طريقة اختبار oral2

pop corn · #1 07-06-2011, 01:16 AM

السلام عليكم

بنات لو سمحتوا بالنسبة لاختبار اللسننق هل حيكون فيه أسئلة عامة من الكتاب يعني مثلا ديفنشنز أو تعداد أو عرفي حاجة معينة واحنا نكتب من حفظنا للكلمات اللي في الكتاب؟
ولا تجيب الديفنشنز بشكل اختياري زي في الكتاب؟
ولو فيه أسئلة عامة .. ممكن تساعدونا وتقولونا زي ايش مثلا.. لأني ماني عارفه اش اذاكر بالضبط غير السيلابل والتعاريف حق اكاديميك ووردز
لأني بصراحة ماني فاكره طريقة الاختبار في السمستر اللي فات

بالتوفيق للجميع

ع الطيب ربوني · 07-06-2011, 01:26 AM

يجـي مكتوب الكلمة وانتي تعرفينها

وتجي اختيارية زي مافي الكتاب

ربي يسهل لنا ويوفقنا

اختي بسالك اش مسوية في القرمر هل بامكانك توجزين هنا اهم القاعدات واعتذر منك

pop corn · 07-06-2011, 01:41 AM

شكرا على الافادة

بالنسبة للقرامرز انا ماذاكرت غير اللي في صفحة 125 اللي هي عن المبني للمجهول ... وماني شايفه في الكتاب غير دا القرامر وأحسه مهم
غير كدا ماشفت شي مهم أبدا
وأتمنى أحد من البنات يفيدنا أكتر

ع الطيب ربوني · 07-06-2011, 01:47 AM

صح المبني للمجهول جدا مهمه الترم اللي راح جابو كثير منها

ربي يقويك ويسعدك وينولنا اجمعين النجاااح باعلى الدرجات

SARO0O · 07-06-2011, 03:02 AM

مرحبا ...

مافي غير حقت المبني للمجهول

االله يسهل لنا يااااااااااارب

سرو ...

new student · 07-06-2011, 03:57 AM

الي اتوقعه يجي المبني للمجهول
والكوز والايفكت شابتر 2
والكلمات يقولو حاتجي اختياريه يعني يحطولك جمل وفي فراغات انتي تحطي الكلمه في الفراغ المناسب
واممممم الاغلب حايكون سماعي وهذا الي انا شايله همه
الله يوفقنا يارب

الملاك الأبيض · 07-06-2011, 10:40 AM

بنات ممكن لو وحدة تتكرم منكم وتشرح قاعدة المبني للمجهول باختصار لانو الخبط فيها دايما

الحين دايما في هذي القاعدة نحط الفعل في التصريف الثالث وقبله فعل مساعد ؟ صح كذا ؟
طيب والفعل المساعد كيف اغيرها يعني متى احطها مضارع ومتى تكون ماضي ؟؟؟

ياليت تفيدونا . وكمان سؤال انو الاكلمات راح تيجي تعاريف انو احنا نكتبها ؟ لانو انا اخدت نظرة سريعة وماحفظت الكلمات بلييييز اكدوا علي لو في تعاريف . وربي يوفقكم وياخد بايدينا للنجاح باعلى الدرجات .

SARO0O · 07-06-2011, 11:09 AM

اهلين ملوكا

حبيبتي اسمعي اتوقع تجيب التعاريف

شوفي الصفحات هذي

7 , 35 , 65 , 95 , 124

موفقين

سرو ...

pop corn · 07-06-2011, 11:20 AM

ملاك
قاعدة المبني للمجهول لما تغيري الفعل المساعد تشوفي أول شي فاعل المبني للمجهول أذا كان جمع ولا مفرد بعدين تشوفي زمن الجملة ماضي ولا مضارع .. يسير تغيري الفعل المساعد على أساس الفاعل و زمن الجملة

ان شاء الله أكون وصلتلتك المعلومة صح
وبالتوفيق يارب

الملاك الأبيض · 07-06-2011, 11:29 AM

ربي يسعدكم ويوفقكم يااخوات سرو وبوب كورن عن جد افدتوني الله يجعله في موازين حسناتكم ياعسلز .

طريقة اختبار oral2

قسم اللغات الأوروبية و آدابها