جميع مايخص بعثة الملك عبدالله الابتعاث الخارجي

[دلال مغاوي]

الفيزا ماتطلع الا لما يعطونا قبول المعهد والضمان المالي بس ماادري في اي اجراءات دحين نسويها ولا نستنى الى ان يدونا القبول
ليل انتي في امريكا أنا في كنده بس لسه برضو زيكم مااعرف الولايه

[east flower]

سلام ياحلوات

أبغى أغير من طب لطب أسنان اش الإجراءات وكمان الدولة؟؟؟؟؟؟

أفيدوني......

[bullet4myvalentine]

القبولات راح يكون على دفعات ان شاء الله
قرأتها من منتدى الابتعاث
دفعات يروحوا على فبراير ودفعات يروحوا مارس ودفعات ابريل الخ
لانو الملتقى راح يبدأ احتمال على نص صفر
الله أعلم ويوفق الجميع في الخير

[bullet4myvalentine]

المشاركة الأصلية كتبت بواسطة east flower سلام ياحلوات أبغى أغير من طب لطب أسنان اش الإجراءات وكمان الدولة؟؟؟؟؟؟ أفيدوني......

وعليكم السلام

إجراء تغيير التخصص والدوله


1.عليك رفع خطاب موجه لسعادة مدير عام برنامج خادم الحرمين الشريفين للإبتعاث الخارجي .

2. ذكر أسباب كتابتك للخطاب مع إضافة بعض المرفقات
3. يجب تدوين البيانات الشخصية التالية أسفل الخطاب :
أ‌-الاسم
ب‌-رقم السجل المدني
ت‌-رقم الطلب
ث‌-رقم الجوال
ج‌-البريد الإلكتروني
علماً بأن رقم معاملتك وتاريخها سيصلك خلال( 48 ) ساعة من تدوين الخطاب على بريدك الالكتروني وعلى ضوء ذلك يمكنك الاستعلام عن معاملتك ( بالرقم المعطى والتاريخ ) بعد أسبوع أو أكثر عن طريق هاتف الوزارة :
2107533 تحويلة ( 120 ) .
أو عن طريق البريد الإلكتروني :
aalyousif@mohe.gov.sa


*نرجو إرسال الخطاب كملف مرفق على البريد التالي :SEETAH@mohe.gov.sa

[دلال مغاوي]

مشكووووووووورة وماقصرتي الله يعطيك العافية يارب

[east flower]

مشكوووووورة الله يعطيكِ العافية

[uhood]

السلام عليكم
كيفكم كلكم
انا مرررة محتارة بالنسبة للفيزا لان اللي عرفتوا انو احنا نطلعها
وهذا يعني انو لازم احنا نعمل حجز في السفارة
لانو زي ماتعرفوا السفارة الامريكية ما تلاقوا مواعيد بدري
يعني انا اشوف انو المفروض احنا نحجز من دحين على شهر صفر وبعدين ازا ماجات القبولات واتأخرت عندنا احقية انو نغير الموعد 3 مرات
ايييييش رأيكم ايش حتعملوا؟؟؟

[bullet4myvalentine]

المشاركة الأصلية كتبت بواسطة uhood السلام عليكم كيفكم كلكم انا مرررة محتارة بالنسبة للفيزا لان اللي عرفتوا انو احنا نطلعها وهذا يعني انو لازم احنا نعمل حجز في السفارة لانو زي ماتعرفوا السفارة الامريكية ما تلاقوا مواعيد بدري يعني انا اشوف انو المفروض احنا نحجز من دحين على شهر صفر وبعدين ازا ماجات القبولات واتأخرت عندنا احقية انو نغير الموعد 3 مرات ايييييش رأيكم ايش حتعملوا؟؟؟

وعليكم السلام ورحمة الله وبركاته
كلنا الحمدلله طيبين
بالنسبه للفيزا والله انا احترت كمانه
انا حجزت موعد مع السفاره على أساس نص ديسمبر دا قبل شهرين تخيلي ايش سار قدموها على 1 ديسمبر وقلت اوكيه مو مشكله و قدموها مره تانيه على 24 نوفمبر دا قبل أسبوعين الله يعينني
قلت ان شاء الله يسير خير وراح احاول اشوف طريقه مع الفيزا وقبول بدري والوزاره الخ
ازا عرفت حاجه انا راح انقل لكم المعلومه من بدري

[دلال مغاوي]

طيب ياجماعة كيف نطلع الفيزا واحنا مامعانا ورقة قبول ولا ضمان مالي

[uhood]

المشاركة الأصلية كتبت بواسطة bullet4myvalentine وعليكم السلام ورحمة الله وبركاته كلنا الحمدلله طيبين بالنسبه للفيزا والله انا احترت كمانه انا حجزت موعد مع السفاره على أساس نص ديسمبر دا قبل شهرين تخيلي ايش سار قدموها على 1 ديسمبر وقلت اوكيه مو مشكله و قدموها مره تانيه على 24 نوفمبر دا قبل أسبوعين الله يعينني قلت ان شاء الله يسير خير وراح احاول اشوف طريقه مع الفيزا وقبول بدري والوزاره الخ ازا عرفت حاجه انا راح انقل لكم المعلومه من بدري

يعني رأيك اتوكل على الله واحجز موعد
لاني لقيت موعد تقريبا بعد 3 شهور وهما حيجيبوا القبولات في شهر 2 زي ماقالوا وازا اتأخرت يسير أاجل الموعد

طيب عندي استفسار تاني
انا اختي تبغى تدرس على حسابها بعدين تلتحق بالبعثة بس سمعت انو وقفوها السنة دي
ما ادري هل الكلام صحيح ولا بس إشاعات
وازا كان إشاعة متى تلتحق بالبعثة ؟ هل لازم تدرس ترم في الجامعة وبعدوا تلتحق بالبعثة ولا ممكن قبل كدا؟؟
معليش طولت عليكي