ساعدووني في اساليب =..(

[nona.7]

السلام عليكم جميعااا....


بنااات انا كنت اقرا في منتدى الحاسب اول ماحسيت اني حتخصص حاسب..

ولمن كنت اقرا عن سمر الطاهر جااني رعب والله ..بس كنت شبه متأكده انها حتكون من نصيبي ...

لانو معروف دايما حظي احلى شي

المهم ..اليوم كانت اول محاضره مع سمر الطاهر ماده اساليب ..


اول مادخلت حسيت بررررعب .خصوصا انو دي اول محاضره ليا في القسم دا ا..
طبعا خشت في الموضوع على طول ولا عرّفت عن نفسها ولا قالت عن واجبات ولا محل مكتبها ..

اللي طلعت بي من المحاضره ..

اسلوبها ماكان مرا سيئ معانا بالعكس عااديه احسها تبى تفهمنا..
بس للاسف ....

ماافهمت شي منها ..احس كلامها مو مترابط كلمة من الشرق وكلمه من الغرب ..
حتى ماقالت لنا اذا كان عندنا مشكله او شي مافهمنا كيف نمشي نفسنا ..

ولا قالت اش اسم الكتاب ..هو لي اصلا كتاب ولا لا؟؟

الللله يسعدكم يااهل الخبره كيف اقدر افهم اش تقول لازم احضّر يعني ولا اسألها اذا مافهمت شي<<اخاف تكرهني وتطفش مني

ولا اروحلها المكتب اقولها فهميني ولا اروح عند احد تاني ...غير اني مني نابغه في الحاسب اصلا احتااج اكسترا عقل عشان استوعب الكلام

وآآآآسفه ع الاطاله بس ابى اشرحلكم معاناتي ..
واذا تبو تفهموني انتوا ماعندي مشكله

[massy]

السلام عليكم
اساليب كتابه علميه ماده سهله وما تعتمد على الكتاب مره
بس هي ماده تتكلم عن الحاسب بالغة الانكليزيه
وكمان فيها انشطه فصليه مثل برزنتيشن
شدي حيلك بس راح تلقيها سهله ان شا لله

[أرنوسية]

المشاركة الأصلية كتبت بواسطة nona.7 السلام عليكم جميعااا.... بنااات انا كنت اقرا في منتدى الحاسب اول ماحسيت اني حتخصص حاسب.. ولمن كنت اقرا عن سمر الطاهر جااني رعب والله ..بس كنت شبه متأكده انها حتكون من نصيبي ... لانو معروف دايما حظي احلى شي

ممكن نعمل مسابقة بعدين نشوف مين فينا حظها أحلى من الثانية^^

المشاركة الأصلية كتبت بواسطة nona.7 المهم ..اليوم كانت اول محاضره مع سمر الطاهر ماده اساليب .. اول مادخلت حسيت بررررعب .خصوصا انو دي اول محاضره ليا في القسم دا ا.. طبعا خشت في الموضوع على طول ولا عرّفت عن نفسها ولا قالت عن واجبات ولا محل مكتبها ..

لإنها ما شاء الله أشهر من نار على علم

المشاركة الأصلية كتبت بواسطة nona.7 اللي طلعت بي من المحاضره .. اسلوبها ماكان مرا سيئ معانا بالعكس عااديه احسها تبى تفهمنا.. بس للاسف .... ماافهمت شي منها ..احس كلامها مو مترابط كلمة من الشرق وكلمه من الغرب .. حتى ماقالت لنا اذا كان عندنا مشكله او شي مافهمنا كيف نمشي نفسنا .. ولا قالت اش اسم الكتاب ..هو لي اصلا كتاب ولا لا؟؟ الللله يسعدكم يااهل الخبره كيف اقدر افهم اش تقول لازم احضّر يعني ولا اسألها اذا مافهمت شي<<اخاف تكرهني وتطفش مني ولا اروحلها المكتب اقولها فهميني ولا اروح عند احد تاني ...غير اني مني نابغه في الحاسب اصلا احتااج اكسترا عقل عشان استوعب الكلام وآآآآسفه ع الاطاله بس ابى اشرحلكم معاناتي .. واذا تبو تفهموني انتوا ماعندي مشكله

