قياس

[المعتصم بالله]

رسالة من قياس

احضار وثيقة التخرج ( لتخصص اللغة الانجليزية) شرط لدخول اختبار المعلمين


حسبنا الله ونعم الوكيل

ولكن لعله خير لنا

[off-on]

هذا ان دل على شي فانما يدل على ان الوضع بشكل عام ماشي بالبركه . قبل امس واحد من الشباب يقول متصل على قياس وشرح لهم الوضع وافادوه ان وضعه سليم ويقدر يختبر طالما متخرج وعنده اثبات .
واليوم تغيرت اللهجه .

بعدين وش هالوثائق اللي تاخذ لها شهرين حتى تخلص .
اتوقع ان طباعتها الكترونيا وكل ما تحتاجه جرة قلم وختم بس ؟ مع العلم ان خريجي الصيفي عددهم اقل بكثير من الاترام العاديه
ولكن الصبر يارب .

طيب الزبده وش نسوي . ندور واسطه عشان نختبر ؟

انت يامعتصم واللي معك وش نيتكم ؟
طبعا مافي حجز
ولكن اذا في مجموعه بتروح ونفس الوضع من فئة البدون انا بحرك يوم السبت واحط راسي بين الروس وادعي بالسلامه

[المحزوون]

اطبعوا افادة من الاوديس وروحوا اختبروا ان شاءالله تمشي

صدقوني هالرسايل مايتقيدوا فيها 100% مثل رسائل الجامعة اول ماتخصصنا انجليزي ان من شروط اكمال التخصص اجتياز مواد المستوى الثالث والرابع ولا تقيدوا فيها ..

هذه الانواع من الرسايل لتقليص العدد فقط لان اكثر الطلاب من يوم توصله الرساله ينسحب .. لكن انتم اطبعوا الافادة وروحوا لهم وبتمشي اموركم ان شاءالله .

موفقين يا خريجين ..

[off-on]

شورك وهداية الله ياغالي , ولو ان النيه 99.99 اروح بس منتظر واحد يقول رح .
اقل شي ارتاح نفسيا بس .

[المعتصم بالله]

المشاركة الأصلية كتبت بواسطة off-on شورك وهداية الله ياغالي , ولو ان النيه 99.99 اروح بس منتظر واحد يقول رح . اقل شي ارتاح نفسيا بس .

توكلنا على الله يا رجال والمكتوب مكتوب

والله كريم

واشكرك يا ابو مشعل على التحفيز وباذن الله ربي يكرمك وتتخرج يالغالي وتتعين في التعليم مثلك يستاهل وفقك الله وسدد على الخق خطاك

[Ahmed AlQahtani]

الله يوفق الجميع لما يحبه ويرضاه ..

ومن توكل على الله فهو حسبه .. أنتم توكلوا على الله سبحانه وتعالى وبإذن الله تتيسر أموركم :)

[asim]

وحتى الختم والتوقيع أصبح الكترونياً

المعتصم بالله ألست خريجاً .

[المعتصم بالله]

المشاركة الأصلية كتبت بواسطة asim وحتى الختم والتوقيع أصبح الكترونياً المعتصم بالله ألست خريجاً .

بلى

ولكن لدي مادة بديل at لم ترصد درجتها الى الان لكن هناك محاولات لرصدها غداً الاربعاء بعدها ساحصل على الافادة باذن الله

لان تسليم الوثيقة سيكون في 11/1 الله المستعان

دعواتكم

[العتيني]

كان الله بعونكم يا خريجين والله ييسر لكم اموركم

[ديراوي]

بأذن الله رايحين للأختبار (الله يوفقنا)