InstagramTwitterSnapChat


 
وصف

العودة   منتديات سكاو > الكليات الجامعية > منتدى كــــلــية الهـــــــــندسة > منتدى الملخصات والمواضيع المميزة (كلية الهندسة)
   
   


منتدى الملخصات والمواضيع المميزة (كلية الهندسة) قسم خاص يتم نقل المواضيع المميزة و الملخصات والملفات المهمه

تجربتي لأول ترم هندسة شمال جدة للفصل الدراسي الأول 1435هـ

منتدى الملخصات والمواضيع المميزة (كلية الهندسة)

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 15-01-2014, 01:05 AM

aboowoody aboowoody غير متواجد حالياً

جامعي

 
تاريخ التسجيل: Jan 2014
الكلية: كلية الهندسة
التخصص: هندسة
نوع الدراسة: إنتظام
المستوى: الرابع
البلد: جــــدة
الجنس: ذكر
المشاركات: 2
افتراضي تجربتي لأول ترم هندسة شمال جدة للفصل الدراسي الأول 1435هـ




بسم الله الرحمن الرحيم

اليوم بشرح لكم تجربي عن الهندسة الفصل الأول في فرع شمال جدة
رح أتكلم عن كل مادة وعن دكتورها وعن اختباراتها وعن تقسيم درجاتها


1- اقتصاد هندسي
مادة سهلة جدا أسهل مادة من مواد الهندسة تتكلم عن الربح والمقارنة بين المنتجات
طبعا المادة مالها إلا دكتور واحد واسمه منذر (أردني)
المنهج دسم جدا وفيه لف ودوران لكنه سهل
والدكتور كان مسهلة لنا ما يجيب في الاختبار إلا اللي شرحه
تقسيم الدرجات 20 دوري دوري أول
(3 أسئلة فقط سؤالين 7 درجات + 7 درجات وسؤال 6 درجات )
وزيها للدوري الثاني
و20 درجة على الحضور والمشاركة ( كلنا أعطانا 20 )
ونهائي 40 درجة

-------------------------------


2-علم المواد
احنا أول دفعة تدرسها في أول سنة (أصلا المادة للمتخصصين)
المادة فيها شوية معلومات عن كيمياء 110 و كمان تتكلم عن المادة والتغيرات اللي ممكن تصير عليها
دكتورها اسمه محمد زين العابدين ( باكستاني ) وكمان لها دكتور ثاني ( مصري)
الباكستاني يدرس الطلاب المستجدين والمصري للمتخصصين
بداية الترم ما كنا نبغا الباكستاني لأنه ما يعرف عربي ولهجته الانجليزية شبه معدومة لكنه فاهم اللغة
الآدمي حقاني في الدرجات يشرح من سلايدات هوه سواها
تقريبا كان كل دوري 6 لكتشرات (محاضرات )
وكل لكتشر (محاضرة) من 6 إلى 12 سلايد (شريحة )
اختباراته سهلة نسبيا 95% من السلايدات و ال 5% الباقية من فهمك
يبغالك تحفظ السلايد أكثر من اسمك لأنه ما يرضى انك تنقص ولا حاجة حتى ولو كانت كلمة وحدة وكمان يبغالك تحفظ الرسومات اللي في السلايدات اللي يقلكم عليها واللي يركز عليها في المحاضرة
والمادة لها واجبين في الترم كل واجب 10 درجات
الواجب الأول عبارة عن رسم و الواجب الثاني يطلب منك انك تكتب كم مسألة بالحل حقها طبعا و بالنص وكمان لا تنسى تكتب القانون و أي رسمه تتعلق بالمسألة (المسائل من الكتاب الرئيسي للمادة )
توزيع الدرجات 20 دوري أول + 20 دوري ثاني + 20 واجبين + 40 نهائي

---------------------------


3- استاتيكا
هذي المادة اسوأ مادة من حيث الدرجات
المادة تتكلم عن القوى وتحليل القوى والقوى الخارجية والعزوم
دكتورها اسمه محمد عبدالفضيل ( مصري )
شرحه متوسط ( مو ذاك الزود ) يعاملك على أساس انك ماخذ المادة من قبل
يشرح من الكتاب الرئيسي للمادة الكتاب مرتب وشامل كل الأفكار اللي ممكن تتخيلها
طبعا فيه مسائل تو دايمنشن (2d ) و مسائل ثري دايمنشن (3d )
هوه يركز على مسال (3d) بنسبة 75 % من أسئلته وهذا السبب في أن الدرجات سيئة
70 % من أسئلة الاختبار من أمثلة الكتاب و 30% يجيبها من برا الكتاب
توزيع الدرجات 10 كوز 1 +20 دوري أول +10 كوز 2 +20 دوري ثاني + 40 نهائي