أستاذة سمر الطاهر مو مرررررة سيئة
يعني ممكن تكون مختلفة شوية عن اللي تعودنا عليه
أحسها أحيانا تحب تعقد المواضيع أو ما أدري يمكن المواضيع بالفعل معقدة

أنا درست عندها قبل سنة ونص وإلى الآن نسلم عليها أنا وصحباتي وتقولنا إننا كنا أحسن دفعة مرت عليها
المووووووووووووووهم
اسمعي نصحتي
لما تقولكم سووا كذا بخط كذا بحجم كذا تسويه بمنتهى الدقة
أي شي ما تفهميه روحيلها المكتب تفهمك
البحث اعمليه بنفسك <<< حطي 100 خط تحت بنفسك
وطول ما إنتي شغالة بالبحث روحي لمكتبها واسأليها وناقشيها عشان تعرف وتتأكد إنك إنتي اللي عملت البحث بنفسك

نحنا كل يوم كنا عندها بالمكتب وكل الوقت ضاع على هذي المادة
لكن الحمد لله أخذنا درجات حلوة بالنهاية^^
الله يوفقكم

[nona.7]

يعطيييك العاافيه massy على كلامك اللي يرفع المعنويات هو الواحد بس داخل وحاسس انو حايس مو عارف راسوا من رجلوا بس ابى احد يقولي كيف اتعامل مع الماده..
ارنوووسيه حبيبتي مررررررررا شكررررررررا على نصايحك وتعليماتك الحلوووه ..ان شاءلله راح امشي على كلامك بالتفصيل الممل كل اللي ابى اني انجح بس الله يستر والله يعدي دا السمستر على خير ..

ومن بكراا انا مسنتره في مكتبها ..

[mama nona]

احنا اخذنا عندها مادتين

واثنين قدرنا نفلت منها

ماعمرها فهمتنا شي

وترى كل شويا تغير كلامها وعليها هبقات في التعصيب

وتحسيها احيانا تحتقرك

بس ازعجييييييييييها في المكتب واي شي مو فاهمه اسالي خليها تطفش عااااادي

مع انو لمن كنا نسال كانت تشرح موضوع تاني

احنا ما اخذنا معاها اساليب بس الله يعينك ويصبرك

[nona.7]

واااااه ياااربي ..


الله يستر ابى ابكي ..

[mama nona]

سامحيني ماقصدت اخوفك

بس ابغى احطك في الصوره

وانتي سوي اللي عليكي وزياده حبه

وان شاء الله تاخذي a+

[زهرة البنفسج]

بصراحة ياأرنوسية كلامك خلاني متأملة خير و خاصة بعد مارحت للشؤون وقالولي إن مانقدر تغير الجداول أو الشعب

[Master-Anime]

انا المادة زي ما قال الاخوان

تقريبا سهله بس ما تعرف ايش المطلوب منها في الاختبار

لكن هناك تقدير عرض بوربيوت وتقوم تشرح العرض اما الطلاب

وايضا تعمل تقرير خاص بك

وهكذا

[Oo 3soOola oo]

انا برضو درست الماده مع سمر الطاهر

احس الماده مو مره صعبه بس هيا ماتعرف تبسط الامور احسها تعقدها حتى خطة الماده مانعرفها

وكلامها وشرحهها مو واضح يعني ماتديكي فكره مبسطه عن الماده وايش رح ندرس تدخل فالعميق على طول واحنا زي الهبل مو فاهمين شي

بس نصيحتي ليكي ركزي معاها وحاولي تتعودي على اسلوبها ولو مافهتمي اسأليها اهتمي من البدايه مو زينا نصحى يوم الاختبار

الماده مافيها كتاب بس فيها عروض بوربوينت وملخصات حاولي تطبعيها قبل المحاضره وتمشي معاها فالشرح

والبحث سويه بنفسك ورح تشوفي فنهاية الترم ان الماده مضمونها سهل

هونيها وتهوووون لا تحطي فبالك انها صعبه وبالتوووفيق إن شاء الله