كنت مريضه وما رحت الامتحان

[~*~Lujain~*~]

يوم امتحان الرايتنق كنت تعبانه ورحت المستشفى واخذت تقرير طبي
ووديته لكلية الاداب في شؤون الانتساب الجديد
واليوم افتح الاوديس مكتوب dn
وش قصدهم يعني باخذ اختبار بديل
ومن وين اعرف اذا كانو قبلو العذر او لا
وربي حايسه :(
هيلب مي

[عادل العتيبي]

up

سلامات وابي ارفع الموضوع عشان احد يفيدك

[كلمات من القمر]

انا مثلك غبت في اختبار المحاسبه الحكوميه
وقدمت عذر لما سئلت متى تطلع اسامي الطالبات المقبوله اعذارهم قالت المشرفه
خلال الاسبوعين الاوله من بداية الترم الثاني
يعني نصبر اسبوعين ونشوف الـ dn تغيرت ولا لأ
بس انا بعرف متى راح يكون موعد الاختبارات البديله
مع اختبارات الترم الثاني او في موعد ثاني؟؟؟؟؟؟

[~*~Lujain~*~]

المشاركة الأصلية كتبت بواسطة كلمات من القمر انا مثلك غبت في اختبار المحاسبه الحكوميه وقدمت عذر لما سئلت متى تطلع اسامي الطالبات المقبوله اعذارهم قالت المشرفه خلال الاسبوعين الاوله من بداية الترم الثاني يعني نصبر اسبوعين ونشوف الـ dn تغيرت ولا لأ بس انا بعرف متى راح يكون موعد الاختبارات البديله مع اختبارات الترم الثاني او في موعد ثاني؟؟؟؟؟؟

لا اخاف تنتظرين اسبوعين ويختبرون الناس الاختبار البديل في اول اسبوع وانتي ما تدرين تخيلي :|
انا قالو لي هالاسبوع بتطلع الاسماء ع ابعد تقدير بس المشكله ماني عارفه فين بتطلع

[THE EXPERT]

dn يعني انك ما حضرت الأختبار وهذا لا يعني انهم قبلوا عذرك او ما قبلوه

ولكن

لازم تراسل مدير القسم او دكتور الماده حتى تكون على درايه تامه

بالنسبه للأولاد فأختبارات البديل تكون مع اختبارات الترم الأخر ولكن ما تنزل في الجدول
وما ندري عن وضعكم

وارجو عدم التهاون في الموضوع والاعتماد فقط على المنتدى وكتابة المواضيع فيه

يمكنك عممل معامله الكترونيه عن طريق الــ odus تستفسر منهم وهم راح يعطونك جميع الخطوااات

ويارب يقبلون عذرررررك

[بـرجـوازي]

الحمد لله على سـلامتك

وماقصروا الاخوان

[كلمات من القمر]

انا اتوقع ان الاسامي راح تطلع في موقع الجامعه

كلية الاقتصاد والاداره>>>الأقسام العلميه.>>>الادارة العامة >>>
برنامج البكالوريوس>>>انتساب >>>> الاعلانات

((لاني لقيت اعلانات اسماء البنات المقبوله اعذارهم الترم اللي فات هناك ))

وانتي قيسي على نفس الطريقه ( كلية الاداب)

the expert

فكرة المعاملة الالكترونية كانت رايحه عن بالي (الله يذكرك بالشهادة )

بس انت تقول اختباراتكم البديله مع اختبارات الترم الثاني ( وهذا الشي مره قالقني )

ياليت احـــد من البنات اللي قبل كذا اختبرت اختبار بديل تفيدنا متى كانت مواعيد الاختبارات البديله

[THE EXPERT]

المشاركة الأصلية كتبت بواسطة كلمات من القمر انا اتوقع ان الاسامي راح تطلع في موقع الجامعه the expert بس انت تقول اختباراتكم البديله مع اختبارات الترم الثاني ( وهذا الشي مره قالقني )

ايه بس ما تدخل في الجدول

يعني تقدرين تاخذين جدولك فل

وهذي فوقها بدون ما تدخل في الجدول

يعني اللي عنده بديل ينتبه اذا ماشافها في الجدول لا يعتقد انها مش معه

والله ييسرلك الأمور

[~*~Lujain~*~]

مشكورين ع المعلومات يارب يجزيكم الف خير

[الفويه]

انا حصل لي نفس الشيء وتابعت مع الشؤؤن التعليمية
الموضوع وما فيه انه راح تتشكل لجنه ويتم فرز الأعذار الطبية ومن بعدها سوف تتحول dn الي at
وان شاء الله سوف يكون اجتماع اللجنه بعد ثلاثة اسابيع من يوم ألأربعاء .
هذا الخبر أكييييد وهذه الطريقة التي سيتم بها معالجة الأموووور عندهم . وبالنسبة للأختبار سيكون مع الأختبارات النهائية للترم القادم .