---------------------------


4- ورش عمل أساسية
هذي أكثر مادة رح تحس فيها انك مهندس
المادة تتكلم عن الأدوات الهندسية وطريقة استخدامها يعيب المادة هو عدم وجود معمل في فرع الشمال فرح تضطروا إنكم تروحون لفرع الجنوب وأحيانا إلى كلية التقنية في جنوب جدة لوجود معامل مجهزة فيها
وممنوع دخول أي معمل / ورشة إلا تكون لابس لاب كوت + سيفتي شوز ( جزمه حماية للقدم )
تقريبا رح تروحوا 4 أو 5 مرات في الترم كل مره رح تأخذون ورشة مختلفة
ورشة خراطة – ورشة برادة – ورشة سباكة – وورشة لحام
كل ورشة رح تسوون عليها تقرير وكل تقرير عليه 10 درجات
التقرير يكون عن الأشياء اللي شفتها واشتغلت عليها في الورشة بالانجليزي
و أنصحك انك تأخذ معك ورقة وقلم كل مره تروح فيه للورشة وتسجل اللي أنت شفته والأشياء اللي رح يقلك عليها المهندس عشان تسهل على نفسك كتابة التقرير
لا مانع انك تجيب معلومات من الانترنت وصور ترفقها معك في التقارير
وفي نهاية الترم تقريبا آخر شهر من الترم رح يطلب منكم الدكتور تقسمون أنفسكم مجموعات
كل مجموعة كحد أقصى 4 طلاب تسوون عرض عن ورشة اخذتوها
طبعا الدكتور هوه اللي يختار موضوع المجموعة و العرض عليه من 30 إلى 40 درجة
واختبار نهائي عليه من 20 إلى 30 درجة
الاختبار من السلايدات اللي يشرح منها المحاضرة بالنص

----------------------



5- فيزياء 202
المادة سهله تقريبا لكن قوانينها كثيرة جدا ممكن أكثر من 100 قانون
دكتورها اسمه خالد (مصري ) الدكتور فلاوي
كانت محاضرتنا يومين في الأسبوع ساعة ونص كل محاضره
هوه كان يأخذها ساعة وحدة بالكثير
وشرحه مو ذاك الزود يقرا من السلايدات حقته بس
وكان المنهج 10 شباتر ممكن المحاضرة الواحدة يأخذ فيها شبتر او شبتر ونص
وإذا كان في اختبارات للسنة التحضيرية ما كان يجينا ويعطينا راحة أسبوع وأحيانا أسبوعين
تقريبا 6 إلى 10 محاضرات في التزم يلغيها
ورح تتفاجأ بعد 10 محاضرات شرح فيها انك مخلص المنهج
توزيع الدرجات
30 درجة دوري (أول 4 شباتر) + 40 درجة نهائي +30 درجة معامل
المعامل رح تطبق فيها اللي أخذته في الفيزياء طبعا المعمل يدرسك فيه معيدين
كل اللي عليك انك تكتب التقارير بالعربي طبعا (تقريبا 8 تقارير في الترم ) وتطبق اللي يشرحه
توزيع درجات المعمل
التقارير عليها 3 درجات فقط + 12 درجة دوري (بعد 5 تجارب ) + 15 درجة اختبار نهائي
الاختبار الدوري نظري والنهائي عملي تطبق فيه تجربة كاملة بالتقرير حقها
طبعا أنت رح تأخذ رقم وكل رقم تجربة مختلفة أنت وحضك
ممكن تجي لك تجربة أنت فاهمها وممكن العكس


------------------



6- معامل فيزياء 281
هذي المادة سهلة جدا اللي رح يدرسك فيه نفس المعيدين اللي في 202
فكرتها نفس فكرة معامل 202 بس يختلف انك رح تطبق فيها تجارب فيزياء 110 اللي أخذتها في التحضيري
توزيع الدرجات
40 دوري (بعد 5 تجارب ) +20 درجة للتقارير + 40 درجة نهائي



------------------------


7- ثقافة اسلامية

طبعا المادة غنية عن التعريف دكتورنا الزهراني نسيت اسمه
بداية الترم يطلب منك واجب عليه 10 درجات
الواجب تختار من بين 4 أشياء
1- تكتب تقرير عن وحده في المنهج
2- تشرح وحد كاملة
3- تسوي عرض باوربوينت عن وحدة
4- تسمع سورة الملك
الدكتور ما ينمل من كلامه اغلب شرحه من خارج الدرس
يأخذ النقاط من الكتاب ويشرح النقطة بأسلوبه الجميل وهذا الشيء اللي يحببك في المحاضرة بزيادة
توزيع الدرجات
25 درجة دوري أول (30 سؤال) + 25 درجة دوري ثاني (30 سؤال )+ 10 درجات واجب
+ 40 درجة نهائي



