نفسي آتخصص بهالقسم :(

[غرآم]

مسي مسي // صبح صبح .. عليكم ..

آخباااركوم يابنوتآت ..

انآ دآخلهـ على الله ثم عليكم وابغاكم تفيدوني <<< حآلتها تحزن

انا طبعا طالبه بآول سنه الي هيا السنه التحضريه مسآر اداري انساني (( يعني ادبي )) ..

طبعا كان ليا طمووح من ايام الثانوي اني ادخل هالقسم الي هو اقتصاد منزلي .. بس حطموني لما قالو هالقسم ممنوع للادبي بس برضو ما يئست وجلست اسال بس ناس كانت تقولي يدخلو وناس تقولي لا ما يدخلو بنات الادبي ..

طبعا انا قرأت اغلب المواضيع الي بهالقسم ومرا اتحمست اني ادخوووولي وان شاء الله ادخلو .. يمكن تلقو كلامي مكرر لبعض الاستفسارات الي كانو البنات ينزلوها بس انا ابغى اعرف كل شي بالتفاصيل اذا ما عندكم مانع ..

الموهم السالفه الي ابيكم تساعدوني فيها اني بنزلكم كم استفسار وانتو جابو عليها ..

<<< قوووية عين مستجده وبتتفلسف ما شبعت من الي قرتو ..

طبعا اول شي متاكدين انه هالقسم يدخلوا بنات الادبي .. ؟؟ ولا عشان بنات الادبي يدخلو لازم يجيبو معدل فوق 3 عشان يدخلو ؟؟

ثاني شي انا طبعا اموت بشي اسمو ديكور وتصميم يعني موهبه عندي هالشي وعرفت انه في قسم بهالشي في كلية الاقتصاد المنزلي الي هو (( التصمصم الداخلي )) .. اقدر ادخل هالقسم ولا لا لاني بنت ادبي .. لانه باليوم الارشادي كتبو التخصص لكل مسار كانت من ضمن الكليات للمسار الاداري كلية الاقتصاد المنزلي بس مسموح لبنات الاداري ثلاث تخصصات من ضمنها فنون اسلاميه والاثنين الباقيه نسيتها !! فبليز الي تقدر تتاكدلي اذا كان اقدر ادخل التصميم الداخلي ولا لا ؟؟

ثالث شي لو اتقبلت بالكليه ان شاء الله راح ادرس مواد عامه ولا راح يحسبولي هالسنه الي انا ادرسها ويصير اتخصص على طول لاني انا سمعت انه هالسنه راح يحسبوها ليا مواد عامه لاي كليه بس مو متأكدهـ ؟؟

رابع شي .. انا قرأت انه في اختبار قبل ماتدخلي التصميم الداخلي ؟؟ لو ما اجتزت هذا الاختبار ايش اعمل !! ادخل قسم تاني يعني مرا مو اسلوب كدا

خامس شي ء .. كلية الاقتصاد المنزلي .. فيها مواد انجلش ولا مافيها ولا فيها بالشي القليل .. لانه بصراحه انا والانجلش مرا اصحااااااب بشكل مرا مو طبيعي <<< والعكس اصح



طبعا في كم تسأووول ببالي بس اول شي ردو عليا بهاذي التساؤالات وان شاء الله برجع اسالكم تاني يعني اتحملوني راح ابهدلكم ..

بجد بكون شاكره لكم لو ساعدتوني لأنهـ انتو الامل الباقي ليا :)

[ساكنه في بيتنا]

ايش عقد الادبي اللي عندك

لا تخافي الادبي يدخلو قسمنا .. بس انتي اتوكلي على ربنا وقولي يارب :) ..

لو بدك تدخلي تصميم لازم تختبري اول ,, الاختبار يركزوا على عناصر التصميم الاساسيه , التناسب , الايقاع , الوحده ... << كدا فهمت من صحبتي

وكمان قالولها ترسم الغرفه اللي هيا فيها و جواها كرسي ,, او ترسم شي معين من زاويه معينه ,, وكدا يعني

وزي الشطار لو ربنا ما ارد انو تنقبلي في القسم اللي تبغيه تروحي لقسم تاني

وعلى سؤالك على التحويل و معادله المواد .. لو كنتي تدرسي مواد عامه شي طبيعي انها راح تتعادل ان شاء الله فيما عدا الحاسب لو اخدتيه في الاداب لازم ترجعي تاخديه عندنا عشان منهجنا اكتر من الآداب بشويتين

اغلب التخصصات الدراسه بالعربي بس في مواد تاخدي فيها شويه انقلش بس على خفيف زي مصطلحات او ترجمه براقراف معين او شي كدا ..

ممممممممممممممممم

ايش كمان بدك تسألي ؟؟ نحن حاضرين وفي الخدمة :) ..

لو سمحتي ..

غيري لون الخط مره تانيه عميتي عيني ..

[غرآم]

والله مدري عنهم هما كول شي لا للادبي كاننا ما بندرس ونتعب زي العلمي وي وي منهم :)

بجد يااعسل شووكرن على المعلومات الي قولتها ليا ... وتعبتكـ معايا يالغلا ..

وراح ارجع تاني بآسئلهـ بس مو دحين لآني رايحهـ للجامعهـ بعد شويآ ..

واذا على اللون ولا يهمكـ رآح اغيرو من شآنكـ <<< احلى يلي من شآنكـ :)

شآكرتلكـ قلبو مرآ تانيهـ ..

[kikiwiwi]

غرام ..
تخصصاتنا كلها حلوه.. لا تحشري تفكيري بس على التصميم الداخلي..

