطة nanoook مشاهدة المشاركة
تعديــــل

مادتي الهيستو والامبريو
عليها 3 ساعات وليست ساعتين

حاولت أعدل الموضوع لكن للاسف خلص وقت التعديل

,,,,,

ومشكورين كل اللي ردوا بالموضوع
إن شاء الله تكونوا استفدتوا

وتقريبا مواد البشري اللي بناخدها هي نفسها بالتخصصات التانية
زي التقنية الطية والصيدلة والبشري
لكن كل قسم يزيد وينقص في المنهج على حسب خطته




نظام الاختبارات
كل المواد حقتنا بناخذها على ترمين , وكل نهاية ترم عندنا اختبار للمادة
وفي نص الترم ليها اختبار نصفي
غير بعض الدكاترة اللي يعلموا كويزات من فترة للتانية
وأحيانا تكون من غير درجات , بس عشان الطلب يزاكروا ويسهل عليهم فهم المادة

وبعض المواد يكون الاختبار النهائي اللي بنهاية السنة يتضمن اللي درسناه السنة كلها وليس الترم الثاني فقط
زي الاناتومي و الدنتال اناتومي والهيستو و الامبريو

أما البقية فقط يدخل معانا اللي درسناه بالترم نفسه

بنظامنا الجديد , خلوا مادة الفسيولوجي كأنها تقييم مستمر
يعني مالها اختبار نصفي واحد فقط
بل كويزات عديدة , يعني كل نهاية كورس لازم نختبر فيه بعدين تتجمع درجات الكويزات وتنقسم على عددها


أما العملي فتختلف كل مادة عن التانية

الاناتومي
يجيبولنا جثث ويحطولنا دبوس على الجزء اللي يبغونا نتعرف عليه
يعني مثلا يجيبولنا "يد" ويبغونا نقول اسم العضلة أو الشريان
أو ممكن ما يكون بس تعرفي الاسماء , ممكن يكون شامل ويطلبوا منك ذكر وظائف الجزء هذا وايش هي تفرعاته وهذا يسموه بـ ospe

طريقة مزاكرته حلوة , ولو قدرتوا تصوروا المعامل بالصور والفيديو فمره حيفيدكم
يصير وقت الاختبار تتفرجوا على الفديوهات وتراجعوا على الجثث وخلاص
وهم على أول السنة حيفهموكم كيف تذاكروا ليها

الفيسيولوجي
مره سهل وفقط يجي تحريري , يعني تذاكروا الأشياء اللي اعطوكم هي خلال المعامل
وفقط , وغالبا يكون اختبار عملي واحد فقط ف آخر السنة

البيوكيمستري
اختباره برضه مره واحده بآخر السنة
حيعطوكم كم تجربة انتوا تعملوها وتطلعوا نتايجها وبس
وفي اختبار تحريري له برضو تذاكروه من المحاضرات حقت المعامل

الهيستو و الامبريو
يجيبولكم الشرائح وانتوا تتعرفوا عليها وتكتبوا اسمها ,وهم قبل الاختبار بفترة يعطوكم cd فيه كل الصور المطالبين بيها , يعني تحفظوها وخلاص

الدنتال اناتومي
عاد هذا أمتع لاب , أول ترم حيعطوكم قالب شمع و تنحتوه الين لما يصير كأنه سن حقيقي
والدرجة عليه من 5 فقط , وهم طول الترم حيعلموكم الطريقة وايش الادوات حقتها
أما بالترم الثاني حتشتغلوا على جهاز اسمه "ارتكليتور"
تحطوا جوته قالبين جبس لأسنان, وحتكملوا الأسنان الناقصة << هذا أمتع شي بجد
وما حتتخيلوا الموضوع مزبوط إلا لما تجربوه وتشوفوه بنفسكم


=)




لا حنكون مستقلين عنهم << البشري لحالهم أكتر من 200 طالب ما يحتاجوا زيادة "^^

حندرس بقاعاتنا بكلية الأسنان
لكن المعامل حنروح عندهم , ما عدا معمل الأسنان موجود عندنا =)
كفيتي ووفيتي اختي والله يوفقك ويوفقنا

 

ريوودي غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 02:11 PM   #5

ultraviolet

جامعية تطمح للمستحيل

الصورة الرمزية ultraviolet

 
تاريخ التسجيل: Jan 2009
نوع الدراسة: إنتظام
المستوى: الخامس
الجنس: أنثى
المشاركات: 571
افتراضي رد: نبذة عن المواد والخطة الدراسة لـ سنة ثانية طب أسنان ,,

ماشالله عليكي كفيت و وفيت

ربي يسعدك
شكرا يعطيك العافية

 

توقيع ultraviolet  

 

"I'm looking for a member called " UNKNOWN

where are you
??????