وأخيرا هذي هيه تجربتي للترم الأول
وان شاء الله رح اذكر تجربتي للترم الثاني في نهاية السنة

وبالتوفيق للجميع










التعديل الأخير تم بواسطة نــورهـ ; 28-01-2014 الساعة 07:36 PM. سبب التعديل: إضــــافة ختم التميــز , جزاك الله خير الجزاء ..
رد مع اقتباس

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-01-2014, 07:37 PM   #2

dinho

جامعي

الصورة الرمزية dinho

 
تاريخ التسجيل: Oct 2010
التخصص: هندسة - عسفان
نوع الدراسة: إنتظام
المستوى: السابع
الجنس: ذكر
المشاركات: 211
افتراضي رد: تجربتي لاول ترم هندسة شمال جدة

الله يوفقك وييسر لك أمرك واسال ربي يهيئ لك من أمرك رشدا
وعلى فكرة الورش احنا اخذناها نظري بس هههه بدون ما نشوف شيء
وأما دكتور خالد في الفيزياء فحليق الشعر هذا فلاوي بس الله يهديه شرحه مو قد كذا ترى والا ترى طيب
واما الاستاتيكا فلا تشكيلي فابكي لك ههههههههه المادة ما تحس بسهولتها الا في النهائي انا عن نفسي جبت فيها 85 وكله من النهائي لاني مافهمت المادة الا في النهائي
وغريب انك مااخذت ولا مادة صناعي نقرتين لعرض الصورة في صفحة مستقلة

 

توقيع dinho  

 

يارب رضاك والجنة

 

dinho غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-01-2014, 07:38 PM   #3

dinho

جامعي

الصورة الرمزية dinho

 
تاريخ التسجيل: Oct 2010
التخصص: هندسة - عسفان
نوع الدراسة: إنتظام
المستوى: السابع
الجنس: ذكر
المشاركات: 211
افتراضي رد: تجربتي لاول ترم هندسة شمال جدة

اسف انت اخذت اقتصاد .... وهذه من اهم مواد الصناعية مع الدكتور العسل منذر بسول

 

dinho غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 16-01-2014, 10:12 PM   #4

aboowoody

جامعي

 
تاريخ التسجيل: Jan 2014
كلية: كلية الهندسة
التخصص: هندسة
نوع الدراسة: إنتظام
المستوى: الرابع
البلد: جــــدة
الجنس: ذكر
المشاركات: 2
افتراضي رد: تجربتي لاول ترم هندسة شمال جدة

شرفني مرورك يالغالي والله يوفقنا اجمعين ان شاء الله
كلها كم سنة ان شاء الله وتكون اسمائنا مع الدكاترة فوق

 

aboowoody غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-01-2014, 07:39 PM   #5

نــورهـ

نائبة المشرف العام

يا رب💜.

الصورة الرمزية نــورهـ

 
تاريخ التسجيل: Feb 2009
كلية: أخرى
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 12,067
Skaau.com (12) رد: تجربتي لأول ترم هندسة شمال جدة للفصل الدراسي الأول 1435هـ

ماشاء الله تبارك الله ..

موضوع مفيد جدًا للطلاب و نتمنى من الجميع كتابة تجاربهم للفائدة و تكون صدقة جارية عنكم ..

الله يعطيك العافية و يجزاك خير و يبارك لك في عملك و بإنتظار تجاربك القادمة :) ..

 

نــورهـ غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 02-05-2014, 05:04 PM   #6

أحـمـد ظـافـر

مشرف مُتألق سابق

الصورة الرمزية أحـمـد ظـافـر

 
تاريخ التسجيل: Oct 2008
كلية: كلية الهندسة
التخصص: مدنيّة
نوع الدراسة: إنتظام
المستوى: الرابع
البلد: الدول العربية
الجنس: ذكر
المشاركات: 2,472
افتراضي رد: تجربتي لأول ترم هندسة شمال جدة للفصل الدراسي الأول 1435هـ

ينقل للقسم المناسب

منتدى الملخصات والمواضيع المميزة (كلية الهندسة)

 

 

لا تنس #أذكار_الصباح
لا تنس #أذكار_المساء
استغفر الله العظيم الذي لا إله إلا هو الحي القيوم وأتوب إليه.
اللهم صل على محمد وعلى آله وأصحابه والتابعين.
اللهُمَّ إرحم موتَانآ وموتـــــَى المُسلِمينْ والمُسلِمآتْ
اللهُمَّ قِهمْ عذَابَ القـــَبْر وفِتنَته.

اللهُمَّ إٍنَّا نسألُكَ حُسنَ الخَاتِمة .

 

أحـمـد ظـافـر غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 11:28 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023