مهدي آل حيدر - قصيدة مهرة البيرق

[فهد المالكي]

يالله حيهم

قصيده للشاعر المبدع مهدي آل حيدر من السعوديه

عندما يلقي القصيده وكأنه فارس على صهوة جواده

هذي القصيده شارك بها في برنامج شاعر المليون مرحلة الـ 48






يوم جات الخيل تصهل في وعدها - فوقها من كل جسار فداوي

والحشود اللي ولد زايد حشدها - كل جمع(ن) له بفرسانه هقاوي

قلت حيوا هاالنجوم ومن شهدها - ليلة(ن) فيها الفلاحي البدر ضـــاوي

وإعتليت اللي تخطف الريح يدها - شوق من راسه علي الناموس ناوي

مهرة للبيرق مروض جسدها - ماتروغ من الملز ولا تلاوي

شامخه بين الرمك كنها وحدها - راسها قبل المدي للفوز طاوي

فان عطت قب المهار أقصي جهدها - واعتلى من فوقها صوت العزاوي

وإن نخن للقوم من موقف ولدها - تحذف الغتره مع البشت الحساوي

باخص الدنيا سعدها مع نكدها - شاعر(ن) لكن ماراسي بغاوي

والله إني لابغت ربعي سعدها - خير من تتبع خطاويه الخطاوي

وقفتي لاغبت كل(ن) يفتقدها - مثل فقد العفو حزات الرجاوي

والموارد لو تشح لمن وردها - والضما يجعل نبات المرخ داوي

ماتمنيت البروق ولا رعدها - مرتعي من سيل وادي العرض راوي

إن صلحت فعز الأشراف وسندها - وان حربت دميت من له كبد كاوي

للعلوم جبال ماكل(ن) صعدها - يوم عاد الذيب فوق الرجم عاوي

ما اقتني لكنوزها اللي من بجدها - من زمن قس الايادي للخلاوي

شارب(ن) ماءها وراعي في بلدها - ما نفي بموت ساحلها جلاوي

والقصايد ما تغنم من قصدها - ولا تبين في محاسنها مساوي

واجب الرجال لا منه نشدها - مايعلقها بهزلات العراوي

قالها اللي من رغدها ليارغدها - ترسم رعوده وبراقة سناوي

لازم العذره وطايب له شهدها - نظره يشبع ونظره للزحاوي

ليتها دام تبسم لي بردها - ماترد الصب عن حضن المداوي


صح لساااااااااانك

وسلاااااااااااامتكم

[:. مآء السمآء .:]

تسلم فهد على النقل

قصيده رائعه من شاعر اروع

[فهد المالكي]

الله يسلمك همس الغلا

وهذا من ذوقك