مساعدة في برمجة 2 "جافا"

[كتكوتة الحاسبات]

السلام عليكم ورحمة الله وبركاته
اتمنى أحد يفهمني طريقة برمجة هذاالمثال:
4- Leap Year
Design and implement an application that reads an integer value representing a year from the user. The purpose of the program is to determine if the year is a leap year(and therefore has 29 days in February) in the Gregorian calendar. A year will be a leap year if it is divisible by 4 but not by 100. If a year is divisible by 4 and by 100, it is not a leap year unless it is also divisible by 400. For example, the year 2003 is not a leap year, but 2004 is. The year 1900 is not a leap year because it is divisible by 100, but the year 2000 is a leap year because even though it is divisible by 100, it is also divisible by 400. Produce and error message for any input value less than 1582 (the year the Gregorian calendar was adopted).
وجزاكم الله ألف خير

[3mOoRy]

المطلوب هو :
عمل برنامج يأخد من المستخدم قيمه انتجر وهيا ( السنه مثلا 2011 ) ويشوف هيا سنه كبيسه او لا ., مع العلم انو السنه الكبيسه هي اي سنة تقبل القسمة على رقم 4 بدون باقي فهي كبيسة، وما عداها يكون سنة بسيطة
باستثناء (رؤوس القرون) أي السنوات التي يكون آحادها وعشراتها (00) لا تكون كبيسة إلا إذا قبلت القسمة على رقم 400 بدون باق أو إذا كانت السنة واقعة في رأس قرن يُحذف الصفران في آحادها وعشراتها وباقي رقم السنة إذا قبل القسمة على رقم
4
من دون باق تكون كبيسة



اتمنى تكوني فهمتي وبالتوفيق

اذا مره ما عرفتي الحل نحاول نساعدك فيه ., واعتقد انه سهل بالتوفيق

[كتكوتة الحاسبات]

الله يعطيك العافية بس والله الى الان ماني فاهمة كيف أحول هالكلام لأكواد
والتسليم قرب محتاجة مساعدتك فيها
وألف شكر لك

[3mOoRy]

انا حاقلك ايش الي ممكن تستخدميه عشان تسوي البرنامج

حاولي تفكري وقوليلي فين توصلي

الحكايه كلها اف و الس ., وحتشوفي باقي القسمه على 100 عشان تعرفي التاريخ لو كان مثلا 1900 , 1800 , .. يعني احاده وعشراته 00 .,., وكلللها اف والس ولا تنسي انو لازم التاريخ يكون فوق 1582
بالتوفيق

اسف عالتأخير

[كتكوتة الحاسبات]

ماقصرت الله يعطيك العافية ويسهل عليك كل صعب في حياتك ..
يعني أقول لليوزر دخل السنه بعدين أقول وايل اذا أكبرمن 1528
أقول له خطأاذا صح يدخل أقول اذاكان السنه "هنا الورطة ماني عارفه أكتب العمليه في الاف لأنه مايقبل الابولين كيف اكتب باقي قسمه واحادوعشراته أصفار وهالكلام كيف أكتبه ^_^"يعني مشكلتي في صياغة اللي داخل الوايل
وسامحني لوتعبتك معي

[3mOoRy]

معليش عالتاخير

لو سويتي وايل حتكون انفنت لوب ., لانه اليوزر حيدخل السنه مره وحده وحتكون فوق 1582 ومارح يكون في شرط للخروج من اللوب .

احسن طريقه تقولي لليوزر ادخل السنه اكثر من 1582
وبعده تحطي اف السنه اكبر من 1582 يعطيه ترو ويكمل وفي الاخير الس تظهرله رساله انو ادخال خاطئ وترجعي تقوليلو ادخل السنه ..

لو تبغي باقي القسمه بين مثلا 2003 و 100 زي كذا
2003%100
يعطيكي باقي القسمه
وطبيعي لو كان باقي القسمه 0 يعني العدد احادو وعشراتو 00

يعني مثلا تعرفي فاريابل ايه وتكتبي

a=2003%100 كذا حيخزن باقي القسمه في a

عادي يا ستي مافي تعب ولا شي
بالتوفيق يارب

[كتكوتة الحاسبات]

مشكور وماقصرت الله يعطيك العافية

[3mOoRy]

ويعافيكي
لو احتجتي شي قولي ان شاء الله كلنا نساعد بعض

[كتكوتة الحاسبات]

ماتقصر
شكرا لك

[mr:bassam]

عرفتي تحلي البرنامج :) ,,,,,؟!