موعد اختبار القبول للطالبات (المنتظمــــــــآت , والمنتسبات )الراغبات في القسم

[Banana|]

السلام عليكم .. :)
عندي صديقة لي اختبارها القبول نفس الشي يوم الربوع ..
وطلبت مني أسأل لها عن أمثلة للمواضيع اللي ممكن تجي في الاختبار .. من تجربة طالبات السنة الماضية ..
فيه مواضيع تتكلم عن اختبارات السنوات اللي فاتت أدور عنها هنا ولا لا ؟!

[nour al3mr]

^
كان في موضوع يبغالي ادور عليه

لكن افتكر المواضيع كانت عامة وماهي مكـــــــــررة ^^

[نوسو]

دورت المواضيع حق السنوات الماضيه لين داخ راسي ومالقيت الا موضوع واحد عن المعلم الجيد وبس لكن فكرت بكذا موضوع ممكن يكون من بينهم الموضوع اللي يبونه مثل الاسلام الرسول رمضان الاجازه الام عن النفس التدخين وإن شاء الله يجي من هذول المواضيع

[Rmmosh]

بنات اي استمارة تتكلموا عنها وايش فيها ؟؟

انا رحت سجلت اسمي في الاختبار بس ما عطوني استمارة ولا شي !! << يعني لازم اعبي الاستمارة ؟

واللي سجلت في اختبار القبول ايش حطوا تخصصك في الاودس ؟

الرغبة الثانية ولا مانزلوا التخصص؟

[ام حمدان]

ياقلبي لاتقلقي نفسك

الاستماره الي نقصدها هيا نفسها الورقه الي تعبي اسمك وبياناتك فيها عشان يستجل اسمك عندهم من ضمن الي بيدخلوا الاختبار وتبقى الورقه عندهم ماتاخذيها

فانتي ماشيه تمام لاتخافي

اما سؤالك الثاني ماعندي فكره والله إن شاء الله زميلاتك يفيدونك


موفقين وربي يطمن قلوبكم باللي يسرها

[Rmmosh]

مررره شكرا ام حمدان الله يسعدك يارب

وياريت اي احد عنده معلومة عن اللي بدهم يتخصصوا انجلش ايش حطولهم في خانة التخصص ؟

[5o5ah]

رمووش
انا حطولي الرغبه الرابعه في التخصص
رموني علم مكتبات ومعلومات
انتي خلولك هوه فاضي؟؟

[Rmmosh]

طيب ايش كانت رغبتك الاولى ؟ انجلش ؟

انا رغبتي الاولى انجلش ورغبتي الثانية فرنسي بس انا ما ابى فرنسي بس حطيتوا كدا

امس فتحت الاودس لقيتهم حاطين لي فخانة التخصص اداب_ فرنسي :(

بس بدي اعرف هم حطولنا هوا كدا الين ما يطلع نتيجة اختبار القبول

وبعدين يغيرولنا اذا اجتزنا الاختبار ولا كيف ؟!

[هديل H]

السلام عليكم ورحمة الله وبركاته

بنات أنا قبل شويه اتصلت على سكرتيرة رئيسة قسم الانقليزي أستاذة هدى العياضي وقلت لها لازم أجي الجامعة اسجل للاختبار ولا أجي بنفس اليوم عادي ؟ قالت لي هاتي بياناتك أنا اسجل لك والله فررررررحت مرة ماصدقت من الفرحة نسيت رقمي الجامعي هههههههههه واتذكرته وأعطيتها اياه واسمي ودرجاتي قالت خلاص تعالي يوم الاختبار 23 -10 في مبنى 420من 11 الى 12 بس للاحتياط تعالوا 10

رقمها 6952000
تحويلتها 63531


يعني مايحتاج تروحو بس اتصلوا وسجلوا عندها وهيا ترد على طول الله يسعدها ويوفقها ويرزقها الجنة اخلاق ماشاءالله


بنات ادعوا لي في ظهر الغيب انقبل انقلش مااتخيل نفسي بمكان غيره
ادعوا لي كثير


وعلى المواضيع اللي ممكن تجي في وحدة قد اختبرت هالاختبار تقول جاها الموضوع عبري عن مطعمك المفضل حطوه بالحسبان ممكن يجي شي زي كذا او على نفس الصيغة مادتك المفضلة او مكانك المفضل او عن السياحة او الإجازة وفين البلد المفضل اللي تحبي تسافري له او زي ماقالوا البنات المعلم الجيد او عن الجامعة او عن قسم الانقلش

الله يوفقنا وإياكم

دعواتي لكن ولاتنسوني والدعوات

[nour al3mr]

الله يوفقكم

للعلـــــــم

في شرط لدخول الاختبـــــــآر

وهو

للمنتظمـــــــآت اللي جابوا 80% في درجات الإنجليزي بالتحضيري كحد أدني

و للإنتســـــــآب للي جابوا أفتكــــر 75 في الانجليزي كحد أدني

قرآت الورقة ع السريع وماركزت ><