هل اقدر احذف سمستر .. لاني ابتزوج

[ساهي]

سلااااام يالربع والربعات

ابتزوج بمشيئة الله ( قولوا مبروك ) يعني خلال الفتره القادمه تقريبا باجازة الربيع
وتدرون الواحد ماهوب فاضي للدراسه والزواج مع بعض والكروت والخرفان والسوق و و و < بيجيب الهم ، يكفي اني ابدرس تربية منزليه عند الدكتوره زوجتي < قه قه قه ضحكتاني

س / وش الحل اللحين .. هل الحذف للسمستر تلقائي ( عند عدم التسديد )
او اقوم بابلاغ الجهات المختصه < يبي يتزوج والا يزعج العالم

افيدوني اثابكم الله وترى باقي عندنا حلاوى للعيد لاول واحد يبارك ويعلمني الحل

فوتكم بعفيه .. مع البااي

[العلم والعالم]

مبـــــــــــــــــــــــروك الزواج والله يوفقك ويجمع بينكم بكل خير

ما يحتاج تسدد بعد ما تبدأ الدراسة وفي 25/10/1429 هــ إدخل على الأودس وراح تلاقي أيقونه إسمها الأعتذار عن الفصل الحالي إضغط عليها وكمل اللازم وإنتهى الأمر

[نور جدة]

ألف مبروووووووووووووووووووووووووووووووووووووووك

[سلطان الرياض]

ألف مبرووووووووووووووووك

نصيحتي لاتحذف الترم والزواج بإذن الله لن يعطلك عن الاختبارات كلها كم يوم اختبارات وتخلص الترم على خير


خل الزواج والزوجة دافع لك للنجاح والتفوق..



وبالتوفيق يارب.. دمتم بخير,,,

[هدو]

مع كلام سلطان الرياض ولو مصر على الحذف الطريقة وضعها العلم والعالم بالتوفيق

[فهد الفهد]

ما انصحك تحذف ترم

الزواج خير والعلم خير وما اشوف للحذف داعي خصوصاً انك انتساب

والف مبروك والله يجمع بينكم بخير

[ساهي]

شكرا للجميع .. والعاقبة لديكم بالمسرات
والله يشوف اللي فيه خير

توكلت على الله