الحذف والاضافة من وين؟؟

[LAURA H]

مرحبا حبايبي..
سؤالي مستعجل وأرجو الرد بسرعة.. انا بروح الجامعة عشان أحذف وأضيف.. ممكن تقولوا لي كيف أعرف الساعات المكتبية لاستاذات الحذف والاضافة؟؟ مس جميله ومس نجوى؟؟!!
ماني حابة أروح الجامعة ع الفاضي وماالاقيهم.. بلييييز ساعدوني ضروري..

[nour al3mr]

مس جميله دايم أشوفهــــــــا في جميع أيام الاسبوع ..
بس اضمن لك تكون موجوده في الجامعه يومي الأحد و الثلاثاء لانه عندهــــا فرنسي ..

أما د/ نجوى ماشفتهـا أبداً لأنها ماتدرس الإنتظــــــــام ..

يعينك ربي ويفتح عليك..~

[LAURA H]

شكرا حبيبي نور العمر بس المشكلة اني ابغى ساعة محددة لانه الصراحة ماعندي وقت أستناها..
أكيد تكون حاطة مواعيد عن الحذف والاضافة عند بابها..
شكرا لمرورك الكريم..

[امتنان]

سلاااموو

اداعادي تضيفيلي معاكي مواد لانو مااقدر ارووح الجامعه ..؟؟

وسوري اداثقلت عليكي

[LAURA H]

مو خليني أروح الجامعة أول بعدين أضيفلك..
أبغى اي وحدة تشوفلي الساعات المكتبية للاستاذات!!

[LAURA H]

يا بنات لقيت ايميلات والساعات المكتبية لاستاذات الانجليزي للحابين يروحوا يحذفوا ويضيفوا.. بس اسم أ/جميله مشطاطي مو موجود.. أعتقد لازم نروح عند مس نجوى الغريبي..

[nour al3mr]

نسيت والله ..
كنت ناوية أشوفهـآآآ لك اليوم ..

بس كان عند اختبار و اتسطلت منه ..

بإذن لله اشوفها لك الإثنين ..~

[LAURA H]

ربي يوفقك في الاختبار..
أمانة لو موجودة قوليلنا متى ساعاتها المكتبية..

[رحماك ربي]

لورا ليه مافي ايقونة حذف واضافة على صفحاتنا الخاصة
لازم من الجامعة...!!!!!؟؟

[LAURA H]

ايوة الايقونة شايلينها من زمااااان ولازم نروح الجامعة عشان نحذف ونضيف!!!