نداء هام لجميع حاملي الرياضيات السنه التحضيريه

زعلانه على نفسي · 27-11-2014, 03:27 PM

بنــــــــــــــــــات انا رحت يوم الاحد اللي جات فيه الامطار
وترى مافي لا خطاب ولا بطيخ تروحين عادي تقابلين خديجه خوجه
في مبنى 3 الدور الثاني مدري الثالث ، وتقولين لها انا متعثره في الماده الفلانية
تقولك كم مره تقولين عدد المرات بعدين تقولك اكتبي اسمك ورقمك الجامعي ووقعي
وبعدين تعطيك سي دي او تروحين تجيبن السي دي من دكتوره في مبنى ثاني او ممكن
يكون اللحين صار عندها منو نسخ تعطيك اياها او تقولك انسخيه وجيبيه وبعدين
تذاكرين منو للاختبار وتقولك نزلي الماده الترم الجاي وبس لا جابت لي سيرة
اذا رسبت فيه تاني راح تعدينيه ولا شي ، يعني ترى مافي اعفاء من الباب للطاق
لازم تاخذين الماده وتدخلين الاختبار وتحلي وبعدين عاد مدري هل راح يخلوكي تعدين
الماده ولا بيقولك خذيها تاني ، المهم انا اصلن كرفوني كرف اول شي قالت لي روحي
خذي السي دي من مبنى مدري كم عنده وحدها اسمها ذكيا مدري ايش غبره هي قالت لي غبره
وانا اصلن ما اعرف امشي خطوه في الجامعه عشان كدا كانت معايا صحبتي وهي اللي ودتني ولا
من غيرها كان رجعت بينا دايركت لان من جد لو اني داريه اني بنكرف كدا كان رجعت بيتنا
المهم رحنا المبني اللي قالت عليه عند دكتوره غبره وقلت لها انا جايه من طرف خديجة خوجه عشان
السي دي قالت انا مو غبره غبره تحصلينها جوا رحت الغرفه التانية وسالت وحصلتها وفي النهاية
قالت لي استنى شوية عاد انا على بالي شوية دي يعني ابو 5 او 10 دقايق طلع ابو ساعه
المهم رحت مع صحبتي على اساس هي كمان محمله حاسب عاد هذي اللي انكرفت من جد
قالت لها روحي مبني الحاسب ومبني الحاسب مررررررررررره بعيد مشوار اصلن هو بره
الجامعه مسوين له سور مقفل مشينا فيه مشي كاننا بسور الحوامل وفي النهاية بعد الممر الطويل
تحصلين 3 مباني عاد حوسنا حوسه المهم بعد المشـــــــــــــــــوار دا الطويــــــــــــــــل
حصلنا المكان اللي قالت لها روحي له وهو اعتقد طلع الشؤون التعليمية للحاسب او شي زي كدا
المهم رحنا حصلناه مقفل جلسنا ابو نص ساعه محد جا وانا سيارتي جات بره اضطرينا نجري جري
واصلن احنى هلاكانين ورجعنا لغبره قالت خلصت بس روحي انسخيه وبعدين اعطيه لدكتوره خديجة
عاد صحبتي ما قصرت قالت لي روحي انتي وانا بنسخو لكي وبرجعو لدكتوره خديجه واعطيك اياه
لمن نتقابل والله لولا الله ثم صحبتي انا كان حوست حوسة السنين مع هالخديجه يعني بعد التعب دا
المفروض والله مو يخلوني اعدي الماده الا يعطوني 100 في 100 على الكرف اللي انكرفته
عاد مدري انتو اذا رحتو بيصير فيكم كدا ولا حتلاقو السي دي جاااااهز عند خديجه
عاد اللي تروح وتحصل السي دي جاهز تدعيلي تراني انا اللي جايبته لكم ، وترى كان بامكاني
اخذه وروح بيتنا بس لاني ماني انانية واحب الخير لغيري ، المهم هذي روحتي بالتفصيل الممل
واسفه اني طولت عليكم ، واتمنى من اللي راحو يقولو لنا اش سو ..