و أكيد إذا دخلتي كليتنا حتغيري تفكيرك <<< اسألي مجرب .^^.

أي سؤال احنا حاضريين خيتو

[غرآم]

يسلمو حياتو kikiwiwi على تحميسكـ ليا اكتر :) ..

بجد حبيت القسم من قبل لا ادخلوو ..

بس جااء ببالي سؤال !!

المواااد في التصميم اغلبه نظري ولا عملي ... ونفس مواد الاقتصاد تعتمد على ايش العملي ولا النظري ؟؟

وبس !!

[ساكنه في بيتنا]

:)


اهلا بك من جديد

ما اعرف اذا التصميم عنهم نظري بس اللي اشوفه انهم داااايما في معاملهم .. حتى وحده من البنات تقولي في استازات بس يعطوهم رسمه مثلا و يقولولهم ايش ممكن تضيفوا او كيف ممكن تصلحلوا الاخطاء شي كدا .. بس لو بدك كلام اكيد اسئلك وحده من البنات واردلك ان شاء الله

ومواد الاقتصاد المنزلي فيها نظري وعملي بس اكتر شي لمن تتخصصي يكون عملي يطلع عيونك << تخوف البت

وعلى قول البت كيكي ويوي .. اقسامنها كلها حلوه .. ولو درستي ماده مدخل راح تشوفي نفسك فين ..

[غرآم]

وهـ وهـ يعني شووغلهم اغلبو عملي ؟؟ اهاااااا يعني كدا ..

طيب سؤالين تانيهـ ..

الاختبارات الدوريه والفاينل تعتمد على النظري ولا العملي ولا الاثنين سوواء وكيف توزيع الدرجات يكوون ؟؟

يعني سؤاااااال لقاااااااااافه كدا ..

طلما الشووغل كولو عملي اكيد في طلبات كتيرهـ صوووح ؟؟ طيب كيف قيمة هالطلبات ؟؟

وش ممكن يطلبو منكـ انك تعملي .. يعني اش الاعمال الي يطلبووهآ .. ؟؟

<<< ابغى اعرف الاعمال اشوووف يمكن ما اقدر اسوي شي منها :)

وبليز قلبو ساكنهـ في بتنا اساليلي صحباتك عن التصميم اكتر وبكون شاكرتلك ياعسل ..

وعااارفه اني تعبتكم بس لكم الاجر ياااارب .. يعطيك الف عافيه يالغالين .. :)

[ساكنه في بيتنا]

والله يا بنتي الاختبارات اساسا اغلبها في النظري .. العملي يكون فيه مشروع او واجبات حتى الموت بس والله كل الواجبات اللي يعطونا هيا صح كرف بس كلو عشان مصلحتنا لاننا لو ما اتعلمنا عليها من تحين راح نحوس لما نتخرج

ممممممممممممممممممم

لا تخافي ترا المبالغ عاديه مهي داك الشي .. و اكتر الاشياء اللي نستخدمها من الاشياء اللي موجوده حوالينك و متوفره يعني مو تروحي عند النجار و الخطاط و الاشياء دي ..

و الاعمال مرررررررررره سهله وما تاخد وقت ,, بس اهم شي يكون عندك ابداع في تقديم العمل و يكون اخراجك تمام .. قبل فتره نزلت اعمالنا بس الصور ما تفتح تحين , راح ارفعها تاني و انزلها لعيونك ..

ان شاء الله السبت لو ربنا اراد اسألهم واردلك خبر :) ..

اس سؤال نحن حاضرين :) ..

[غرآم]

ياحياتي عليكي تعبتك معايا مرا كتير ..

كوويس والله طمنتيني على اشيا كتيرهـ مرآ ..

وتسلملي عيونك يالغلا وانا بستناكي لما تحملي الصور واشوفها ..

واليوم انا كان عندي بريك ولفلفت الجامعه كل ابوها وجيت عند مباني الاقتصاد المنزلي وجلست اتفرج بصراحه مستوى المباني الي تدرسو فيها مرآ مو اسلوووب المفروض يكون شيك خاصه انه يندرس فيه مواااد فيها ابداااااع بجد غريبين المسؤالين على الجامعهـ ..

خاااصهـ المبنى مو الي في المعامل ولا الي قدام رابيس لا اعتقد 42 مرآآآآآآ مكتوووم لما دخلتو كاننا بكهف <<<اسلووب مبالغهـ بجد لما دخلت كان ريحة المبنى مرا كتمهـ ..صووح مبنى 12 واكتر من مبنى دور واحد بس مو زي هذا ..

يلا هو شي ناخذ في حاجه ونخلص وانتهينا ...

وبجد ياعسل شاكرتلك الف مرى على تواصلك معايا .. الله لا يحرم الاجر :)

[ساكنه في بيتنا]

:)


عادي يا البي لا تعب ولا حاقه .. اهم شي راحه الشعب السعودي

وترا مبانينا مافي زيها في الجامعه كللللللللللللللللللللللللللللللللللها ,, على وشك الانهيار في ايه لحظه بالذات اللي ما يتسمى اللي قلتي عليه .. غير ريحه الكتمه فيه صوت يصددددددددددع مدري ايش حكايته .. ما اقول الا الله يهد المبني عشان يسووا واحد جديد << بس طبعا نحن نكون مو جوتو

قسمنا الحلو مسوي قروب للقراءه و قررنا من ضمن انشطه القروب اننا نضرب كلاسات الطفوله بويه بطريقه حلوه ويكون فيه تغيير في الديكورات ..

العفو خيتو ^_^ ,, امين يارب

بدك اي شي لا تستحي ..