 

ultraviolet غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 05:55 PM   #6

mzat kau

استغفرالله.. واتوب اليه

الصورة الرمزية mzat kau

 
تاريخ التسجيل: Mar 2009
التخصص: علاج طبيعي D:
نوع الدراسة: إنتظام
المستوى: الثالث
الجنس: أنثى
المشاركات: 1,494
افتراضي رد: نبذة عن المواد والخطة الدراسة لـ سنة ثانية طب أسنان ,,

موضوع روعه الله يديكي العافيه :)

 

توقيع mzat kau  

 

نقرتين لعرض الصورة في صفحة مستقلةنقرتين لعرض الصورة في صفحة مستقلة
allhm lk al7md 7ta tr9'a o lk al7md etha r9'et o lk al7md b3d alr9'a o lk al7md نقرتين لعرض الصورة في صفحة مستقلةنقرتين لعرض الصورة في صفحة مستقلة3la kol 7aaal
DR. MoOoLYنقرتين لعرض الصورة في صفحة مستقلة
[flash1=http://www.xdxbx.com/upswf/09-2009-files/7326f367f3.swf]WIDTH=500HEIGHT=250[/flash1]

سبحان الله وبحمده....... سبحان الله العظيم
لا اله الا انت سبحانك اني كنت من الظاالمين
نقرتين لعرض الصورة في صفحة مستقلة

 

mzat kau غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 08:25 PM   #7

سيلينا

دكتورة

الصورة الرمزية سيلينا

 
تاريخ التسجيل: Aug 2009
التخصص: طب أسنان
نوع الدراسة: إنتظام
المستوى: الخامس
الجنس: أنثى
المشاركات: 56
افتراضي رد: نبذة عن المواد والخطة الدراسة لـ سنة ثانية طب أسنان ,,

جزاك الله ألف خير
بس أبغى أسألك سؤال مهم جوال الكميرا ممنوع

 

سيلينا غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 08:50 PM   #8

Dr~NanoOok

الصورة الرمزية Dr~NanoOok

 
تاريخ التسجيل: May 2009
كلية: كلية طب الاسنان
التخصص: Dentistry
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 1,171
افتراضي رد: نبذة عن المواد والخطة الدراسة لـ سنة ثانية طب أسنان ,,

المشاركة الأصلية كتبت بواسطة سيلينا مشاهدة المشاركة
جزاك الله ألف خير
بس أبغى أسألك سؤال مهم جوال الكميرا ممنوع
وإياكِ آمين :)


الجوال بكاميرا ممنوع بكل الجامعة
لكن ما بيعلموا تفتيش عليه , لكن اذا شافتك واحده من الأمن أو من الشؤون الطلابية ففمكن تعطيكِ انذار أو تاخذه

احنا بنجيبه عادي لكن نحرص انهم ما يشوفوه
وبنستفيد منه في تصوير العينات في المعامل حقتنا

 

Dr~NanoOok غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 09:08 PM   #9

υикиσωи

الصورة الرمزية υикиσωи

 
تاريخ التسجيل: Dec 2008
نوع الدراسة: إنتظام
المستوى: التاسع
الجنس: أنثى
المشاركات: 4,596
افتراضي رد: نبذة عن المواد والخطة الدراسة لـ سنة ثانية طب أسنان ,,

يعطيكي الف عافية ...
ما شالله عليكي اديتينا المختصر المفيد ...

بسس عندي سؤال .. دحينا الأناتومي والهستولوجي و .. و ..الخ ..
حناخدها بتوسع زي البشري ..و لا احنا ناخد قشورها بسس ...!.!.!..؟ << لاني احس عدد ساعاتها قلييييييلة بالنسبة لكميتها ..!

 

توقيع υикиσωи  

 


After black clouds, clear weather
~


 

υикиσωи غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-08-2009, 09:15 PM   #10

Dr~NanoOok

الصورة الرمزية Dr~NanoOok

 
تاريخ التسجيل: May 2009
كلية: كلية طب الاسنان
التخصص: Dentistry
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 1,171
افتراضي رد: نبذة عن المواد والخطة الدراسة لـ سنة ثانية طب أسنان ,,

شكرا على الرد والدعوة الحلوة


المشاركة الأصلية كتبت بواسطة υикиσωи مشاهدة المشاركة

بسس عندي سؤال .. دحينا الأناتومي والهستولوجي و .. و ..الخ ..
حناخدها بتوسع زي البشري ..و لا احنا ناخد قشورها بسس ...!.!.!..؟ << لاني احس عدد ساعاتها قلييييييلة بالنسبة لكميتها ..!
الاناتومي 5 ساعات قليل! "^^
هادي تنزل المعدل وممكن تخسفه خسف

احنا الأسنان تقريبا منهجنا هذه السنة زي منهج البشري سنة ثانية
اللهم كذا حاجة هم متعمقين فيها أكتر مننا
يعني عندك في الاناتومي.. ناخذ الكتاب الأول زيهم بالضبط
أما الكتاب الثاني فاحنا حناخد جزء منه
لكن بما اننا أسنان حنركز على جزء الرأس والرقبة بشكل جدا كبير
وثقل المادة هو دا الجزء
أما البشري ما ياخدوا الجزء دا بالتعمق حقنا

غير اننا بناخد الاناتومي على سنة واحده فقط
أما البشري بياخدوه على سنتين

لكن في الهيستو و الامبريو
احنا بناخدها على ترمين , والبشري بياخدوا نفس المنهج بالضبط لكن في ترم واحد فقط

 


التعديل الأخير تم بواسطة Dr~NanoOok ; 29-08-2009 الساعة 09:18 PM.
Dr~NanoOok غير متواجد حالياً   رد مع اقتباس
 

إضافة رد

الكلمات الدلالية (Tags)
kau

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 11:36 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023