تحويل الحاله الى متخرج

[بنكي..بنك الرياض]

اخواني انا عديت 105 ساعه مكتسبه وللحين الحاله : فعال
وارسلت معامله ولهم اسبوع ماردو ايش الحال ايتها الغزلان والنسور!!

[abokbsh]

السلام عليكم ورحمه الله وبركاته
يالغالي مايحتاج التحويل
ان شاء الله لين تخلص عدد الساعات المطلوبه(موجوده تحصلها في الاوديس في المواد المتبقيه)
وتشوف متى موعد استلام الشهاد او الوثيقه وتروح طال عمرك تستلمها
والحمد لله...
موفق ان شاء الله...

[بنكي..بنك الرياض]

طيب يأسد لازم تتحول الحاله عشان اقدر اضيف 24 ساعه بدل 18 ساعه عشان اقدر اتخرج

[abokbsh]

لا يالغالي مايحتاج وانا اخوك
معامله الكترونيه او اتتصل عليهم
ولو تبغا لين 25ساعه يعطونك يالغالي
(اسال مجرب)
خذ كلام ثقه (صدقني مايحتاج)
ربي يوفقك وتتخرج باذن الله..

[بنكي..بنك الرياض]

المشاركة الأصلية كتبت بواسطة abokbsh لا يالغالي مايحتاج وانا اخوك معامله الكترونيه او اتتصل عليهم ولو تبغا لين 25ساعه يعطونك يالغالي (اسال مجرب) خذ كلام ثقه (صدقني مايحتاج) ربي يوفقك وتتخرج باذن الله..

عسا ربي يوفقك ويسهل امرك قل آمين

هذي المشكله مرسل معامله لي اسبوع ولا ردو عليها وقالو لي الفصل الي فات انها تظهر خانه بالاوديس
تقدير تغير حالتك الى متوقع تخرجه وماطلعت وهنا المشكله
لكن مافيها الى ارسل احد لهم ويعدلونها

اشكرك على تجاوبك

[abokbsh]

اااامين وياااك يالغالي...
طيب تصدق
انا الحين اتخرجت ولله الحمد(عقبااااااالك يابطل) في الفصل الثاني
عندي ثلاث معاملات من بدايه السنه (يعني من الفصل الاول) الى الان (جاري الدراسه) وانا اتخرجت خلاص
بس صراحه عشان اكون منصف في كلامي
والله يالغالي انهم ماقصرو
زياده ساعااااات داااايم في كل فصل ارفع معامله وانتظر اذا ما زادو الساعات
اقوم ارجع وارفع معامله واذكرلهم اسم ورقم الماده واطلب منهم يضيفونها لي .. وهكذا..
في كل ترم
الترم الثاني الي فات اخذت25ساعه بنفس الطريقه والحمد لله اتخرجت
والله ما ابغاك تتعب نفسك وتروح من ذلحين
اصبر قدامك تقريبا" شهرين
وبعدين تصدق انت حتى لو حبيت اي شعبه وكانت مغلقه يضيفونها لك(عشانك خريج)
فتوكل على الله وخلك وراهم لين يضيفونها لك
وربي يسعدك ويوفقك يارب....

[بنكي..بنك الرياض]

هم فعلا اذا رحت لهم مايقصرون بس سالفة اتصال او معاملات انسى بعض الاحيان يردون في المعاملات

لكن تصدق تو دخلت على الحذف والاضافه وحصلت حاطين 24 ساعه بدل 18 ساعه توني انتبه لها لكن الحاله

للحين ماتعدلت لكن ماهي مهمه حاليا

والمهم من هذا كله مدرس المادة خوفي تطيح في وحد ماينصفك بالدرجات لكن بركز فيها كويس

يعطيك العافيه وتشرفت في مرورك

[abokbsh]

المشاركة الأصلية كتبت بواسطة بنكي..بنك الرياض هم فعلا اذا رحت لهم مايقصرون بس سالفة اتصال او معاملات انسى بعض الاحيان يردون في المعاملات لكن تصدق تو دخلت على الحذف والاضافه وحصلت حاطين 24 ساعه بدل 18 ساعه توني انتبه لها لكن الحاله للحين ماتعدلت لكن ماهي مهمه حاليا والمهم من هذا كله مدرس المادة خوفي تطيح في وحد ماينصفك بالدرجات لكن بركز فيها كويس يعطيك العافيه وتشرفت في مرورك

صدقتني
الحمد لله اعطوك24ساعه بدون ماتروح ولا تحول الحاله ولا شي

وبعدين انت قلت نقطه مهمه (التركيز علا دكتور الماده)
شف يالغالي كلامك صحيح100%
بس في الغالب اخر ترم ماله تأثير فعال علا المعدل
بس لازم الواحد في كل الاحوال يشد حيله
وربك يوفقك الجميع يارب..
تحياتي لك يالغالي..